17-Aug-2024

କଣ୍ଟାମାଳ(ଜୟ କୁମାର ମହାରଣା): କଣ୍ଟାମାଳ ବ୍ଲକ ମନମୁଣ୍ଡା ଡାକବଙ୍ଗଳା ଠାରେ ଓଡିଶା ରାଜ୍ୟ ସରକାରଙ୍କ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ଏବଂ ଶ୍ରମ ଓ ନିଯୁକ୍ତି ବିଭାଗ ମନ୍ତ୍ରୀ ଗଣେଶରାମ ସିଂହ ଖୁଣ୍ଟିଆଙ୍କୁ ବିଜେପି ମନମୁଣ୍ଡା ମଣ୍ଡଳ ସଭାପତି ନିରଞ୍ଜନ କର୍ଣ୍ଣ ଙ୍କ ନେତୃତ୍ୱରେ ଏକ ବିଜେପି ପ୍ରତିନିଧି ମଣ୍ଡଳୀ ସାକ୍ଷାତ କରି ପୁଷ୍ପଗୁଛ ଓ ଉପଢୌକନ ଦ୍ୱାରା ସମ୍ବର୍ଦ୍ଧିତ କରିଥିଲେ  l ଏହି ସାକ୍ଷାତ ସମୟରେ ମନମୁଣ୍ଡା

ଅଂଚଳର ବିଭିନ୍ନ ସମସ୍ୟା ସମ୍ପର୍କରେ ମନ୍ତ୍ରୀ ଶ୍ରୀ ଖୁଣ୍ଟିଆ ଙ୍କ ସହ ଆଲୋଚନା କରିଥିଲେ  l  ଆଲୋଚନା ମଧ୍ୟରେ ରତାଖଣ୍ଡି ସଂରକ୍ଷିତ ଜଙ୍ଗଲର ଉପଯୁକ୍ତ ରକ୍ଷଣା ବେକ୍ଷଣ ସହିତ ଇକୋ ଟୁ୍ରିଜିମ ସୃଷ୍ଟି କରାଗଲେ ଜଙ୍ଗଲ ଛାଡି ଗାଁ ମୁହାଁ ହୋଇଥିବା ଜୀବଜନ୍ତୁ ଙ୍କ ସୁରକ୍ଷିତ ରକ୍ଷଣା ବେକ୍ଷଣ ହୋଇପାରିବା ସହ ନିଯୁକ୍ତି ସୃଷ୍ଟି କରାଯାଇ ପାରିବ ଓ ଅଂଚଳର ବିକାଶ କରାଯାଇ ପାରିବ  l  ତତ ସହିତ ଅଞ୍ଚଳରେ ଅଧିକ  ବନୀକରଣ ସୃଷ୍ଟି

କରାଗଲେ ପରିବେଶର ଭାରସାମ୍ୟ ସନ୍ତୁଳନ ରହିପାରିବ l  ସେହିପରି ମନମୁଣ୍ଡା ଠାରେ ଓଏଫଡିସି ତରଫରୁ ଏକ କାଠ ଡିପୋ କରାଗଲେ ଅଂଚଳର ଲୋକେ ଉପକୃତ ହୋଇପାରିବେ ବୋଲି ମଣ୍ଡଳ ସଭାପତି ଶ୍ରୀ କର୍ଣ୍ଣ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିବା ସହ ଅଞ୍ଚଳ ତରଫରୁ ଦାବି ରଖିଥିଲେ  l  ଏହି ଆଲୋଚନା ସମୟରେ ଜଙ୍ଗଲ ପରିବେଶ ଓ ଜଳବାୟୁ ପରିବର୍ତ୍ତନ ଏବଂ ଶ୍ରମ ନିଯୁକ୍ତି ମନ୍ତ୍ରୀ ଶ୍ରୀଯୁକ୍ତ ଖୁଣ୍ଟିଆ ଙ୍କ ସହ ବୌଦ୍ଧ ଡ଼ିଏଫଓ ଦେବପ୍ରିୟ କମ୍ପ ମଧ୍ୟ ଉପସ୍ଥିତ ରହି ଆଲୋଚନା କରିଥିଲେ l