14-Sep-2024

କଣ୍ଟାମାଳ(ଜୟ କୁମାର ମହାରଣା): ପୋଲିସକୁ ଚକମା ଦେଇ କଣ୍ଟାମାଳ ଥାନା ଅଂଚଳର ବିଭିନ୍ନ ଚୋରି, ଡକାୟତି ଓ ଲୁଟ ଘଟଣା ଘଟାଇଚାଲିଥିବା ଡକାୟତି ଗ୍ୟାଙ୍ଗର ୪ମୁଖ୍ୟ ଅଭିଯୁକ୍ତଙ୍କୁ ଧରିବାରେ କଣ୍ଟାମାଳ ପୋଲିସକୁ ମିଳିଛି ବଡ଼ ସଫଳତା l କଣ୍ଟାମାଳ ପୋଲିସ ଏହି ୪ ଡକାୟତଙ୍କୁ ଗିରଫ କରିବା ସହ ୩ ଟି ଚୋରା ବାଇକ ଓ କିଛି ପୋଷାକ ଜବତ କରିଥିବା ନେଇ  କଣ୍ଟାମାଳ ଥାନାଧିକାରୀ ଭାବାନନ୍ଦ ପ୍ରଧାନଙ୍କ ଉପସ୍ଥିତିରେ ଏସଡିପିଓ କୁଲଦୀପ ମିନା(ଆଇ.ପି.ଏସ୍) କଣ୍ଟାମାଳ ଥାନା ପରିସରରେ ଆୟୋଜିତ ଏକ ପ୍ରେସବିବୃତି ଜରିଆରେ ଗଣମାଧ୍ୟମକୁ ସୂଚନା ଦେଇଛନ୍ତି l ପୋଲିସ ପକ୍ଷରୁ ଗଣମାଧ୍ୟମକୁମିଳିଥିବା ସୂଚନାନୁସାରେ କଣ୍ଟାମାଳଥାନା କେଶ୍ ନମ୍ବର୧୫୮୵୨୮.୮.୨୦୨୪ ଓ ୧୬୭୵୦୪.୦୯.୨୦୨୪ ପ୍ରକାରେ ବାଲନ୍ଦାପଡାର ମାତାକୁପା ଘାଟି ଡକାୟତି ଓ ରେଙ୍ଗାଲି ପଞ୍ଚାୟତ ଅନ୍ତର୍ଗତ ତିଲେଇମାଲ ଡକାୟତି ଆଦି ଉଭୟ ଘଟଣା ସହ ସମ୍ପୃକ ୫ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି କଣ୍ଟାମାଳ ପୋଲିସ l ତିଲେଇମାଲ ଲୂଟ ଘଟଣାର ମୁଖ୍ୟ ଅଭିଯୁକ୍ତ କଣ୍ଟାମାଳ ଥାନା ତିଲେଇମାଲ ଗ୍ରାମର ରାଜୀବ ଓରଫ ଜୟକୃଷ୍ଣ ନାୟକ (୨୬) ଓ ଅଭିଳାଷ ପାଣ୍ଡେ (୨୨) ଏବଂ ମନମୁଣ୍ଡା ଥାନା ବଘାର ଗ୍ରାମର ରାଜେନ୍ଦ୍ର ରାଜହଂସ (୨୮) ବୋଲି ପୋଲିସ ତଦନ୍ତରୁ ଜଣାଯାଇଛି  l  ତଦନ୍ତ ସମୟରେ ଅଭିଯୁକ୍ତଙ୍କ ଦ୍ୱାରା ଲୁଟ ହୋଇଥିବା ହିରୋ ଏଚ ଏଫ ଡିଲାକ୍ସ ବାଇକ ନମ୍ବର ଓଡି -୩୧ଡି /୮୬୨୯ ଓ ନମ୍ବରବିହୀନ କଳା ରଙ୍ଗର ହିରୋ ଏଚ ଏଫ ଡିଲକ୍ସ ବାଇକ ସହ କିଛି ଟ୍ରାକ ପ୍ୟାଣ୍ଟ, ସାର୍ଟ କପଡା, ହାଫ ଓ ଫୁଲ ବାନିଆନ ଜବତ କରିଥିଲେ ସେହିପରି ମାତାକୁପା ଘାଟି ଡକାୟତି ଘଟଣାର ଅଭିଯୁକ୍ତ କଣ୍ଟାମାଳ ଥାନା ବଡ଼ଚ୍ଛପlପାଲୀ ଗ୍ରାମର ବାବୁ ଓରଫ ପ୍ରଭାତ କୁମାର ସାହୁ (୧୯) ବୋଲି ପୋଲିସ ତଦନ୍ତରୁ ଜଣାଯାଇଛି l  ଏଥିସହ ଲୂଟ ହୋଇଥିବା ସାଗୁଆ ରଙ୍ଗର ଏକ ଏଚ ଏଫ ଡିଲକ୍ସ ବାଇକ ନମ୍ବର ଓଡି-୩୧ଡି /୬୯୦୦ତଦନ୍ତ ସମୟରେ ପୋଲିସ ଜବତ କରିଥିବା ଡ଼ିଏସପି ଶ୍ରୀ ମିନା ଗଣମାଧ୍ୟମକୁ ସୂଚନା ଦେଇଛନ୍ତି  l  ଘଟଣାର ଅଧିକ ତଦନ୍ତ ଜାରିରହିଥିବା ବେଳେ ଖୁବଶୀଘ୍ର ଅନ୍ୟ ସମସ୍ତ ଅଭିଯୁକ୍ତ ମାନଙ୍କୁ ଗିରଫ କରାଯିବ ବୋଲି ଏସଡିପିଓ ଶ୍ରୀ ମିନା ଦୃଢୋକ୍ତି ପ୍ରକାଶ କରିଛନ୍ତି  l