09-Oct-2024

ବୀରମହାରାଜପୁର (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ମହିଳା ମହାବିଦ୍ୟାଳୟ ରେ ଆଜି ଯୁବ ରେଡ କ୍ରସ ଏବଂ ରେଡ ରିବନ କ୍ଲବ ଓ ଉପଖଣ୍ଡ ଚିକିତ୍ସାଳୟ ତରଫରୁ  ଏଡସ ଉପରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କଲେଜ ଅଧ୍ୟକ୍ଷ ଆଶୁତୋଷ ହୋତା ଙ୍କ ପୌରାହିତ୍ୟ ରେ ଉପଖଣ୍ଡ ଚିକିତ୍ସାଳୟର  ଏଚଆଇଭି କାଉନସେଲର ନରସିଂହ ମାହାନ୍ତି ମୁଖ୍ୟ ଅତିଥି ଭାବେ ଯୋଗ ଦେଇ ଏହି ମାରାତ୍ମକ ବ୍ୟାଧି ଉପରେ ସଚେତନ କରିବା ସହ ଏହାର ନିରାକରଣ ପଦ୍ଧତି ଉପରେ ଛାତ୍ରୀ ମାନଙ୍କ ସହ ଆଲୋଚନ କରିଥିଲେ। କଲେଜ ର ବରିଷ୍ଠ ଅଧ୍ୟାପିକା ସନ୍ଧ୍ୟାରାଣୀ ରାଉତ ସମ୍ମାନିତ ଅତିଥି ଭାବେ ଯୋଗ ଦେଇ ଏଡସ ମହାମାରୀ ବ୍ୟାପିବାର କାରଣ ଏବଂ ନିରାକରଣ ସମ୍ପର୍କରେ ଛାତ୍ରୀ ତଥା ସ୍ବେଛାସେବୀ ମାନଙ୍କୁ ଅବଗତ କରାଇଥିଲେ। କଲେଜ ର ଯୁବ ରେଡ କ୍ରସ ପରାମର୍ଶଦାତା ଅଧ୍ୟାପିକା ଗୀତାଞ୍ଜଳି ପଧାନ ଅତିଥି ପରିଚୟ ପ୍ରଦାନ ପୂର୍ବକ କାର୍ଯ୍ୟକ୍ରମ ପରିଚାଳନା କରିଥିଲେ। ଏହି ସଭାରେ କଲେଜ ର ସମସ୍ତ କର୍ମଚାରୀ ତଥା ରେଡ କ୍ରସ ସ୍ବେଛାସେବୀ ମାନେ ଅଂଶଗ୍ରହଣ କରିବା ସହ ନିଜ ଅଂଚଳ ରେ ଏହି ଦୁରାରୋଗ୍ୟ ର ସଚେତନତା ପାଇଁ ପ୍ରତିଜ୍ଞା କରିଥିଲେ। ଶେଷରେ ଅଧ୍ୟାପିକା ସନ୍ତୋଷିନୀ ନାୟକ ଧନ୍ୟବାଦ ଅର୍ପଣ କରିଥିଲେ।