20-Sep-2024

ଏସ.ରାମପୁର, ତା ୨୦(ପ୍ରେରଣା ଖବର): ସୋନପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ରାମପୁର ଉଚ୍ଚ ବିଦ୍ୟାଳୟ ରେ ବ୍ଲକ ସ୍ତରୀୟ ଲୋକ ନୃତ୍ୟ ପ୍ରତିଯୋଗିତା ବିଦ୍ୟାଳୟ ର ପ୍ରଧାନ ଶିକ୍ଷକ ପ୍ରାଣବନ୍ଧୁ ହୋତ।ଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି ।ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଗଞ୍ଜଳୁ ମିର୍ଦ୍ଧା ଓ ଅନ୍ୟତମ ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଜଗତ ମଲ୍ଲିକ ସମ୍ମାନିତ ଅତିଥି ଭାବରେ ଯୋଗ ଦେଇ ଲୋକକଳା ଆମର ଜୀବନ ସହ ଯୋଡ଼ି ହଇଯାଇଛି ବୋଲି ମତବ୍ୟକ୍ତ କରିଥିଲେ। ଏହି ପ୍ରତିଯୋଗିତାରେ ବ୍ଲକ ର ୭ ଗୋଟି ବିଦ୍ୟାଳୟର ନୃତ୍ୟ ଦଳ ଭାଗ ନେଇଥିଲେ ଯେଉଁଥିରୁ  ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ମାୟା ବର୍ହା ପ୍ରଥମ, ନୋଡାଲ ଉଚ୍ଚ ବିଦ୍ୟାଳୟ ରାମପୁର ଦ୍ଵିତୀୟ ଓ ଉନ୍ନୀତ ଉଚ୍ଚ ବିଦ୍ୟାଳୟ ଚନ୍ଦଳି ତୃତୀୟ ସ୍ଥାନ ଅଧିକାର କରିଥିଲେ ଓ ଏଥିରେ ପ୍ରଥମ ଓ ଦ୍ବିତୀୟ ସ୍ଥାନ ଅଧିକାର କରିଥିବା ଦଳ ଜିଲ୍ଲା ସ୍ତରୀୟ ପ୍ରତିଯୋଗୀତା ରେ ଭାଗ ନେବା ପାଇଁ ମନୋନିତ ହୋଇଥିଲେ। ବିଚାରକ ଭାବରେ ଡୁଙ୍ଗୁରିପାଲି ବାଳିକା ବିଦ୍ୟାଳୟ ର ଶିକ୍ଷୟିତ୍ରୀ ଅନୁପ୍ରିୟ। ମିଶ୍ର, ଇଚ୍ଛାପୁର ପ୍ରାଥମିକ ବିଦ୍ୟାଳୟ ର ଶିକ୍ଷକ ରାଘବ ଭୋଇ ଓ କପାଶିରା ଉଚ୍ଚ ପ୍ରାଥମିକ ବିଦ୍ୟାଳୟ ର  ସହକାରୀ ଶିକ୍ଷକ ହରିବୋଲ ବରିହା ବିଚାରକ ଦାୟିତ୍ଵ ନିର୍ବାହ କରିଥିଲେ।

ମାୟାବର୍ହା ହାଇସ୍କୁଲ ର ବରିଷ୍ଠ ଶିକ୍ଷକ ଦିନବନ୍ଧୁ ପ୍ରଧାନ ମଞ୍ଚ ପରିଚାଳନା କରିଥିବା ବେଳେ ଶିକ୍ଷକ ସମ୍ପଦ ଖମାରୀ, ବିଦ୍ୟୁତ୍ ପ୍ରଭା ପୂଜାରୀ, ବିଶ୍ଵନାଥ ମେହେର, ବିଶ୍ଵସମ୍ରଟ ଭୋଇ,ବଳଦେବ ସାହୁ,ସ୍ଵାଧୀନ ବିଶ୍ଵାଳ, ବିଶ୍ଵାମିତ୍ର ଭୋଇ, ସୂର୍ଯ୍ୟ ନାରାୟଣ ପଟ୍ଟନାୟକ, ମନବୋଧ ମୁଖି ପ୍ରମୁଖ ସହଯୋଗ କରିଥିଲେ।ଶେଷରେ ଶିକ୍ଷୟିତ୍ରୀ ନିତୁ ପ୍ରଧାନ ଧନ୍ୟବାଦ୍ ଅର୍ପଣ କରିଥିଲେ।