26-Sep-2024

ହରଭଙ୍ଗା(ଦେବବ୍ରତ ଦାଶ): ଅବହେଳିତ ଅବସ୍ଥା ରେ ବୌଦ୍ଧ ଜିଲ୍ଲାର ପର୍ଯ୍ୟଟନ ସ୍ଥଳୀ । କୋମା ରେ ଅକ୍ସିଟୁରିଯିମ ଯୋଜନା । ପର୍ଯ୍ୟଟନ କ୍ଷେତ୍ର ର ଉର୍ଣ୍ଣତି କରଣ କରିବା ନାଁ ରେ କୋଟି କୋଟି ଟଙ୍କାର ଘୋଟାଲା । ବୌଦ୍ଧ ଜିଲ୍ଲାର ବିରନରସିଂହପୁର ଠାରେ ନିର୍ମାଣ ହୋଇଥିବା ରାଜ୍ୟର ସବୁଠାରୁ ବଡ ପରିବେଶ ଉଦ୍ୟାନ-ନନ୍ଦନବନ ରେ ଏବେ ତାଲା ଝୁଲୁଥିବା ବେଳେ ଟିକରପଡା ପଞ୍ଚାୟତର ତାମ୍ବୀଦରହ ପ୍ରକୃତି ନିବାସସ୍ଥଳ ରକ୍ଷଣାବେକ୍ଷଣ ର ଅଭାବ ହେତୁ ନିର୍ମାଣ ନ ସରୁଣୁ ମଦୁଆଙ୍କ ଆଡାସ୍ଥଳୀ ପାଲଟିଛି । ଏ ଦୁଇଟି ପର୍ଯ୍ୟଟନସ୍ଥଳୀର ବିକାଶ ପାଇଁ ସରକାରୀ ତହବିଲରୁ ଖର୍ଚ୍ଚ ହୋଇଛି କୋଟି କୋଟି ଟଙ୍କା କିନ୍ତୁ

ଫଳ ଶୂନ। ସୂଚନାମୁତାବକ ବୌଦ୍ଧ ଜିଲ୍ଲାର ଡ୍ରମ ପ୍ରୋଜେକ୍ଟ ଥିଲା ନନ୍ଦନବନ । ନନ୍ଦନବନ ନିର୍ମାଣ ପାଇଁ ପଶ୍ଚିମ ଓଡିଶା ବିକାଶ ପରିଷଦ ବିଭାଗ ପକ୍ଷରୁ ୪କୋଟି ଟଙ୍କା ବ୍ୟୟ ବରାଦ ପାଇଁ ଲକ୍ଷ ଥିଲା । ପଯ୍ୟାୟ କ୍ରମେ ଓଡିଶା ବିକାଶ ପରିଷଦ ବିଭାଗ ପକ୍ଷରୁ ୨କୋଟି ଟଙ୍କା ଅର୍ଥ ପ୍ରଦାନ କରାଯାଇଥିଲା। ବୌଦ୍ଧ ଜିଲ୍ଲାର ହରଭଙ୍ଗା ବ୍ଲକ ଅନ୍ତର୍ଗତ ବିରନରସିଂହପୁର ଠାରେ ୧୫ଶହ ଏକର ପରିମିତ ବିଶିଷ୍ଟ ସଂରକ୍ଷିତ ଜଙ୍ଗଲ ଚିହ୍ନଟ କରି ପ୍ରକଳ୍ପ କାର୍ଯ୍ୟ ମଧ୍ୟ ଆରମ୍ଭ ହୋଲା । ଯାଯାବର ନାମ ରେ ଏକ ରେଷ୍ଟୁରାଣ୍ଟ ଓ ମିଶନଶକ୍ତି ର କିଛି ସାନକସ ଷ୍ଟଲ ମଧ୍ୟ ଆରମ୍ଭ ହେଲା । ନନ୍ଦନବନ ପ୍ରୋଜେକ୍ଟ ରେ ୭୫ଲକ୍ଷ ଟଙ୍କା ନିର୍ମାଣ ରେ ବ୍ୟୟ କରାଯାଇ ବିଭାଗ କୁ ୟୁସି ପ୍ରଦାନ କରାଗଲା। ଅନ୍ୟପଟେ ପୂର୍ବତନ କନ୍ଧମାଳ ସାଂସଦ ଓ ବୌଦ୍ଧର