20-Sep-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବିଜେପୁର ସହରରେ ପଶ୍ଚିମ ଓଡ଼ିଶାର ଐତିହାସିକ ଅନନ୍ତ ପୂଜା ମହୋତ୍ସବ ସମୟରେ ଅନେକ ଭିଡ଼ ଜମିବା ଦେଖିବାକୁ ମିଳିଥାଏ। ଚଳିତ ବର୍ଷ ପାଠ ଅନୁକୂଳ ହେତୁ ପ୍ରବଳ ଭିଡ଼କୁ ଆଖି ଆଗରେ ରଖି ବିଭିନ୍ନ ସ୍ଥାନ ମାନଙ୍କରୁ ଆସିଥିବା ଉଠା ଦୋକାନୀ, ଗୁପଚୁପ ଦୋକାନ,ଚାର୍ଟ ମସଲା ଦୋକାନ ଆଦି ମାନଙ୍କର ଖାଦ୍ୟର ମାନ ପରଖିବା ପାଇଁ ହଠାତ ବରଗଡ଼ ଜିଲ୍ଲା ଦାୟିତ୍ୱରେ ଥିବା ଖାଦ୍ୟ ସୁରକ୍ଷା ଅଧିକାରୀ ପରମେଶ୍ବର ନାଏକ ସଦଳବଳେ ଦିର୍ଘ ଦୁଇଦିନ ଧରି ପ୍ରାୟ ୫୦ ଗୋଟି ଦୋକାନକୁ ଯାଇ ଖାଦ୍ୟର ମାନ ଯାଞ୍ଚ କରିବା ସହିତ ପାନୀୟ ଜଳର ସ୍ୱଚ୍ଛତା ଉପରେ ତଦାରଖ କରିଥିଲେ। ସ୍ଥାନୀୟ ବିଜେପୁର ଥାନା ଅଧିକାରୀ ଧିରେନ୍ଦ୍ର କୁମାର ସ୍ୱାଇଁଙ୍କ ସହାୟତାରେ ଏହି ଯାଞ୍ଚ ପ୍ରକ୍ରିୟା ତ୍ୱରାନ୍ୱିତ ହୋଇଥିବାବେଳେ,ଏହି ଯାଞ୍ଚ ପ୍ରକ୍ରିୟା ଟିମରେ ସେନିଟାରୀ ଇନିସପେକ୍ଟର ତେଜ ଭାନୁ ସାହୁ,ଏମ.ଟି.ଏସ ଭୁବନେଶ୍ବର ଦାସଙ୍କ ସମେତ ସ୍ଥାନୀୟ ପୋଲିସ ଏକତ୍ରିତ ସାମିଲ ହୋଇ ହଠାତ ଚଢ଼ାଉ କରିବା ଦେଖାଯାଇଥିଲା‌