14-Oct-2024

ବଲାଙ୍ଗୀର(ପ୍ରେରଣା ଖବର): ଆଜି ସନ୍ଧ୍ୟା ୬ଟା  ସମୟରେ ବଲାଙ୍ଗୀର ପି ପି ଏକାଡେମୀ ଠାରେ ଆସନ୍ତା ୧ ନଭେମ୍ବର ୨୦୨୪ ରେ ହେବାକୁ ଥିବା ବଲାଙ୍ଗୀର ଦିନ ଉତ୍ସବ ପାଇଁ ବଲାଙ୍ଗୀର ବଲାଙ୍ଗୀର ଦିନ ଆୟୋଜକ କମିଟି ତରଫରୁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା l ଏଥିରେ ବଲାଙ୍ଗୀର ଦିନ ଆୟୋଜକ କମିଟି ର ସମସ୍ତ ସଭ୍ଯ ସଭ୍ୟା ଯୋଗ ଦେଇ ବଲାଙ୍ଗୀର ଦିନକୁ କିପରି ସର୍ବାଙ୍ଗ ସୁନ୍ଦର କରାଯାଇପାରିବ ସେ ନେଇ ବିଭିନ୍ନ ପ୍ରସ୍ତାବ ଦେଇଥିଲେ l ଏହି ବଲାଙ୍ଗୀର ଦିନ ହେଉଛି ସମଗ୍ର ବଲାଙ୍ଗୀରବାସୀଙ୍କ ପାଇଁ  ଓ ବଲାଙ୍ଗୀରବାସୀ ଙ୍କ ଦ୍ଵାରା ଆୟୋଜିତ ଏକ ଉତ୍ସବ ଅଟେ l ଦଳମତ ନିର୍ବିଶେଷରେ ଏଥିରେ ସମସ୍ତେ ସାମିଲ ହେବାକୁ ଆହ୍ବାନ କରାଯାଇଛି l ଆସନ୍ତା ଅକ୍ଟୋବର ୩୧ ତାରିଖ ଦୀପାବଳି ପଡୁଥିବାରୁ ଏହି ଦିନ ସକାଳ ସମୟରେ ସାଂସ୍କୃତିକ ଶୋଭାଯାତ୍ରା ଓ ୧ ତାରିଖରେ ବଲାଙ୍ଗୀର ଦିନ ଉତ୍ସବ ଆୟୋଜନ କରାଯିବାକୁ ନିଷ୍ପତ୍ତି ନିଆଯାଇଛି l ବଲାଙ୍ଗୀର ଦିନ ଉପଲକ୍ଷେ ବିଭିନ୍ନ ପ୍ରତିଯୋଗିତା ଆୟୋଜନ ସମ୍ପର୍କରେ ବିସ୍ତୃତ ଆଲୋଚନା ହୋଇଥିଲା l ଆଜିର ବୈଠକରେ ଉତ୍ସବ ଆୟୋଜନ ପାଇଁ ପାଣ୍ଠି ସଂଗ୍ରହ, ବିଭିନ୍ନ କମିଟି ପାଇଁ କର୍ମକର୍ତ୍ତା ଚୟନ, ସାଂସ୍କୃତିକ କାର୍ଯ୍ୟକ୍ରମ ଓ ଉତ୍ସବର ଆୟୋଜନ ପାଇଁ ବିଭିନ୍ନ ବ୍ୟକ୍ତିବିଶେଷ ଓ ସଂଗଠନଗୁଡିକୁ ଦାୟିତ୍ଵ ହସ୍ତାନ୍ତର କରାଯାଇଥିଲା l ବଲାଙ୍ଗୀର ଦିନ ଉତ୍ସବକୁ ଧୁମଧାମରେ ପାଳନ କରିବା ତଥା ଜିଲ୍ଲାର ବିଭିନ୍ନ ବର୍ଗର ଲୋକଙ୍କୁ ଏଥିରେ ସାମିଲ କରିବା ନେଇ ପ୍ରସ୍ତାବ ଗ୍ରହଣ କରାଯାଇଛି l ଆସନ୍ତା କାଲି ସଂଧ୍ୟା ୬ ଟା ରେ ପୁଣି ଏକ ପ୍ରସ୍ତୁତି ବୈଠକରେ ସମସ୍ତେ ଯୋଗ ଦେଇ କାର୍ଯ୍ୟକ୍ରମ ପ୍ରସ୍ତୁତିର ଅଗ୍ରଗତି ଓ ସାଙ୍ଗଠନିକ ବିଷୟ ଉପରେ ଅନୁଷ୍ଠିତ ଆଲୋଚନାରେ ଅଂଶଗ୍ରହଣ କରିବାକୁ ଅନୁରୋଧ କରାଯାଇଛି l