ପୂବତନ ବିଧାୟକ ରେଷ୍ଟୁରାଣ୍ଟର ଶୁଭାରମ୍ଭ କରିବା ସହ ଖୁବଶୀଘ୍ର ନନ୍ଦନବନ କାର୍ଯ୍ୟ ସରିବ ବୋଲି କହିଥିଲେ । କିନ୍ତୁ ଏହାର ସମ୍ପୂର୍ଣ୍ଣ ବିପରୀତ ଦୃଶ୍ୟ ଏବେ ଦେଖିବାକୁ ମିଳୁଛି । ଏବେ ଏହି ନନ୍ଦନବନ ପ୍ରୋଜେକ୍ଟ ରେ ଲାଗିଛି ବ୍ରେକ । ଗେଟ ରେ ଝୁଲୁଛି ତାଲା । ରେଷ୍ଟୁରାଣ୍ଟ ପାଲଟିଛି ଭୁତକୋଠି । କେହି କିଛି ବୁଝିବା ପୂର୍ବରୁ ସବୁ ବନ୍ଦ କରିଦିଆଗଲା । କାହିଁକି ବନ୍ଦ ହେଲା କେହି ଜାଣିନାହାନ୍ତି ଜିଲ୍ଲା ପ୍ରଶାସନ ର କୌଣସି ବି ଅଧିକାରୀ ଙ୍କ ନିକଟରେ ଉତ୍ତର ବି ନାହିଁ ।
ଅନ୍ୟପଟେ ଠିକାଦାର କାର୍ଯ୍ୟ ନ କରି ଲକ୍ଷାଧିକ ଟଙ୍କା ର ଚଳୁ କରି ଛୁ ମାରିଛି ।  ଯାହାକୁ ନେଇ ଜନସାଧାରଣ ଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖା ଦେଇଥିବା ବେଳେ ଏହାର ତଦନ୍ତ କରି ଦୋଷୀ ବିରୁଦ୍ଧରେ କାର୍ଯ୍ୟାନୁଷ୍ଠାନ ସହ ପ୍ରକଳ୍ପର ପୁନଃଉଦ୍ଧାର ପାଇଁ ବୁଦ୍ଧିଜୀବୀ ମହଲ ରେ ଦାବି ହୋଇଛି । ଅନ୍ୟପଟେ ବୌଦ୍ଧ ଜିଲ୍ଲା ବୌଦ୍ଧ ବ୍ଲକ ଟିକରପଡା ପଞ୍ଚାୟତ ଅନ୍ତର୍ଗତ ତାମ୍ବୀଦରହ ପ୍ରକୃତି ନିବାସ ପର୍ଯ୍ୟଟନ । ଏଠିବି ସେହି ସମାନ ଅବସ୍ଥା । ମଦୁଆ ଙ୍କ ଆଡ୍ଡା ସ୍ଥଳୀ ପାଲଟିଛି ତାମ୍ବୀଦରହ ପ୍ରକୃତି ନିବାସ ପଯ୍ୟଟନ ସ୍ଥଳୀ ।
ପ୍ରକୃତି ନିବାସର ଯୁଆଡେ ଦେଖିବେ ପଡିଛି ମଦ ବୋତଲ ।  ରକ୍ଷଣାବେକ୍ଷଣ ଅଭାବ ରୁ ଅବ୍ୟବସ୍ଥା ଘେର ରେ ପଡି ରହିଛି ଏହି ପ୍ରକୃତି ନିବାସ ସ୍ଥଳୀ  । ୨୦୨୨ମସିହା ରେ ଅକ୍ସିଟୁରିଯିମ ରେ ଏହାର ନିର୍ମାଣ ଆରମ୍ଭ ହେଇଥିଲା । ଉଦେଶ୍ୟ ଥିଲା ପର୍ଯ୍ୟଟକ ମାନେ ବ୍ୟସ୍ତବହୁଳ ଜୀବନଚର୍ଯ୍ୟା ରୁ ଟିକେ ଶାନ୍ତି