18-Aug-2024

ଆଗଲପୁର, (ପ୍ରେରଣା ଖବର) ଭୂତ, ପ୍ରେତ କୁ ଭୟ କରି ହଷ୍ଟେଲ ଛାଡ଼ି ଘରକୁ ବାହୁଡ଼ି ଛନ୍ତି ହଷ୍ଟେଲ ଛାତ୍ରୀ ମାନେ। ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଆଗଲପୁର ବ୍ଲକ ଅନ୍ତର୍ଗତ ରୋତ ମହାବିଦ୍ୟାଳୟ ରେ l ଦେଶ ସ୍ବାଧୀନ ହେବାର 78 ବର୍ଷ ବିତଯାଇଥିଲେ ମଧ୍ୟ ଆଜିବି ଅନ୍ଧବିଶ୍ବାସ ଓ କୁ ସଂସ୍କାର ରୁ ଦୂରେଇ ପାରିନି ମଣିଷ ସମାଜ। ସୂଚନାରୁ ପ୍ରକାଶ ଯେ କିଛି ଦିନ ପୂର୍ବ ରୁ ଛାତ୍ରୀ ନିବାସ ରେ ଡାହାଣୀ ଅଛି କହି କିଛି ଛାତ୍ରୀ ଅଭିଯୋଗ କରିଥିଲେ l ଆଉ ଜଣେ ଛାତ୍ରୀ ମତେ ଭୂତ ଧରିଛି କହି ବିଭିନ୍ନ ପ୍ରକାରର ଇଙ୍ଗିତ କରିଥିଲେ l ଫଳରେ ଅନ୍ୟାନ୍ୟ ଛାତ୍ରୀ ମାନେ ଭୟରେ ନିଜ ନିଜ ଅଭିଭାବକ ଙ୍କୁ ଡାକି ହଷ୍ଟେଲ ରୁ ଘରକୁ ପଳାଇ ଥିଲେ। ଆଜିକାର ବିଜ୍ଞାନ ଯୁଗରେ ତଥା ଆଜିର ଆଧୁନିକ ସମାଜରେ ଏପରି ଘଟିବ ତଥା ବିଶ୍ୱାସ କରିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି l ଖୋଦ୍ ନିଜେ କଲେଜ୍ ର ପ୍ରିନ୍ସିପାଲ ଗୁଣିଆ ଡାକି ରାତ୍ରି ସମୟରେ ହଷ୍ଟେଲ ଭିତରେ ପୂଜା ପାଠ କରିବା କେତେ ଯୁକ୍ତିଯୁକ୍ତ ତାହା ଆପଣ ମାନେ ଅନୁମେୟ କରି ପରୁଥିବେ l ରାତ୍ରି ସମୟରେ ପୁରୁଷ ମାନଙ୍କୁ ହଷ୍ଟେଲ ଭିତରେ ପୁରେଇ ବାକୁ ଅନୁମତି ଦେଲା କିଏ l କାହା ଆଦେଶରେ ଗୋଟିଏ ଛାତ୍ରୀ ନିବାସ ଭିତରକୁ ପୁରୁଷ ଲୋକ ପ୍ରବେଶ କଲେ। ଏ ଉପରେ ଏକ ତଦନ୍ତ ହେବା ସହିତ ଦୃଢ଼ କାର୍ଯ୍ୟାନୁଷ୍ଠାନ ହେବା ଉଚିତ୍ l ଆହୁରି ମଧ୍ୟ ଛାତ୍ରୀ ନିବାସ ର ସି ସି ଟିଭି କୁ ମଧ୍ୟ ଦୁଇ ମାସ ରୁ ଅଧିକ ହେବ ବନ୍ଦ କରି ଦିଆ ଯାଇଛି l ଗୋଟିଏ ଛାତ୍ରୀ ନିବାସ ରେ ସି ସିଟିଭି କୁ ବନ୍ଦ୍ କରାଗଲା କାହିଁକି l ଏ ବିଷୟରେ ଏକ ଦୃଢ଼ ତଦନ୍ତ ର ଆବଶ୍ୟକତା ଦରକାର l ଏ ସବୁ ହେଲା ସତ୍ବେ ମହାବିଦ୍ୟାଳୟ ର ପ୍ରିନ୍ସିପାଲ୍ ଚୁପ୍ ବସିଛନ୍ତି କାହିଁକି l ହଷ୍ଟେଲ ରେ ଆହୁରି ମଧ୍ୟ ଅନିୟମିତତା ହେଉ ଥିବାର ଅଭିଯୋଗ ହେଉଛି l ସରକାର ଛାତ୍ର ଛାତ୍ରୀ ଙ୍କ ଭବିଷ୍ୟତ ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଥିଲେ ମଧ୍ୟ କଲେଜ କତୃପକ୍ଷ ଙ୍କ ବେପରୁଆ ମନୋଭାବ ଯୋଗୁ ହଷ୍ଟେଲ ରେ ତାଲା ପଡିଛି l ଏତେ ଘଟଣା ହେଲା ସତ୍ବେ ମଧ୍ୟ କଲେଜ କତୃପକ୍ଷ କାହିଁକି ନୀରବ ଦ୍ରଷ୍ଟା ସାଜିଛନ୍ତି l  ଛାତ୍ରୀମାନେ ପାଠ ନ ପଢି ଘରକୁ ଚାଲିଯିବା ପାଇଁ ଦାୟୀ କିଏ l କଲେଜ କତୃପକ୍ଷ ଉପରିସ୍ଥ ଅଧିକାରୀଙ୍କୁ ଜଣାଇଛନ୍ତି ନା ନାହିଁ। ଏ ସବୁ ଅନେକ ପ୍ରଶ୍ନ ଭିତରେ ଆଗଲପୁର ପଞ୍ଚାୟତ ସମିତି ମହାବିଦ୍ୟାଳୟ ରୋଥ ର ଅବସ୍ଥା l ଏହା ସହିତ ହଷ୍ଟେଲ ର ରାତ୍ର ଜଗୁଆଳି କୁ ଡାହାଣୀ କହି କଲେଜ ରୁ ବାହାର କରି ଦିଆଯିବା ଘଟଣା ଆହୁରି ସନ୍ଦେହ ଭିତରକୁ ଟାଣି ଆଣୁଛି। ତା ସହିତ ଜଣେ ସ୍ତ୍ରୀ ଲୋକକୁ ବିଚ୍ ବଜାର ରେ ଅଶ୍ଳୀଳ ଭାଷାରେ ଗାଳି ଗୁଲଜ କରିବା ସହିତ ମାଡ ମାରିବା କେତେଦୂର ଯୁକ୍ତିଯୁକ୍ତ ତାହା ଆପଣ ମାନେ ଅନୁମେୟ କରି ପାରୁଥିବେ। ଏ ବିଷୟରେ ଆମ୍ଭେ କଲେଜ ପ୍ରିନସିପାଲ ଙ୍କ ପ୍ରତିକ୍ରିୟା ନେଇଛୁ। ସେ ସିସିଟିଭି ବନ୍ଦ ହେବା, ହଷ୍ଟେଲ ରୁ ଛାତ୍ରୀ ମାନେ ପଳେଇବା, ହଷ୍ଟେଲ ରେ ପୂଜା ପାଠ କରିବା ଉପରେ ସ୍ବୀକାର କରିଛନ୍ତି l