15-Aug-2024

ବରଗଡ଼/ବିଜେପୁର:(ନିରଞ୍ଜନ ତ୍ରିପାଠୀ)- ପ୍ରାଣୀମାନଙ୍କ କ୍ଷେତ୍ରରେ ଦେଖା ଯାଉଥିବା ଫାଟୁଆ ରୋଗ ଭୁତାଣୁଜନିତ ଅଟେ l ନିୟମିତ ଭାବେ ପ୍ରତିଷେଧକ ଟୀକା ଦିଆଯାଇ ଏହି ରୋଗକୁ ନିୟନ୍ତ୍ରଣ ଓ ମୁଳୋତ୍ପାଟନ କରାଯାଇପାରିବ l ସେଥିପାଇଁ ସରକାର ମାଗଣାରେ ଟୀକା ଯୋଗାଇ ଦେଉଛନ୍ତି l ଏପରି ବାର୍ତ୍ତା ଚାଷୀମାନଙ୍କ ନିକଟରେ ପହଞ୍ଚାଇବା ସହ ସେମାନଙ୍କୁ ସଚେତନ କରାଇବା ଲକ୍ଷ୍ୟ ରଖି, ବରଗଡ଼ ଜିଲ୍ଲା ପ୍ରାଣୀ ସମ୍ପଦ ବିକାଶ ବିଭାଗ ତରଫରୁ ବିଭିନ୍ନ କାର୍ଯ୍ୟକ୍ରମ କରାଯାଉଛି l
ଏହି କ୍ରମରେ ବିଭାଗୀୟ ସୌଜନ୍ୟରୁ ବିଜେପୁର ବ୍ଲକ ଅନ୍ତର୍ଗତ ବରମୁଣ୍ଡା ଗ୍ରାମ ଓ ସୋହେଲା ବ୍ଲକ ଅନ୍ତର୍ଗତ ପାଣିମୋରା ଗ୍ରାମରେ ସାଧାରଣ ସଭା ସହ ପଥପ୍ରାନ୍ତ ନାଟକ ଭଳି ସଚେତନତା କାର୍ଯ୍ୟକ୍ରମ କରାଯାଇଛି l
ବିଜେପୁର ଗୋଷ୍ଠୀ ପ୍ରାଣୀ ଚିକିତ୍ସା ଅଧିକାରୀ ଡା ଗିରୀଶ ଚନ୍ଦ୍ର ମାଥୁର, ସୋହେଲା ଗୋଷ୍ଠୀ ପ୍ରାଣୀ ଚିକିତ୍ସା ଅଧିକାରୀ ଡା ସଞ୍ଜୀବ କୁମାର ପାତ୍ରଙ୍କ ଦିଗଦର୍ଶନରେ ତଥା ବିଜେପୁର ସହକାରୀ ପ୍ରାଣୀ ଚିକିତ୍ସକ ଡା ସଂଯୁକ୍ତା ସାହୁ, ସୋହେଲା ସହକାରୀ ପ୍ରାଣୀ ଚିକିତ୍ସକ ଡା ବିକାଶ ଅଗ୍ରୱାଲ, ଏମ ଭି ୟୁ ଭି ଏ ଏସ ଡା ଦୀପାଳି ନାଏକଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ସାଧାରଣ ସଭାରେ ଚାଷୀଗଣଙ୍କୁ ଫାଟୁଆ ରୋଗର ନିରାକରଣ ଦିଗରେ ବିଭିନ୍ନ ପରାମର୍ଶ ଦିଆଯାଇଥିଲା l
କାର୍ଯ୍ୟକ୍ରମର ଗୁରୁତ୍ୱପୂର୍ଣ ଅଂଶବିଶେଷ ଭାବେ ପଥପ୍ରାନ୍ତ ନାଟକ " ପ୍ରତିଷେଧକ ଟୀକାର ଉପଯୋଗ - କଲେଁ ମେଟିଯିବା ଫାଟୁଆ ରୋଗ " ଶୀର୍ଷକ କ୍ଷୁଦ୍ର ନାଟିକା ପ୍ରଦର୍ଶନ କରାଯାଇଥିଲା l ବୁଡ଼ାପାଲି ଭି ଟି ଦିଲ୍ଲୀପ କୁମାର ଦେବତାଙ୍କ ଦ୍ୱାରା ଲିଖିତ ଉକ୍ତ ନାଟକକୁ ସଂଗଠକ ରାଜେଶ୍ୱର ବେହେରା ନିର୍ଦେଶନା ଦେଇଥିବା ବେଳେ ଅlଲତି ସାଂସ୍କୃତିକ କୁଟୁମ, ବିଜେପୁରର କଳାକାରଗଣ ଅଭିନୟ କରିଥିଲେ l ଭୀମ ମେହେର, ନୀଳମଣି ମେହେର, ଭାଗବତ ପଧାନ, ଭରତ ସାହୁ, ସୁଷମା ଭୋଇ, ପ୍ରତିମା ସେଠ, ଲିପିକା ସେଠ ପ୍ରମୁଖଙ୍କ ଦ୍ୱାରା ଉପସ୍ଥାପିତ ସମଗ୍ର କାର୍ଯ୍ୟକ୍ରମକୁ ଉତ୍ସାହ ଓ ଆନନ୍ଦର ସହ ହଜାର ହଜାର ଦର୍ଶକ ଉପଭୋଗ କରିଥିଲେ l
ବାନ୍ଦୁପାଲି ଭି ଟି ଅଞ୍ଜଳି ପ୍ରଧାନ, ପାଣିମୋରା ଭି ଟି ତାରାଚାନ୍ଦ ମହାନନ୍ଦ, ବିଭାଗୀୟ କର୍ମଚାରୀ ଗଙ୍ଗାଧର ଦୀପ, ବୀରେନ୍ଦ୍ର ସାହୁ, ସଞ୍ଜୀବ ସାହୁ, ଆଶୀଷ ବାରିକ, ବଳରାମ ପୁରୀ, ଗଗନ ପଧାନ ଆଦି ସହଯୋଗ କରିଥିଲେ l