14-Sep-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ) ରାଜ୍ୟରେ ଥିବା ସମସ୍ତ ବିଦ୍ୟାଳୟ ଗୁଡିକରେ ଦିବ୍ୟାଙ୍ଗ ବିଦ୍ୟାର୍ଥୀ ମାନଙ୍କ ଗୁଣାତ୍ମକ ଶିକ୍ଷାଦାନ ପାଇଁ ସ୍ବତନ୍ତ୍ରଭାବେ ସ୍ଥାଇ ଶିକ୍ଷକ ନିଯୁକ୍ତି ନିମନ୍ତେ ଓଡ଼ିଶା ସ୍ପେସିଆଲ ଏଜୁକେଟର ଫେଡ଼େରସନ ଫର୍ ଦିବ୍ୟାଙ୍ଗର ଯୁଗ୍ମ ସମ୍ପାଦକ ଆୟୁଷ୍ମାନ ଚୌଧୁରୀ ଫୁଲବାଣୀ ବିଧାୟକ ଶ୍ରୀ ଉମାଚ଼ରଣ ମଲ୍ଲିକଙ୍କୁ ସାକ୍ଷାତ କରି ଦାବିପତ୍ର ପ୍ରଦାନ କରିଥିଲେ | ଏହାକୁ ମାନ୍ୟବର ବିଧାୟକ ଉମାଚରଣ ମଳିକ ଅତି ଗମ୍ଭୀରତାର ସହ ନେଇ ଓଡ଼ିଶା ସରକାରଙ୍କ ମାନ୍ୟବର ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ, ବିଦ୍ୟାଳୟ ଓ ଗଣଶିକ୍ଷା ବିଭାଗ ର ସଚ଼ିବ ଶ୍ରୀମତୀ ଶାଳିନୀ ପଣ୍ଡିତଙ୍କୁ ଚିଠି ଲେଖିଛନ୍ତି । ରାଜ୍ୟରେ ଥିବା ସମସ୍ତ ବିଦ୍ୟାଳୟ ଗୁଡିକରେ ସ୍ବତନ୍ତ୍ର ଶିକ୍ଷକ ନିଯୁକ୍ତି ନିମନ୍ତେ ପି.ଡବ୍ଲୁ.ଡ଼ି ଆକ୍ଟ ୧୯୯୫, ଆର.ପି.ଡବ୍ଲୁ.ଡ଼ି ଆକ୍ଟ ୨୦୧୬ ଏବଂ ଆର.ଟି.ଇ  ଆକ୍ଟ ୨୦୦୯  ବ୍ୟବସ୍ଥା ରହିଛି , ତତସହିତ ମାନ୍ୟବର ସୁପ୍ରିମକୋର୍ଟଙ୍କ ନିର୍ଦ୍ଦେଶ‌ ୨୦୨୧ ମସିହା ଅକ୍ଟୋବର ୨୮ ତାରିଖ ଡବ୍ଲୁ.ପି (ସି ) ୧୩୨ ଅଫ୍ ୨୦୧୬ ରେ ମଧ୍ୟ୍ୟ ନିଁର୍ଧେଶ ରହିଛି। ସାଧାରଣ ବିଦ୍ୟାଳୟରେ କେତେ ଜଣ ଦିବ୍ୟାଙ୍ଗ ବିଦ୍ୟାର୍ଥୀ ନାମ ଲେଖାଇଛନ୍ତି ବୋଲି ବିଧାନସଭାର ପ୍ରଶ୍ନର ଉତ୍ତରରୁ‌ ଜଣାପଡିଛି ଯେ, ପ୍ରତ୍ୟେକ ବର୍ଷ ଦିବ୍ୟାଙ୍ଗ ବିଦ୍ୟାର୍ଥୀ ମାନେ ଅଧାରୁ ପାଠ ଛାଡୁଛନ୍ତି, ସେମାନଙ୍କ ପାଇଁ ସ୍ବତନ୍ତ୍ର ତାଲିମ୍ ପ୍ରାପ୍ତ ଶିକ୍ଷକ ନିଯୁକ୍ତି ହୋଇନଥିବା ଏହାର ମୁଖ୍ୟ କାରଣ।ଦିବ୍ୟାଙ୍ଗ ବିଦ୍ୟାର୍ଥୀ ମାନଙ୍କ ଶିକ୍ଷା ପାଇଁ  ମାନ୍ୟବର ବିଧାୟକଙ୍କ ପଦକ୍ଷେପ କୁ ଓଏସ୍ଇଏଫଡ଼ି ସଂଘ, ଅଭିଭାବକ ମାନେ ସାଧୁବାଦ ଜଣାଇଛନ୍ତି। ଗଣଶିକ୍ଷା ବିଭାଗ ଯଦି  ବିଧାୟକ ଉମାଚରଣ ମଳିକଙ୍କୁ ପ୍ରସ୍ତାବକୁ ଗୁରୁତ୍ୱ ଆରୋପ କରି ପଦକ୍ଷେପ ଗ୍ରହଣ କରନ୍ତି ତାହେଲେ ରାଜ୍ୟରେ ଶିକ୍ଷାରୁ ବଞ୍ଚିତ ହେଉଥିବା ଅଗଣିତ ଦିବ୍ୟାଙ୍ଗ ଛାତ୍ରୀ ମାନେ ଶିକ୍ଷାଦାନ କ୍ଷେତ୍ରରେ ଲାଭବାନ ହୋଇପାରିବେ ବୋଲି ବୋଲି ବୁଦ୍ଧିଜୀବୀ ମହଲରେ ମତପ୍ରକାଶ ପାଇଛି | ମାନ୍ୟବର ବିଧାୟକ ଶ୍ରୀ ମଳିକଙ୍କ ପ୍ରସ୍ତାବକୁ ଗୁରୁତ୍ୱଆରୋପ କରି ଦିବ୍ୟାଙ୍ଗ ମାନଙ୍କ ପାଇଁ କିଭଳି ପଦକ୍ଷେପ ଗ୍ରହଣ କରୁଛନ୍ତି ତାହା ଆଗାମୀ ଦିନରେ ଜଣା ପଡିବ |