17-Aug-2024

ଆଗଲପୁର, (ପ୍ରେରଣା ଖବର ) ଆଜିକାର ବିଜ୍ଞାନ ଯୁଗରେ ମଧ୍ୟ ମଣିଷ ମନରେ ଅନ୍ଧ ବିଶ୍ବାସ ଭରି ରହିଛି l ଅନ୍ଧବିଶ୍ବାସ ର ବଶବର୍ତ୍ତୀ ହୋଇ ଜଣେ ଦଳିତ ମହିଳା ଙ୍କୁ ଆଜିର ଆଧୁନିକ ଯୁଗରେ ମଧ୍ୟ ଅକଥନୀୟ ଅତ୍ୟାଚାର, ନିର୍ଯାତନା ର ଶିକାର ହେବାକୁ ପଡ଼ିଛି। ଏଭଳି ଏକ ଘଟଣା ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ର ରୋଥ୍ ଗ୍ରାମରେ l ସୂଚନାନୁସାରେ ବୁଇ ବାରିକ ସ୍ବାମୀ ଟଙ୍କଧର ବାରିକ ବୟସ 45 ଗ୍ରାମ ରୋଥ ତାଙ୍କୁ ଡାହାଣୀ ସନ୍ଦେହରେ ଗ୍ରାମର ଜଣେ ଯୁବକ ନାମ ହେଉଛି ଅଶ୍ଵିନୀ ପଟେଲ, ପିତା ବିପ୍ରପ୍ରସାଦ ପଟେଲ ତାଙ୍କୁ ଆଜି ଗ୍ରାମର ସାପ୍ତାହିକ ବଜାର ରେ ଅଶ୍ଳୀଳ ଭାଷାରେ ଗାଳି ଗୁଲଜ କରି ମାଡ଼ ମାରିଥିବା କହି ଆଗଲପୁର ଥାନା ରେ ଲିଖିତ ଅଭିଯୋଗ କରିଛନ୍ତି l ଉକ୍ତ ମହିଳା ଜଣକ ସ୍ବାମୀ ଆଗଲପୁର ପଞ୍ଚାୟତ ସମିତି ମହାବିଦ୍ୟାଳୟ ରେ ରାତ୍ର ଜଗୁଆଳି ଭାବରେ କାମ କରନ୍ତି l ତାଙ୍କ ସହିତ ଉକ୍ତ ମହିଳା ମଧ୍ୟ ସ୍ଵାମୀଙ୍କ ସହିତ ରାତ୍ର ଜଗୁଆଳି ଭାବରେ ରହି ମହା ବିଦ୍ୟାଳୟ ରେ କାମ କରୁଛନ୍ତି l ଉଭୟଙ୍କୁ ମହା ବିଦ୍ୟାଳୟ ରେ ରହି ଡାହାଣୀ କାମ କରୁଛ କହି ଜାତି ଆକ୍ଷେପ କରି ମାଡ ମାରିଥିବା ଅଭିଯୋଗ କରିଛନ୍ତି l ଜଣେ ବ୍ୟକ୍ତି କିପରି ଭାବରେ ତାଙ୍କୁ ବିଚ୍ ବଜାର ରେ ଅଶ୍ଳୀଳ ଭାଷାରେ ଗାଳି ଗୁଲଜ କରି, ଜାତି ଆକ୍ଷେପ କରି ମାଡ ମାରିବା ତାହା ପ୍ରଶ୍ନବାଚୀ ସୃଷ୍ଟି କରିଛି l ଡାହାଣୀ କହି ଶାଢ଼ୀ ଟାଣିଥିବା ଅଭିଯୋଗ ପତ୍ର ରେ ଉଲ୍ଲେଖ କରିଛନ୍ତି l ଏହା ଉପରେ ତଦନ୍ତ ହେବା ସହିତ ମହା ବିଦ୍ୟାଳୟ ରେ ହୋଇଥିବା ଘଟଣା ର ପର୍ଦ୍ଦାଫାଶ ହେବା ଉଚିତ୍ l ମହିଳା ଜଣକ ମାଡ ଖାଇବା ପରେ ଡାକ୍ତରଖାନା ରେ ଚିକିତ୍ସା ହେବା ପରେ ଥାନା ରେ ଲିଖିତ ଅଭିଯୋଗ କରିଛନ୍ତି l ଅଭିଯୋଗ ପତ୍ର ସହିତ ଡାକ୍ତର ଦେଇଥିବା ଚିକିତ୍ସିତ ଫର୍ଦ୍ଦ ମଧ୍ୟ ଥାନା ରେ ଦାଖଲ କରିଛନ୍ତି। ଏ ବିଷୟରେ ଆଗଲପୁର ଥାନା ଅଧିକାରୀ ଶ୍ରୀ ବାସୁଦେବ ଭୋଇ ଙ୍କୁ ପଚାରିବାରୁ ଅଭିଯୋଗ ପତ୍ର ମୋତେ ହସ୍ତଗତ ହୋଇଛି ବୋଲି ଆମ୍ଭଙ୍କୁ ସୂଚନା ଦେଇଛନ୍ତି। ଏହା ଉପରେ ତଦନ୍ତ କରାଯାଇ ଉଚିତ୍ ପଦକ୍ଷେପ ନିଆଯିବ ଶ୍ରୀ ଭୋଇ ପ୍ରକାଶ କରିଛନ୍ତି l