27-Oct-2024

ତୁରେକେଲା (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ଏକ ଦାଦନ ପ୍ରବଣ ଜିଲ୍ଲା ଭାବେ ପରିଗଣିତ ହେଉଥିବାବେଳେ ବର୍ତ୍ତମାନ ଦାଦନ ଋତୁ ଚାଲୁଅଛି। ସରକାର ବେଆଇନ ଦାଦନ ଚାଲାଣ ରୋକିବାକୁ ଟାସ୍କ ଫୋର୍ସ ଗଠନ କରିଥିଲେ ସୁଦ୍ଧା ତାହା କାର୍ଯ୍ୟକାରୀ ହେଉନଥିବା ଦେଖିବାକୁ ମିଳୁଛି। ସ୍ଥାନୀୟ ପୋଲିସ ଅଧିକାରୀ ଙ୍କୁ ହାତକରି ବିଭିନ୍ନ ସ୍ଥାନରେ ବେଆଇନ ଦାଦନ ଶ୍ରମିକ ଚାଲାଣ ହେଉଥିବା ବେଳେ ବଲାଙ୍ଗିର ଜିଲ୍ଲା ର ସଚ୍ଚୋଟ, ନିଷ୍ଠାପର ଭାବେ ବଲାଙ୍ଗିର ଜିଲ୍ଲା ର ତୁରେକେଲା ଥାନା ଅଧିକାରୀ ରମାକାନ୍ତ ସାହୁ ନିଜ କର୍ତ୍ତବ୍ୟ ଭାବି ଅଞ୍ଚଳରେ ବେଆଇନ କାର୍ଯ୍ୟକଳାପ ନିୟନ୍ତ୍ରଣ କରୁଥିବା ବେଳେ ବେଆଇନ ଦାଦନ ଶ୍ରମିକ ଚାଲାଣ ଉପରେ ରୋକ୍ ଲଗାଉଛନ୍ତି। ପ୍ରଥମ ପର୍ଯ୍ୟାୟରେ ସେ ଦୁଇ ଥର ଦାଦନ ଉଦ୍ଧାର କରି ଚର୍ଚ୍ଚାରେ ଆସିଥିବା ବେଳେ ବର୍ତ୍ତମାନ ଗତକାଲି ଦୁଇ ଥର ଦାଦନ ଶ୍ରମିକ ଉଦ୍ଧାର କରି ରେକର୍ଡ ସୃଷ୍ଟି କରିଛନ୍ତି। ସୂଚନା ଅନୁସାରେ ବଲାଙ୍ଗିର ଜିଲ୍ଲା ଲାଠୋର ଥାନା ଅନ୍ତର୍ଗତ ପିପଲବାହାଲ ଗାଁ ର ସର୍ଦ୍ଦାର ରାମ ବିଭାର  ତୁରେକେଲା ଥାନା ଗଭରା,ବଡଡକଲା ଓ ପାଟଣାଗଡ଼ ଅଞ୍ଚଳର ୧୫ ଜଣ ଦାଦନ ଶ୍ରମିକ କୁ ତେଲେଙ୍ଗାନା ନେବାକୁ ପ୍ରସ୍ତୁତ ହେଉଥିବା ବେଳେ ରମାକାନ୍ତ ସାହୁ ଙ୍କ ହାବୁଡ଼ରେ ପଡ଼ି ସର୍ଦ୍ଦାର ରାମ ବିଭାର ଗିରଫ ହୋଇଛନ୍ତି। ଠିକ୍ ସେହିପରି   ନୂଆପଡ଼ା ଜିଲ୍ଲା କୋମନା ଥାନା ଅନ୍ତର୍ଗତ ଲହଣ୍ଡିପାଲି ଗାଁ ର ସର୍ଦ୍ଦାର ନାରାୟଣ ଜଗତ ଆନ୍ଧ୍ର ପ୍ରଦେଶକୁ ୭ ଜଣ ଶ୍ରମିକଙ୍କୁ ଚାଲାଣ କରୁଥିବା ସମୟରେ ତୁରେକେଲା ଥାନା ଖର୍ଲି ଗାଁ ରେ ତୁରେକେଲା ପୋଲିସ ଦ୍ବାରା ଧରାପଡ଼ିଛନ୍ତି। ପ୍ରଥମ ସର୍ଦ୍ଦାର ଠାରୁ ଏକ ବୋଲୋରୋ ଗାଡ଼ି ଜବତ କରାଯାଇଥିବା ବେଳେ ସର୍ଦ୍ଦାର ନାଁ ରେ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି ‌। ଦ୍ଵିତୀୟ ସର୍ଦ୍ଦାର ର ୪ ଟି ବାଇକ୍ ଜବତ କରାଯାଇଛି। ବଲାଙ୍ଗିର ଜିଲ୍ଲାର ବିଭିନ୍ନ ଥାନା ରେ ଦାଦନ ଶ୍ରମିକ ଉଦ୍ଧାର ହେଉଥିଲେ ମଧ୍ୟ ସେମାନେ ମୁଖ୍ୟ ସର୍ଦ୍ଦାର ପାଖକୁ ପହଞ୍ଚି ପାରୁନାହାନ୍ତି ହେଲେ ରମାକାନ୍ତ ସାହୁ ଏଭଳି ଏମିତି ଦକ୍ଷ ପୋଲିସ ଯେ ତାଙ୍କ ନାଁ ଶୁଣିବା କ୍ଷଣି ବେଆଇନ କାର୍ଯ୍ୟକଳାପ କରୁଥିବା ବ୍ୟକ୍ତି କୁ ଭୟ ଆସୁଛି। ଏଭଳି ଥାନାଧିକାରୀ ଯଦି ସମସ୍ତ ଥାନା ରେ ଥାଆନ୍ତେ ତାହେଲେ ପୋଲିସ ପ୍ରଶାସନକୁ ଦାଦନ ଶ୍ରମିକ ଉଦ୍ଧାର ମିଶନ ର ସଫଳତା ମିଳନ୍ତା ଓ ପୋଲିସ ପ୍ରଶାସନ କୁ ଲୋକ ସମ୍ମାନ ଦିଅନ୍ତେ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି।