09-Oct-2024

ତୁଷୁରା-ସ୍ଥାନୀୟ ତୁଷୁରା ବାଳକ ଉଚ୍ଚ ବିଦ୍ୟାଳୟ ଠାରେ ଗୁଡଭେଲା ବ୍ଲକ୍ ସ୍ତରୀୟ ଆଥଲେଟିକ୍ ମିଟ୍ ପ୍ରଧାନ ଶିକ୍ଷକ ଭାନୁମତି ଛତ୍ରିଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଅଛି।ଉକ୍ତ ଉଦ୍‌ଘାଟନୀ ସଭାରେ ଗୁଡ଼ଭେଲା ବ୍ଲକ ର ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ରମେଶ ଚନ୍ଦ୍ର ସାମର୍ଥ ଯୋଗଦେଇ କାର୍ଯକ୍ରମର ଉଦ୍ଘାଟନ କରିଥିବା ବେଳେ ଅତିରିକ୍ତ ଶିକ୍ଷା ଅଧିକାରୀ ବିପିନ ବାଗ, ବିଦ୍ୟାଳୟର ମୋ ସ୍କୁଲ ଅଭିଯାନର ସଭାପତି ନିରୋଦ ନାଗ ଓ ଚିଞ୍ଚେଡ ଉଚ୍ଚ ବିଦ୍ୟାଳୟର ବାଳଗୋପାଳ ଖେତି ସମ୍ମାନିତ ଅତିଥି ଭାବେ ଯୋଗଦେଇ କୁନି କ୍ରୀଡାବିତଙ୍କୁ ଉତ୍ସାହିତ କରିଥିଲେ। ସହକାରୀ ଶିକ୍ଷକ ବାଳକୃଷ୍ଣ ମହାପାତ୍ର ସଭା ପରିଚାଳନା କରିଥିଲେ।ଉକ୍ତ କ୍ରୀଡା ରେ ସର୍ବ ମୋଟ ୧୪ଟି ବିଦ୍ୟାଳୟର ୧୩୦ ରୁ ଅଧିକ କ୍ରୀଡାବିତ୍ ସକ୍ରିୟ କ୍ରୀଡା ପ୍ରଦର୍ଶନ କରି ୪୦ ଗୋଟି ଇଭେଣ୍ଟରେ ୪୦ଜଣ ପ୍ରତିଯୋଗୀ ବଲାଙ୍ଗୀର ଜିଲ୍ଲା ସ୍ତରୀୟ କ୍ରୀଡା ପାଇଁ ମନୋନୀତ ହୋଇଛନ୍ତି।ଏହି କାର୍ଯକ୍ରମ ର ସଫଳ ରୂପାୟନ ରେ ବିଦ୍ୟାଳୟ ର ଅନ୍ୟାନ୍ୟ ଶିକ୍ଷକ ଶିକ୍ଷୟିତ୍ରୀ ସକ୍ରିୟ ଯୋଗଦାନ ଦେଇଥିଲେ ଏବଂ କ୍ରୀଡାବିତ୍ ମାନଙ୍କୁ ଜିଲ୍ଲାସ୍ତରୀୟ କ୍ରୀଡା ପାଇଁ ମନୋନୀତ କରିଥିଲେ।ଗୁଡଭେଲା ବ୍ଲକ୍ ର ସମସ୍ତ କ୍ରୀଡା ଶିକ୍ଷକ କ୍ରୀଡା ପରିଚାଳନା କରିଥିଲେ।