ପାଇଁ ଏଠାକୁ ଆସିଲେ ବନଭୋଜି କରିବା ସହ ପାହାଡ଼ି ନଦୀ ଓ ପ୍ରାକୃତିକ ପରିବେଶ ର ମଜା ନେବେ । କିନ୍ତୁ ଆଜକୁ ୩ବର୍ଷ ବିତିଯାଇଥିଲେ ବି ପ୍ରକଳ୍ପ ର ନିର୍ମାଣ କାର୍ଯ୍ୟ ସରିପାରୁନି ସେପଟେ ବୌଦ୍ଧ ବ୍ଲକ ର ଏଇଇ ସମ୍ବିଦ ବିଶ୍ୱାଳ ଙ୍କ ସୂଚନା ଅନୁସାରେ ଅଦ୍ୟାବଧି ପ୍ରକଳ୍ପ ରେ ୪୦ଲକ୍ଷ ଟଙ୍କା ବ୍ୟୟ ହୋଇସାରିଲାଣି  ।  ୪୦ଲକ୍ଷ ବ୍ୟୟ ହୋଇଥିଲେ ବି ପ୍ରକଳ୍ପ ର ନିର୍ମାଣ ସରିନି କିନ୍ତୁ ନିର୍ମାଣ ହୋଇଥିବା କଟେଜ ର ସମସ୍ତ ଆସବାଵପତ୍ର ଭାଙ୍ଗି ରୁଜି ଗଲାଣି । ଆଉ ପ୍ରକୃତି ନିବାସ ସ୍ଥଳୀ ପଲଟିଛି ଅପ୍ରାକୃତିକ ଅସାମାଜିକ ଲୋକଙ୍କ ଆଡା ସ୍ଥଳୀ ଗଡୁଛି ମଦ ବୋତଲ । ଅନ୍ୟପଟେ ବାହାରେ ସୌନ୍ଦର୍ଯ୍ୟକରଣ ପାଇଁ ଲାଗିଥିବା ସମସ୍ତ ଷ୍ଟ୍ରିଟ ଲାଇଟ ସହ ଅନ୍ୟ ସୌନ୍ଦର୍ଯ୍ୟ ଉପକରଣ ସବୁ ଚୋରି ହୋଇଗଲାଣି । ଯାହାକୁ ନେଇ ବୁଦ୍ଧିଜୀବୀ ମହଲ ରେ ତୀବ୍ର ଅସନ୍ତୋଷ ଦେଖା ଦେଇଦେଇଛି । ପ୍ରକଳ୍ପ ନିର୍ମାଣ ନା ରେ ଏଠି ମହା ଘୋଟଲା ହୋଇଛି ଯାହାର ଉଚ୍ଚସ୍ତରୀୟ ତଦନ୍ତ ହେବା ଆବଶ୍ୟକ ବୋଲି

ବୁଦ୍ଧିଜୀବୀ କହିଛନ୍ତି । ସେପଟେ ଜିଲ୍ଲା ପ୍ରଶାସନ ପର୍ଯ୍ୟଟନ କ୍ଷେତ୍ର କୁ ପ୍ରଥମ ଗୁରୁତ୍ୱ ଦେଉଛି । ତେଣୁ କ୍ଷେତ୍ର ପରିଦର୍ଶନ କରି ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ବୋଲି ନୂତନ ଜିଲ୍ଲାପାଳ ସୁବ୍ରତ କୁମାର ପଣ୍ଡା କହିଛନ୍ତି । ପର୍ଯ୍ୟଟନ କ୍ଷେତ୍ର ର ବିକାଶ ନାମରେ କୋଟି କୋଟି ଟଙ୍କା ଚଳୁ କରିଦେଲେ ଠିକାଦାର ଓ ଯନ୍ତ୍ରୀ । କିନ୍ତୁ ସବୁ ଜାଣି ଚୁପ ବସିଛି ଜିଲ୍ଲା ପ୍ରଶାସନ । ଏହାର ଉଚ୍ଚସ୍ତରୀୟ ତଦନ୍ତ ପାଇଁ ସାଧାରଣରେ ଦାବି ।