31-Oct-2024

ବରଗଡ଼:(ନିରଞ୍ଜନ ତ୍ରିପାଠୀ)-ଆର୍ଯ୍ୟ ସମାଜର ପ୍ରତିଷ୍ଠାତା ଆଧୁନିକ ଭାରତର ଚିନ୍ତା ନାୟକ ମହର୍ଷି ଦୟାନନ୍ଦ ସରସ୍ବତୀ ସମାଜ ସୁଧାରକ ,ଦେଶ ଭକ୍ତ ଓ ବେଦ ରକ୍ଷକ ଥିଲେ ବୋଲି ପଶ୍ଚିମ ଓଡ଼ିଶା ଆର୍ଯ୍ୟ ସମାଜ ର ବରଗଡ଼ ଶାଖା ଆନୁକୁଲ୍ୟ ରେ ବରଗଡ଼ ଠାରେ ଅନୁଷ୍ଟିତ ସ୍ଵାମୀ ଦୟାନନ୍ଦ ସରସ୍ବତୀଙ୍କ ନିର୍ବାଣ ଦିବସ ପାଳନ ଅବସରରେ ବିଶିଷ୍ଟ ବକ୍ତା ଗଣ ମତ ପ୍ରକାଶ କରିଛନ୍ତି । ପଣ୍ଡିତ ଗୋପବନ୍ଧୁ ପୁରୋହିତଙ୍କ ସଂଯୋଜନାରେ ଅନୁଷ୍ଟିତ ଏହି କାର୍ଯ୍ୟକ୍ରମରେ ଅଧ୍ୟାପକ ସୁରେଶ ବାରିକ ମୁଖ୍ୟବକ୍ତା ଭାବେ ଯୋଗ ଦେଇ ସ୍ଵାମୀ ଦୟାନନ୍ଦ ସରସ୍ବତୀ ଙ୍କୁ ସମାଜ ସଂସ୍କାରକ ଓ ବେଦ ରକ୍ଷକ ବୋଲି ଉଲ୍ଲେଖ କରି ବେଦ କିପରି ସବୁ ସତ୍ୟ ବିଦ୍ୟାର ଆଧାର ଓ  ଏହାକୁ ଲୋକଙ୍କ ପାଖରେ ପହଞ୍ଚାଇବାର ସ୍ୱାମୀଜୀଙ୍କ କିପରି ପ୍ରୟାସ ରହିଥିଲା  ସେ ବିଷୟରେ ବିସ୍ତୃତ ଆଲୋଚନା କରିବା ସହ ପବିତ୍ର ଦୀପାବଳୀ ଦିନହିଁ ସେ ନିର୍ବାଣ ଲାଭ କରି ଥିବା  ବିଷୟ ଉଲ୍ଲେଖ କରି ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।

ଅନ୍ୟ ମାନଙ୍କ ମଧ୍ୟରେ ପଣ୍ଡିତ ରବି ଶଙ୍କର ପ୍ରଧାନ ,ପଣ୍ଡିତ ଶିବାଜୀ ପ୍ରଧାନ, ସଚ୍ଚିଦାନନ୍ଦ ପଣ୍ଡା ,ସଞ୍ଜୟ ପ୍ରଧାନ ସନ୍ତୋଷ ପଣ୍ଡା ,ବାଙ୍କା ବିହାରି ସାହୁ ପ୍ରମୁଖ ସମ୍ମାନିତ ଅତିଥି ଭାବେ  ଉପସ୍ଥିତ ରହି ସ୍ୱାମୀଜୀଙ୍କ ସମାଜ ପ୍ରତି ରହିଥିବା ଅବଦାନ ସମ୍ବନ୍ଧରେ ଆଲୋକପାତ କରି ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ ।ଏହି ଅବସରରେ ଅନୁଷ୍ଟିତ ବୈଦିକ ଯଜ୍ଞରେ ଜିଲ୍ଲା ରଜକ ସେବା ସମିତିର ଅଧ୍ୟକ୍ଷ ଅର୍ଜୁନ ସେଟ ଯଜମାନ ଦାୟିତ୍ବ ବହନ କରି ଯଜ୍ଞ କାର୍ଯ୍ୟ ତୁଲାଇଥିଲେ ।ବିଭିନ୍ନ ବ୍ଲକରୁ ଆର୍ଯ୍ୟ ପ୍ରତିନିଧି ବୃନ୍ଦ ଓ ବିଦ୍ବାନ ମଣ୍ଡଳୀ ଏହି କାର୍ଯ୍ୟକ୍ରମରେ ଅଂଶ ଗ୍ରହଣ କରି ସ୍ଵାମୀ ଦୟାନନ୍ଦ ସରସ୍ବତୀଙ୍କ ସ୍ମୃତି ଚାରଣ କରିଥିଲେ