22-Sep-2024

ବଲାଙ୍ଗୀର(ପ୍ରେରଣା ଖବର): ଆସନ୍ତା ଅକ୍ଟୋବର ୨ ତାରିଖ ପବିତ୍ର ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ଅବସରରେ ସାପ୍ତାହିକ ପ୍ରେରଣା ନ୍ୟୁଜ ପୋର୍ଟାଲର ଚତୁର୍ଥ ପ୍ରତିଷ୍ଠା ଦିବସ ପାଳନ ହେବାକୁ ଯାଉଛି l ଗତକାଲି ଏହି ଅବସରରେ ବଲାଙ୍ଗୀର ଟାଉନ୍ ବାଳିକା ଉଚ୍ଚ ବିଦ୍ୟାଳୟ ଠାରେ କେବଳ ମହିଳା ଓ କିଶୋରୀ ବାଳିକା ମାନଙ୍କୁ ନେଇ ଏକ ଝୋଟି(ରଙ୍ଗୋଲି) ପ୍ରତିଯୋଗିତା ଅନୁଷ୍ଠିତ ହୋଇଥିଲା l ବଲାଙ୍ଗୀରର ଅଗ୍ରଣୀ ଘରୋଇ ଶିକ୍ଷାନୁଷ୍ଠାନ ସେଣ୍ଟ ଜାଭିଅରସ  ପବ୍ଲିକ୍ ସ୍କୁଲ୍ ସହୟତାରେ ଆସନ୍ତା ୨୪ ତାରିଖରେ ପ୍ରଥମରୁ ଦଶମ ଶ୍ରେଣୀ

ପର୍ଯ୍ୟନ୍ତ ଛାତ୍ରଛାତ୍ରୀ ମାନଙ୍କୁ ନେଇ ସ୍ଥାନୀୟ ପି ପି ଏକାଡେମୀ ଠାରେ ତିନୋଟି ବିଭାଗରେ ଚିତ୍ରାଙ୍କନ ପ୍ରତିଯୋଗିତା, ୨୬ ତାରିଖରେ ସ୍ଥାନୀୟ ଜେ.ଏସ୍. ଏମ୍ ଆର୍ଟସ୍ , ସାଇନ୍ସ ଆଣ୍ଡ କମର୍ସ କଲେଜ ଠାରେ କଲେଜସ୍ତରୀୟ ଓଡ଼ିଆ ଓ ଇଂରାଜୀ ପ୍ରତିଯୋଗିତା ଓ ୨୮ ତାରିଖରେ ସ୍ଥାନୀୟ ପୃଥ୍ୱୀରାଜ ହାଇସ୍କୁଲ ପରିସରରେ ଅଷ୍ଟମରୁ ଦଶମ ଶ୍ରେଣୀର ଛାତ୍ରଛାତ୍ରୀ ମାନଙ୍କୁ ନେଇ ଓଡ଼ିଆ ଓ ଇଂରାଜୀ ପ୍ରବନ୍ଧ ଲିଖନ ପ୍ରତିଯୋଗିତା ଅନୁଷ୍ଠିତ ହେବ l

  ଆଜିର ରଙ୍ଗୋଲି ପ୍ରତିଯୋଗିତାରେ  ଜିଲ୍ଲାର ବିଭିନ୍ନ ସ୍କୁଲ, କଲେଜର ଛାତ୍ରୀଙ୍କ ସମେତ ମହିଳା ମାନେ ଭାଗ ନେଇ ନିଜର କଳା ପ୍ରଦର୍ଶନ କରିଥିଲେ l 'ପ୍ରେରଣା' ଓ ମହିଳା ମାନଙ୍କ ସଂଗଠନ 'ସମ୍ପୁର୍ଣ୍ଣl' ର ସକ୍ରିୟ ସହଭାଗିତାରେ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା l ଏଥିରେ ବିଚାରକ ଭାବେ  ହିମାନୀ ତ୍ରିପାଠୀ, ଆଶାଲତା ସେଠୀ, ଧୀରେନ୍ଦ୍ର ସିଂହଦେଓ, ବିଶ୍ଵମୟ ପୁଝାରୀ,  

ଯୋଗ ଦେଇଥିଲେ l କାର୍ଯ୍ୟକ୍ରମରେ ପ୍ରେରଣା ର ସମ୍ପାଦକ ରଘୁନନ୍ଦନ ସିଂହ, ମନୋରଞ୍ଜନ ସାହୁଙ୍କ ସମେତ 'ସମ୍ପୂର୍ଣ୍ଣl' ର ସନ୍ତୋଷୀ ମେହେର, ସଞ୍ଜଳି ସତପଥୀ,ପୁଷ୍ପାଞ୍ଜଳି ମେହେର, ସଚଳା ମେହେର ବିଶେଷ ସହଯୋଗ କରିଥିଲେ l ଅନ୍ୟମାନଙ୍କ ମଧ୍ୟରେ ନଳିନୀ ପ୍ରଭା ସତପଥୀ, ରଶ୍ମି ପାତ୍ର,ଚନ୍ଦ୍ରମା ହୋତା ଓ ଟାଉନ୍ ବାଳିକା ବିଦ୍ୟାଳୟର ଛାତ୍ରୀ ଓ  ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ l