21-Aug-2024

ବଲାଙ୍ଗୀର(ପ୍ରେରଣା ଖବର)-ଓଡିଶା ରାଜ୍ୟ ଜଳ ଓ ପରିମଳ କର୍ମଚାରୀ ସଂଘ ତରଫରୁ ବିଗତ ୫ ବର୍ଷ ଧରି ବାରମ୍ବାର ପୁନଃ ନିଯୁକ୍ତି ଦାବି ହୋଇଆସୁଥିଲା। ଏହାର କୌଣସି ଆସୁ ପଦକ୍ଷେପର ଗନ୍ଧବାସ ଜଣା ନ ପଡ଼ିବାରୁ ବାଧ୍ୟହୋଇ ଜଳ ଓ ପରିମଳ କର୍ମଚାରୀ ସଂଘ ତରଫରୁ ପୁନଃନିଯୁକ୍ତି ପାଇ ମାନ୍ୟବର ପ୍ରଧାନମନ୍ତ୍ରୀଙ୍କୁ ଏକ ଗୁହାରି ପତ୍ର ଦିଆଯାଇଥିଲା।ଏହାର ତ୍ୱରିତ ପଦକ୍ଷେପ ସ୍ୱରୂପ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରୁ ପିଏମଓପିଜି /ଡି/୨୦୨୪ /୦୧୭୧୭୦୬ ରେ ରେକର୍ଡ କରି ଓଡ଼ିଶା ସରକାରଙ୍କ ସାଧାରଣ ପ୍ରଶାସନ ଓ ଅଭିଯୋଗ ବିଭାଗ ର ଉପସଚିବଙ୍କୁ ଏହାର ସୁବିଚାରକରି ପୁନଃନିଯୁକ୍ତି ଦେବା ପାଇଁ ପାଇଁ ପ୍ରେରଣ କରିଛନ୍ତି। ଏହି ଖବର ପାଇ ଓଡିଶା ରାଜ୍ୟ ଜଳ ଓ ପରିମଳ କର୍ମଚାରୀ ସଂଘର ସାଧାରଣ ସମ୍ପାଦକ ପ୍ରମୋଦ ବଗର୍ତ୍ତି ତଥା ସମସ୍ତ କର୍ମଚାରୀ ମହଲରେ ଆନନ୍ଦର ଲହରୀ ଖେଳିଯାଇଛି।ଛଟେଇ ହୋଇଥିବା କର୍ମୀଙ୍କ ମନରେ ମଧ୍ୟ ଆନନ୍ଦ ଦେଖାଯାଇଛି।