01-Sep-2024

ବରଗଡ଼(ନିରଞ୍ଜନ ତ୍ରିପାଠୀ)-ରବିବାର ବରଗଡ଼ ଜିଲ୍ଲା ପଦ୍ମପୁର ସ୍ଥିତ ମାରୱାଡି ଧର୍ମଶାଳା ଠାରେ ୨୬ ତମ ବୋଡାସମ୍ବର ନୁଆଁଖାଈ ଭେଟ ଘାଟ ଉପଲକ୍ଷେ ରଙ୍ଗୋଲି, ଝୋଟି ଓ ସଂଗୀତ ପ୍ରତିଯୋଗିତା ଅନୁଷ୍ଠିତ ହୋଇ ଯାଇଛି l ସଭାପତି ଶ୍ରୀ ଅନିଲ କୁମାର ବେହରା ମାଁ ସମଲେଶ୍ୱେରୀଙ୍କ ଫଟୋ ଚିତ୍ରରେ  ଦୀପ ପ୍ରଜ୍ବଳନ କଲାପରେ ପ୍ରତିଯୋଗିତା

ଆରମ୍ଭ ହୋଇଥିଲା ।  ସହ ସମ୍ପାଦକ ପ୍ରତାପ ନାଥ, ଏବିସିଡି ବରିଷ୍ଠ ସଦସ୍ୟ ଲିଙ୍ଗରାଜ ସାହୁ ,ସହଦେବ ମେହେର, ରବୀନ୍ଦ୍ର ମୋହନ ଦାଶ, ତୁଷାର ପଧାନ,ଶାନ୍ତସଂଗ୍ରାମ ଭୋଇ,ଅମୀୟ ପୁରୋହିତ,ସରୋଜ ଯୋଶୀ, ସୁମନ୍ତ ସାହୁ   ଟୁନା ବାରିକ,ଅଞ୍ଜଳି ପରିଡା,ଭାଗ୍ୟଶ୍ରୀ ପାଣିଗ୍ରାହୀ, ଉପସ୍ଥିତ ରହି ସହଯୋଗ  କରିଥିଲେ । ଏହି ଗାରିମାମୟ ମୁହୂର୍ତ୍ତଟି  ମାଁ ସମଲେଶ୍ୱରୀଙ୍କ ଜୟଧ୍ୱନି ସହ ସମଗ୍ର ପରିବେଶ ଶ୍ରୀ ଦାଶଙ୍କ ଦୀପମଜ୍ୟୋତି ମନ୍ତ୍ର ସମଗ୍ର ପରିବେଶକୁ ମୁଖରିତ କରିଥିଲା । ରଙ୍ଗୋଲି,ଝୋଟିରେ  ବିଚାରକ ଭାବେ  ଦୁର୍ଗାଶିଷ ପଟ୍ଟନାୟକ,ବିଶିଷ୍ଟ ଅଭିନେତା ଜଗନ୍ନାଥ ସେଠ ଓ  ଆର୍ଟ ଶିକ୍ଷକ ଚିତ୍ତରଞ୍ଜନ ସାହୁ ଏବଂ ସଂଗୀତ ବିଚାରକ ଭାବରେ

ଅରୁଣା ସାହୁ,ନାଟ୍ୟକାର ଓ ସଂଗୀତଜ୍ଞ ମନୋରଞ୍ଜନ ସାହୁ, ବିଶିଷ୍ଟ ସଂଗୀତ ବିଶାରଦ ଅନ୍ତର୍ଯ୍ୟାମୀ ମେହେର ଯୋଗ ଦେଇ ବିଚାର କାର୍ଯ୍ୟ ସୁଚାରୁ ରୂପେ ତୁଲାଇଥିଲେ l  ରଙ୍ଗୋଲି ଓ ଝୋଟି  କାର୍ଯ୍ୟକ୍ରମକୁ ସହ ସମ୍ପାଦକ ପ୍ରତାପ ନାଥ ଓ ସହଦେବ ମେହେର ସଂଯୋଜନା କରିଥିଲେ । ସଂଗୀତ ପରିଚାଳନା ରେ ଲିଙ୍ଗରାଜ ସାହୁ, ସମ୍ପାଦକ ରଘୁନାଥ ପୁରୀ ପରିଚାଲନା  କରିଥିବା ବେଳେ, ଶେଷରେ ସହଦେବ ମେହେରଙ୍କ ଦ୍ୱାରା ଫଳାଫଳ ଘୋଷଣା କରାଗଲା  ।