01-Sep-2024

ସମ୍ବଲପୁର(ସଂଜୀବ ପାଣିଗ୍ରାହୀ): ସ୍ଥାନୀୟ ବୁଢାରଜା ସରକାରୀ ଉଚ୍ଚ ବିଦ୍ୟାଳୟ ଠାରେ ଗତକାଲି ଏକ ବିଦାୟକାଳୀନ ସମ୍ବର୍ଦ୍ଧନା ସଭା ଆୟୋଜିତ ହୋଇଥିଲା I ବୁଢାରଜା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଗତ ତା.  ୧୮.୦୭. ୨୦୧୭ ମସିହାରେ ଯୋଗଦେଇଥିଲେ ଶ୍ରୀମତୀ ପଦ୍ମିନୀ ବଡ଼ପଣ୍ଡା I ଦୀର୍ଘ ୭ ବର୍ଷ ର ଶିକ୍ଷକତା ପରେ ଗତ ତା. ୩୧.୦୩.୨୦୨୪ ମସିହାରେ ନିଜ ସରକାରୀ ଚାକରିଜୀବନରୁ ଅବସର ଗ୍ରହଣ କରିଥିଲେ I  ଅନ୍ୟତମ ବ୍ୟକ୍ତିତ୍ୱ ଶ୍ରୀ ଜଟା ଭୂଷଣ ସାହୁ ତା.୦୬.୧୨.୧୯୮୯ ମସିହାରେ ବିଦ୍ୟାଳୟରେ କିରାଣୀ ଭାବେ ଯୋଗଦେଇଥିଲେ I ଦୀର୍ଘ ୩୧ ବର୍ଷ ପର୍ଯ୍ୟନ୍ତ ନିରବଚ୍ଛିନ୍ନ ଏବଂ ନିସ୍ଵାର୍ଥପର ସେବା ଦେଇ ଆସିଥିବା ଶ୍ରୀ ସାହୁ ୨୧.୧୦.୨୦୨୧ ମସିହାରେ ଜ଼ିଲ୍ଲା ଶିକ୍ଷା କାର୍ଯ୍ୟାଳୟ ସମ୍ବଲପୁରକୁ ବଦଳି ହୋଇ ଯାଇଥିଲେ I ସେଠାରୁ ଶ୍ରୀ ସାହୁ ତା. ୩୧.୦୭.୨୦୨୪ ମସିହା ଦିନ ନିଜ ସରକାରୀ କାର୍ଯ୍ୟରୁ ଅବସର ନେଇଛନ୍ତି I ଉଭୟ ବ୍ୟକ୍ତିତ୍ୱଙ୍କୁ ବିଦ୍ୟାଳୟ ଠାରେ ମାନପତ୍ର ତଥା ସ୍ମୃତିଫଳକ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା I ଶିକ୍ଷକ ପୁଷ୍ପାରାଣୀ ସାହୁ, ଜୟନ୍ତୀ ହୋତା, ପ୍ରଦୀପ କୁମାର ସାହୁ, ତନୟ ପ୍ରଧାନ ଏବଂ ପାଞ୍ଚ ଜଣ ଛାତ୍ର ନିଜର ବକ୍ତବ୍ୟ ମାଧ୍ୟମରେ ଉଭୟ ଶ୍ରୀମତୀ ବଡ଼ପଣ୍ଡା ଏବଂ ଶ୍ରୀ ସାହୁଙ୍କ ଚାକିରୀ ଜୀବନରେ ବିଦ୍ୟାଳୟ ପ୍ରତି ଥିବା କାର୍ଯ୍ୟକୁ ପ୍ରଶଂସା କରିଥିଲେ I ଅର୍ଣ୍ଣପୂର୍ଣ୍ଣା ପୂଜାରୀ ଓ ଦେବଶ୍ରୀ ଦେହୁରୀ ମାନପତ୍ରପାଠ କରିଥିଲେ I ସଭାକାର୍ଯ୍ୟ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀମତୀ ସୁମିତାପତ୍ରୀଙ୍କ ଅଧକ୍ଷତାରେ ପରିଚାଳିତ ହୋଇଥିଲା I ଶିକ୍ଷୟତ୍ରୀ ପଙ୍କଜିନୀ ନାୟକ ସଭାକାର୍ଯ୍ୟ ପରିଚାଳନା କରିଥିଲେ I ସମସ୍ତ ଶିକ୍ଷକଶିକ୍ଷୟତ୍ରୀ ତଥା ଛାତ୍ରଛାତ୍ରୀ ସଭାରେ ଉପସ୍ଥିତ ଥିଲେ I