15-Aug-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଳକ ମାହେଶ୍ୱରୀ ସେନା ପକ୍ଷରୁ ବେଲପଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଠାରେ ଆଜି ରକ୍ତଦାନ ଶିବିର ଅନୁଷ୍ଠିତ ହୋଇଥିଲା। ଉକ୍ତ ଶିବିର ରେ ମୂଖ୍ୟ ଅତିଥି ଭାବେ ଥାନା ଅଧିକାରୀ ଅନନ୍ତ ପ୍ରଧାନ ଯୋଗଦାନ କରି ଫିତା କାଟି କାର୍ଯ୍ୟ ର ଶୁଭାରମ୍ଭ କରିଥିଲେ। ସମ୍ମାନୀତ ଅତିଥି ଭାବେ ବେଲପଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିକାରୀ ଡ଼ଃ ରବିନ୍ଦ୍ର ମେହେର, ବେଲପଡା ତହସିଲଦାର ଜ୍ଞାନ ରଞ୍ଜନ ମାଝୀ, ଓକିଲ ଗୁଣନିଧି ଦନ୍ତା, ଅଧ୍ୟାପକ ମନୋଜ ମହାଖୁଡ, ସମାଜସେବୀ କନ୍ଦର୍ପ ଦନ୍ତା ଉପସ୍ଥିତ ରହି ରକ୍ତଦାତାଙ୍କୁ ଉତ୍ସାହିତ କରିଥିଲେ। ସର୍ବ ପ୍ରଥମେ ଥାନା ଅଧିକାରୀ ଅନନ୍ତ ମାନବିକତା ର ପରିଚୟ ଦେଇ ରକ୍ତଦାନ କରିଥିଲେ ପରେ ଥାନା ର ଏ,ଏସ,ଆଇ ଭଜମନ ବିଶି ରକ୍ତଦାନ କରିଥିଲେ  ଏବଂ ଅନ୍ୟାନ୍ୟ ରକ୍ତଦାତା ମାନେ ରକ୍ତଦାନ କରିଥିବା ବେଳେ ସମୁଦାୟ ୪୨ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ  ପାଟଣାଗଡ଼ ରକ୍ତଭଣ୍ଡାର ର କର୍ମଚାରୀ ଏବଂ ବେଲପଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ର  କର୍ମଚାରୀ ଉପସ୍ଥିତ ରହି ସହଯୋଗ କରିଥିଲେ।ମହାଶ୍ବରୀ ସେନା ର ସଭାପତି ପ୍ରଶାନ୍ତ ଡାଙ୍ଗ, ସମ୍ପାଦକ ଭାଗବତ ଦନ୍ତା ଓ ସେନା ର ଅନ୍ୟାନ୍ୟ ସଦସ୍ୟ ସୁରେଶ ଡାଙ୍ଗ, ରୁକ୍ମଣ ଦନ୍ତା,ଶିବ ଡାଙ୍ଗ, ପ୍ରଦ୍ୟୁମ୍ନ ଖେତି, ଯଦୁମଣି ମହାଖୁଡ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ। ମାହେଶ୍ୱରୀ ସେନା ସବୁ ବେଳେ ଗରିବ ଅସହାୟ ଙ୍କ ପାଇଁ କାର୍ଯ୍ୟ କରିଆସୁଥିବା ବେଳେ ତାଙ୍କୁ ମୁଖ୍ୟ ଅତିଥି ଅନନ୍ତ ପ୍ରଧାନ ଆନ୍ତରିକତା ସହ ଧନ୍ୟବାଦ ଜ୍ଞାପନ କରିଥିଲେ। ଏଭଳି ମହତ୍ କାର୍ଯ୍ୟ ସଦା ସର୍ବଦା ବଜାୟ ରଖିବାକୁ ଥାନା ଅଧିକାରୀ ଅନନ୍ତ ପ୍ରଧାନ ପ୍ରେରଣା ଦେଇଛନ୍ତି। ପ୍ରତ୍ୟେକ ରକ୍ତଦାତାଙ୍କୁ ମାହେଶ୍ୱରୀ ସେନା  ଗୋଟିଏ ଲେଖାଏଁ ମାନପତ୍ର ପ୍ରଦାନ କରିଥିବା ଜଣାପଡିଛି।