15-Aug-2024

ବରଗଡ଼(ନିରଞ୍ଜନ ତ୍ରିପାଠୀ)-ସମଗ୍ର ଦେଶ ରେ ପାଳିତ ହୋଇଯାଇଛି ୭୮ତମ ସ୍ୱାଧୀନତା ଦିବସ।ବିଭିଧତା ମଧ୍ୟରେ ଏକତା ର ନିଦର୍ଶନ କରୁଥିବା ଏହି ସ୍ୱାଧୀନତା ଦିବସ କୁ ଏକ ଭିନ୍ନ ଢଙ୍ଗରେ ପାଳନ କରିଛନ୍ତି ବରଗଡ଼ର ସମାଜସେବୀ ପ୍ରଜ୍ଞା ଉତ୍କଳିକା ମିଶ୍ର। ଏଇ ଅବସରରେ ଆଜି ସେ ଭାରତର ବିଭିନ୍ନ ରାଜ୍ୟ ରେ ପ୍ରସିଦ୍ଧ ଲାଭ କରିଥିବା ଅନନ୍ୟ ମିଷ୍ଠାନ୍ନ ହଲୁଆ ପ୍ରସ୍ତୁତ କରିଥିଲେ ଭାରତ । ଭାରତର ଲୋକଙ୍କ ମଧ୍ୟରେ ଖାଦ୍ୟ ପ୍ରତି ଥିବା ୠଚିକୁ ଦୃଷ୍ଟିରେ ରଖି ପ୍ରଜ୍ଞା ଏହି ହଲୁଆ ପ୍ରସ୍ତୁତ କରିଥିବାବେଳେ ଏଥିରେ ଚିନି, ସୁଜି, ଖୁଆ, ଗାଜର,କାକୁଡି,ଆମ୍ବ,ପିଜୁଳି,ପିସ୍ତା, କଖାରୁ,କାଜୁ, କିସମିସ, ସାନ୍ତ୍ରା,ଅଙ୍ଗୁର,ସପୁରି, ଶାଗୁ,ମୁଗଡା଼ଲି,ସବୁଜ ଚଣା, କେପସୀକମ୍,ପୋହା,କେଶର,ଚାଉଳ,ନଡ଼ିଆ ଆଦି ବ୍ୟବହାର କରିଥିବା କହିଛନ୍ତି।ଭିନ୍ନ ଭିନ୍ନ ଉପାଦାନ ରୁ ପ୍ରସ୍ତୁତ ଏହି ସ୍ୱାଦିଷ୍ଟ ହଲୁଆ ର ନାଁ ମଧ୍ୟ ଭିନ୍ନ ଭିନ୍ନ ଅଟେ।ଯେପରିକି ଜାମ୍ମୁ କାଶ୍ମୀର ରେ ଅପ୍ରିକଟ ହଲୁଆ, ଲଦ୍ଧାଖ ରେ ମାଖଣ୍ଡି ହଲୁଆ, ହିମାଚଳ ପ୍ରଦେଶ ରେ ବାଦାମ୍ ହଲୁଆ, ପଞ୍ଜାବ ରେ କାଡା ପ୍ରସାଦ, ହାରିଆନା ରେ ଗାଜର ହଲୁଆ,ସିକିମ୍ ରେ ଆଳୁ ହଲୁଆ, ଅରୁଣାଚଳ ରେ ହରଡ଼ ଡାଲି ହଲୁଆ, ନଗଲାଣ୍ଡ ରେ କଖାରୁ ହଲୁଆ, ମଣିପୁର ରେ ସପୁରି ସୁଜି ହଲୁଆ,ମିଜୋରାମ ରେ ଅଦା ହଲୁଆ, ତ୍ରିପୁରା ରେ ସପୁରି ହଲୁଆ, ମେଘାଳୟ ରେ କେଶର ଓ ଶାଗୁ ହଲୁଆ, ଆସାମ ରେ ଅମୃତଭଣ୍ଡା ହଲୁଆ, ଦିଲ୍ଲୀ ରେ ସାନ୍ତ୍ରା ହଲୁଆ, ଉତ୍ତର ପ୍ରଦେଶ ରେ ହବିଶି ହଲୁଆ, ରାଜସ୍ଥାନ ରେ ମୁଗଡା଼ଲି ହଲୁଆ, ଗୁଜୁରାଟ ରେ ସୁଜି ଶିରା, ମଧ୍ୟପ୍ରଦେଶ ରେ ପୋହା ହଲୁଆ, ଛତିଶଗଡ଼ ରେ ଚାଉଳ ରୁ ପ୍ରସ୍ତୁତ ହଲୁଆ, ପଶ୍ଚିମବଙ୍ଗ ରେ ଛେନା ହଲୁଆ, ଝାରଖଣ୍ଡ ରେ କ୍ଷୀର ଶର ରୁ ପ୍ରସ୍ତୁତ ହଲୁଆ, ମହାରାଷ୍ଟ୍ର ର ଅଙ୍ଗୁର ହଲୁଆ, ତେଲେଙ୍ଗାନା ର କାକୁଡି ହଲୁଆ, ଆନ୍ଧ୍ରପ୍ରଦେଶ ର ପିଜୁଳି ହଲୁଆ, କର୍ଣ୍ଣାଟକ ର ସବୁଜ ଚଣା ରୁ ପ୍ରସ୍ତୁତ ହଲୁଆ, ତାମିଲନାଡୁ ର ସିମିଲା ମିର୍ଚ୍ଚା ହଲୁଆ, କେରଳ ର ନଡ଼ିଆ ରୁ ପ୍ରସ୍ତୁତ ହଲୁଆ, ଗୋଆ ର କଞ୍ଚା ଅମୃତ ଭଣ୍ଡା ର ହଲୁଆ ଓଡିଶା ର ସୁଜି ହଲୁଆ ଆଦି ତିଆରି କରିଥିଲେ ପ୍ରଜ୍ଞା।ସମାଜସେବୀ ପ୍ରଜ୍ଞା ଙ୍କର ଏହି ନିଆରା ଉଦ୍ୟମ ପାଇଁ ବିଭିନ୍ନ ମହଲ ରୁ ପ୍ରସଂଶା ର ସୁଅ ଛୁଟୁଛି।