15-Sep-2024

ବରଗଡ଼/ଅମ୍ବାଭୋନା(ପ୍ରେରଣା ଖବର): ଇଣ୍ଟରନେସନାଲ ଫେଡରେସନ୍ ଅଫ ରେଡକ୍ରସ୍ ଏବଂ ରେଡକ୍ରେସେଣ୍ଟ ସୋସାଇଟିର ଘୋଷଣା ଅନୁସାରେ ସାରା ବିଶ୍ଵରେ ସେପ୍ଟେମ୍ବର ମାସ ଦ୍ବିତୀୟ ଶନିବାର ଫାଷ୍ଟଏଡ୍ ଦିବସ ପାଳିତ ହୋଇ ଆସୁଛି। ବରଗଡ଼ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ଭୁକ୍ତା ସ୍ଥିତ ଜନତା ସରକାରୀ ଉଚ୍ଚବିଦ୍ୟାଳୟରେ ବିଶ୍ଵ ଫାଷ୍ଟଏଡ୍ ଦିବସ -୨୦୨୪ ପାଳିତ ହୋଇଯାଇଛି। ପ୍ରଧାନଶିକ୍ଷକ ଦୁର୍ଗା ପ୍ରସାଦ ନାୟକଙ୍କ ତତ୍ତ୍ଵାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଜୁନିଅର୍ ରେଡକ୍ରସର ପରାମର୍ଶଦାତା ଶିକ୍ଷକ ସଂଜୟ ଖମାରୀ  ବିଶ୍ଵ ଫାଷ୍ଟଏଡ୍ ଦିବସର ଆଭିମୁଖ୍ୟ ବିଷୟରେ ଛାତ୍ରଛାତ୍ରୀ ମାନଙ୍କୁ 

ସୂଚନା ପ୍ରଦାନ କରିବା ସହିତ ବିଶ୍ଵର ସର୍ବବୃହତ ସେବା ସଂଗଠନ ରେଡକ୍ରସ ଉପରେ ହେନେରି ଡୁନାଣ୍ଟଙ୍କ ଅବଦାନ ବିଷୟରେ ଆଲୋକପାତ କରିଥିଲେ। ପ୍ରାଥମିକ ଉପଚାର କ୍ଷେତ୍ରରେ ଜୁନିଅର୍ ରେଡକ୍ରସର ସଦସ୍ୟଙ୍କ ଭୂମିକା ଏବଂ ଚଳିତ ବର୍ଷର ବିଷୟବସ୍ତୁ "ପ୍ରାଥମିକ ଉପଚାର ଓ କ୍ରୀଡ଼ା" ସମ୍ପର୍କରେ ବିଶଦଭାବରେ ଆଲୋଚନା କରାଯାଇଥିଲା।ପ୍ରାକୃତିକ ବିପର୍ଯ୍ୟୟ ତଥା ଦୁର୍ଘଟଣା ସମୟରେ ଆହତ ବ୍ୟକ୍ତି ମାନଙ୍କୁ କିପରି ସହାୟତା କରାଯିବ, ଅଚେତ ଅବସ୍ଥାରେ ଥିବା ବ୍ୟକ୍ତିଙ୍କ କ୍ଷେତ୍ରରେ କଣ କରାଯିବ ଏବଂ ଗୁରୁତର ଆହତ ବ୍ୟକ୍ତିଙ୍କୁ କିପରି ସ୍ଥାନାନ୍ତରିତ କରାଯିବ ସେହି ସମ୍ବନ୍ଧୀୟ ଜ୍ଞାନ କୌଶଳ ସମ୍ପର୍କରେ ସୂଚନା ପ୍ରଦାନ କରାଯାଇଥିଲା। ପ୍ରଧାନ ଶିକ୍ଷକ ଶ୍ରୀଯୁକ୍ତ ନାୟକ ପ୍ରାଥମିକ ସହାୟତାର ଆବଶ୍ୟକତା ବିଷୟରେ ଛାତ୍ରଛାତ୍ରୀ ମାନଙ୍କୁ ସବିଶେଷ ଧାରଣା ପ୍ରଦାନ କରିଥିଲେ। ଏହି କାର୍ଯ୍ୟକ୍ରମରେ ସ୍କୁଲର 

ଜୁନିଅର୍ ରେଡକ୍ରସ, ବୀର ସୁରେନ୍ଦ୍ର ସାଏ ଇକୋ କ୍ଲବ ଓ ଶକ୍ତି କ୍ଲବର ସଦସ୍ୟ, ବିଦ୍ୟାଳୟ ପରିଚାଳନା କମିଟିର ଅଧ୍ୟକ୍ଷ ସାନନ୍ଦ ଦେହେରୀ, ଶିକ୍ଷକ ସଞ୍ଜୟ ଖମାରୀ, ଶ୍ରୀପତି ସାହୁ, ତେଜରାମ ସା, ଈଶ୍ୱର ପଧାନ, ବୋଧରାମ ବିଶ୍ବାଳ, ଅଙ୍କିତ ମହନ୍ତ, ସୁବାସ ଚନ୍ଦ୍ର ଖମାରୀ, ପ୍ରଶାନ୍ତ ମହାପାତ୍ର, ଶିକ୍ଷୟିତ୍ରୀ ଅନୀତା ପଧାନ ଏବଂ ବିଦ୍ୟାଳୟର ଶିକ୍ଷାର୍ଥୀ ସକ୍ରିୟ ଅଂଶଗ୍ରହଣ କରିଥିଲେ। ଶେଷରେ ଶିକ୍ଷକ ଶ୍ରୀପତି ସାହୁ ଧନ୍ୟବାଦ ଅର୍ପଣ କରିଥିଲେ।