17-Sep-2024

ନବରଙ୍ଗପୁର (ମିହିର ଶଙ୍କର ପାତ୍ର,)
 ଡାବୁଗାଁ ବ୍ଲକ ସମ୍ମିଳନୀ କକ୍ଷରେ ଡାବୁଗାଁ ଏପିଓ ବର୍ଣ୍ଣ ବାସ ନାୟକଙ୍କ ପରିଚାଳନା ରେ ମନରେଗା ଉପରେ ଏକ ବ୍ଲକ ସ୍ତରୀୟ ଜନ ଶୁଣାଣି ଶିବିର ଅନୁଷ୍ଠିତ ହୋଇ ଯାଇଛି। ଏହି କାର୍ଯ୍ୟକ୍ରମ ରେ ବ୍ଲକ ଅଧ୍ୟକ୍ଷା ବୀଣା ମାଝୀ, ସାଂସଦ ପ୍ରତିନିଧି ଜେ ରାଜଶେଖର ରାଓ, ବ୍ଲକ ଉପାଧ୍ୟକ୍ଷ ସଦାନନ୍ଦ ନାୟକ , ବରିଷ୍ଠ ଆଇନଜୀବୀ ଜୟନ୍ତ କୁମାର ପାତ୍ର, ସୁରେନ୍ଦ୍ର ମିଶ୍ର, ସାମ୍ବାଦିକ ସଂଘ ସଂପାଦକ ମିହିର ଶଙ୍କର ପାତ୍ର, ଉପ ସଭାପତି ଗଗନ ଗନ୍ତାୟତ ,ନରେଶ ସିଂ, ନରୁ ସିଂ, ଦଶମୁ କଲାର,  ରତ୍ନ କଲାର, ଦିନେଶ ସିଂ ଏବଂ ଅନ୍ୟମାନେ ଉପସ୍ଥିତ ଥିଲେ। ଆଜି ସୁଭଦ୍ରା ଯୋଜନା ର ଶୁଭାରମ୍ଭ ମଧ୍ୟ ଥିବା କାରଣରୁ ସମୟକୁ ନେଇ ଅଧିକାଂଶ ବ୍ୟକ୍ତି ଅସନ୍ତୋଷ ପ୍ରକାଶ କରିଥିଲେ। ଅନ୍ୟ ଦିନ ଏହି କାର୍ଯ୍ୟକ୍ରମ ରଖିଥିଲେ ଆହୁରି ଭଲ ହୋଇଥାନ୍ତା ବୋଲି ଉପସ୍ଥିତ ବ୍ୟକ୍ତି ମାନେ ମତବ୍ୟକ୍ତ କରିଥିଲେ। ଅନ୍ୟ ଦିନ ହେଲେ  ଜନ ଶୁଣାଣି ସମୟରେ ଅଧିକ ଭାଇ ଭଉଣୀ ମନେ ମଧ୍ୟ ଉପସ୍ଥିତ ରହି ପାରିଥାନ୍ତେ ବୋଲି ବୁଦ୍ଧିଜୀବୀମାନେ ମତବ୍ୟକ୍ତ କରିଛନ୍ତି। ମନରେଗା ସହ ସଂପୃକ୍ତ ବିଭିନ୍ନ ବିଭାଗ ର ଅଧିକାରୀ ମାନେ ମଧ୍ୟ ଉପସ୍ଥିତ ଥଲେ