18-Aug-2024

ବଲାଙ୍ଗୀର(ପ୍ରେରଣା ଖବର): ଆଜି ସକାଳ ୮ ଘଣ୍ଟା ୫୦ ମିନିଟ ସମୟରେ ଧର୍ମପରାୟଣ ମହିଳା କମଳିନୀ ଦର୍ଜିଙ୍କ ୬୨ ବର୍ଷ ବୟସରେ ଦେହାନ୍ତ ହୋଇଯାଇଛି। ସେ ଅନେକ ବର୍ଷ ହେଲା ମଧୁମେହ ରୋଗରେ ପୀଡିତ ଥିଲେ। ସେ ଜଣେ ଧର୍ମ ପରାୟଣ ମହିଳା ଥିଲେ। ଭାଗବତ ଚର୍ଚ୍ଚା,ପୂଜାର୍ଚ୍ଚନା,ଭଜନ ଇତ୍ୟାଦି ରେ ନିଜକୁ ତଥା ସ୍ଥାନୀୟ ମହିଳା ମାନଙ୍କ ସାଙ୍ଗରେ ଆଧ୍ୟାତ୍ମିକ  ମାହୋଲ ସୃଷ୍ଟି କରି ପାରିଥିଲେ। ଆଉ ଶୁଭିବନି ତାଙ୍କର ବାବୁ ଶବ୍ଦ। ସବୁଦିନ ପାଇଁ ନିରବି ଗଲେ। ଆଉ ତାଙ୍କ ସନ୍ତାନ ପାଇ ପାରିବେନି ମାଁ ର ସ୍ନେହ।ସବୁଦିନ ପାଇଁ ଉଭେଇ ଗଲା ମାଁ ର ସ୍ନେହଭରା ବାବୁ ଶବ୍ଦ। ଆଉ ଦେଖିବାକୁ ମିଳିବନି ତାଙ୍କର ହସ ହସ ଭରା ମୁହଁ। ବଲାଙ୍ଗୀର ରାଧାରାଣୀ ପଡା ରେ ଜନ୍ମ ନେଇ ଖଡ଼ିଆଳ ନେହେନାରେ ବିବାହ ହୋଇ ପୁଣି ବଲାଙ୍ଗୀରକୁ ନିଜର କର୍ମଭୂମି ଭାବରେ ବାଛି ନେଇଥିବା କମଳିନୀ ଚାଲିଗଲେ ଆରପାରିକୁ ସମସ୍ତଙ୍କୁ ଶୋକ ସାଗରରେ ଭସାଇ। ସେ ଖଡ଼ିଆଳ ନେହେନାର ଉପେନ୍ଦ୍ର ଦର୍ଜିଙ୍କୁ ବିବାହ କରିଥିଲେ। ତାଙ୍କର ମୃତ୍ୟୁ ସମୟରେ ତାଙ୍କ ପାଖରେ ତାଙ୍କ ସ୍ବାମୀ ଉପେନ୍ଦ୍ର ଦର୍ଜି,ଏକମାତ୍ର ପୁତ୍ର ଓମ୍ ପ୍ରକାଶ ଦର୍ଜି (ଦୀପକ), ଝିଅ ପୂଜା ଦର୍ଜି ଏବଂ ନାତି ନାତୁଣୀ ସହ ପରିବାର ସ୍ୱଜନ ବନ୍ଧୁବାନ୍ଧବ ତାଙ୍କ ସିଭିଲ କୋର୍ଟ ପଛପଟ ବାସଭବନ ରେ ଶେଷ ଦର୍ଶନ ସହ ଶେଷ ବିଦାୟ ଦେଇଥିଲେ।ତାଙ୍କର ଶେଷ କୃତ୍ୟ ବିଭୂତି ପଡା ଶ୍ମଶାନରେ କରାଯାଇଥିଲା।ସଭିଏଁ ତାଙ୍କର ଅମର ଆତ୍ମାର ସଦଗତି ପାଇଁ ଈଶ୍ୱରଙ୍କ ଠାରେ ପ୍ରାର୍ଥନା କରିଥିଲେ।