14-Sep-2024

ତୁଷୁରା, (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ଗୁଡଭେଲାବ୍ଲକ ଅଧ୍ୟକ୍ଷାଙ୍କ ବିନା ଜାଣତରେ ବ୍ଳକ କାର୍ଯ୍ୟାଳୟରୁ ଲକ୍ଷ ଲକ୍ଷ ଟଙ୍କା ଉଠୁଥିବା ସାଧାରଣ ଅଭିଯୋଗ ହେଉଛି। ଗୁଡଭେଲାବ୍ଲକ ଅନ୍ତର୍ଗତ ଘୂନା ଉଚ୍ଚ ଉନ୍ନିତି ବିଦ୍ୟାଳୟରେ ମୋ ସ୍କୁଲ ଅଭିଯାନରେ ୭ଲକ୍ଷ ୨୦ ହଜାର ଟଙ୍କା ତା ୨୭-୫-୨୦୨୪ରିଖରେ ଉଠିଥିଲା। ବ୍ଳକ ଅଧ୍ୟକ୍ଷା ଏ ବିଷୟରେ କିଛି ଜାଣି ନଥିବା ବେଳେ କାଉଣ୍ଟର ଦସ୍ତଖତ ମଧ୍ଯ ନିଆଯାଇ ନଥିବା ବ୍ଳକ ଅଧ୍ୟକ୍ଷା ବେବୀ ଦୋରା ପ୍ରକାଶ କରିବା ସହ ଏହାର ଉଚ୍ଚ ସ୍ତରୀୟ ତଦନ୍ତ ପାଇଁ ଗଣମାଧ୍ୟମ ଆଗରେ ଦାବୀ କରିଛନ୍ତି। ଏନେଇ ଗୁଡଭେଲାବ୍ଲକ ବିଡିଓ ସୌମ୍ୟକାନ୍ତ ଗନଗୋଲାଙ୍କୁ ପଚାରିବାରୁ କହନ୍ତି ଯେ, ବ୍ଳକ ଅଧ୍ୟକ୍ଷାଙ୍କ ସାଙ୍ଗରେ ମୁଁ ଏ ନେଇ କଥା ହୋଇଛି। ସବୁ ଠିକ ଠାକ ଚାଲିଥିବା ସଫେଇ ଦେଇଥିଲେ। ଅନ୍ୟ ପକ୍ଷରେ ବ୍ଳକ ସରକାରୀ ଯନ୍ତ୍ରୀ  ଓ ଠିକାଦାରଙ୍କ ମଧୁ ଚନ୍ଦ୍ରିକା ଯୋଗୁଁ ଉକ୍ତ କାର୍ଯ୍ୟ ଅତି ନିମ୍ନମାନ ହୋଇ ଥିବା ନେଇ ସାଧାରଣରେ ଅଭିଯୋଗ ହେଉଛି। ଏନେଇ ବ୍ଲକ ସରକାରୀ ଯନ୍ତ୍ରୀ ଅମିତ ମୁର୍ମୁଙ୍କୁ ପଚାରିବାରୁ କହନ୍ତି ଯେ,ଟଙ୍କା ଉଠାଣ ବିଷୟରେ ମୁଁ କିଛି ଜାଣି ନାହିଁ କିନ୍ତୁ କାର୍ଯ୍ୟ ଉଳ ହୋଇଛି ବୋଳି କହିଥିଲେ। ଏହି କାର୍ଯ୍ୟରେ ଅନିୟମିତତା ଓ ବ୍ଳକ ଅଧ୍ୟକ୍ଷାଙ୍କ ବିନା ଜାଣତରେ ଟଙ୍କା ଉଠାଣର ଭିଜିଲାନ୍ସ ତଦନ୍ତ ହେଲେ ଆହୁରି ଗୁମୁର ଫିଟିବ ବୋଳି ସାଧାରଣରେ ଆଲୋଚନା ହେଉଛି।