18-Oct-2024

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ମୁର୍ଷୁଣ୍ଢୀ ପ୍ରାଥମିକ ଚିକିତ୍ସାଲୟ  ଠାରେ ମୁର୍ଷୁଣ୍ଢୀ  ଗଜଲଷ୍ମୀ ପୂଜା କମିଟି  ଓ ମହାନଦୀ ନେତ୍ର ଚିକିତ୍ସାଲୟ ତରଫରୁ ଚକ୍ଷୁ ପରୀକ୍ଷା ଶିବିର  ଅନୁଷ୍ଠିତ ହୋଇଥିଲା l ଏଥିରେ ମୁଖ୍ୟ ଅତିଥି ଭାବେ  ଜିଲ୍ଲା ଆରକ୍ଷୀ ଅଧିକ୍ଷକ  ରାମ ପ୍ରସାଦ ସାହୁ,  ସମ୍ମାନିତ ଅତିଥି ଭାବେ ଉପଖଣ୍ଡ ପୋଲିସ ଅଧିକାରୀ  ବାସୁଦେବ ଛତ୍ରିଆ, ମୁର୍ଷୁଣ୍ଢୀ ଚିକିତ୍ସାଧିକାରୀ ଶିବାନନ୍ଦ ଚାଉଳିଆ, ସ୍ଥାନୀୟ ଥାନା ଅଧିକାରୀ ଶୋଭାକର ସେଠ ପ୍ରମୁଖ  ଅତିଥି ଭାବେ ଯୋଗଦେଇ  ଶିବିର କୁ ଉଦଘାଟନ କରିଥିଲେ । ଏଥିରେ ସର୍ବମୋଟ ୩୫ ଜଣ  ନାମ ପଞ୍ଜିକରଣ କରି ଆଖି ପରୀକ୍ଷା କରିଥିଲେ। ସେଥି ମଧ୍ୟରୂ ୧୨ ଜଣଙ୍କ ମୋତିଆ ବିନ୍ଦୁ ଚିହ୍ନଟ କରାଯାଇଥିଲା । ଏବଂ ୧୦ ଜଣକୁ ଚଷମା ପ୍ରଦାନ କରାଯାଇଥିଲା ।ମହାନଦୀ ନେତ୍ର ଚିକିତ୍ସାଲୟ ର ମହେଶ ବେହେରା, ଚନ୍ଦ୍ରଶେଖର ନନ୍ଦ, ଭାଗବତ ପାଣ୍ଡେ, ଆଖି ପରୀକ୍ଷା କରିଥିଲେ। ଗଜଲକ୍ଷ୍ମୀ ପୂଜା କମିଟି ର ସଭାପତି ତଥା  ଜିଲ୍ଲlପରିଷଦ ସଭ୍ୟ  ଲବ କୁମାର ସାହୁ, ଉପସଭାପତି ଧନଞ୍ଜୟ ସାହୁ, ଉପଦେଷ୍ଟା ରାଜ ଗୋପାଳ ପାଣିଗ୍ରାହୀ, କୁଶ କୁମାର ସାହୁ, ପ୍ରେମାନନ୍ଦ ଜଟି, ସମ୍ପାଦକ ତ୍ରିୟଞ୍ଜୀବମିଶ୍ର, ସହ ସମ୍ପାଦକ ବିଦ୍ୟାଧର ଖୁର୍ଡିଆ , କୋଷାଧ୍ୟକ୍ଷ ସତ୍ୟ ମୋହନ ବେଦପାଣି  ଓ ପୂଜା କମିଟି ର ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରି ଥିଲେ l