15-Aug-2024

କଣ୍ଟାମାଳ(ଜୟ କୁମାର ମହାରଣା):  ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକର ବିଭିନ୍ନ ସ୍ଥାନରେ ହର୍ଷଲ୍ଲାସ ସହ ପାଳିତ ହେଲା ୭୮ତମ ସ୍ୱାଧୀନତା ଦିବସ l ବ୍ଲକ ପ୍ରଶାସନ ପକ୍ଷରୁ କଣ୍ଟାମାଳ ହାଇସ୍କୁଲ ପଡିଆରେ ଆୟୋଜିତ ବ୍ଲକସ୍ତରୀୟ ସ୍ୱାଧୀନତା ଦିବସ ସମାରୋହରେ କଣ୍ଟାମାଳ ବିଧାୟକ କହ୍ନେଇ ଚରଣ ଡାଙ୍ଗ ମୁଖ୍ୟଅତିଥି ଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରି ଜନସାଧାରଣଙ୍କ ଉଦ୍ଦେଶ୍ୟରେ ଅଭିଭାଷଣ ରଖିଥିଲେ l ପରେ ବ୍ଲକସ୍ତରୀୟ ସମ୍ମିଳିତ ପ୍ୟାରେଡ଼କୁ ଅଭିବାଦନ ଗ୍ରହଣ

କରିଥିଲେ l  ଏହିଅବସରରେ ବିଭିନ୍ନ ପ୍ରତିଯୋଗିତା ର କୃତି ଛାତ୍ରୀଛାତ୍ର ମାନଙ୍କୁ ପୁରସ୍କୃତ କରାଯିବା ସହ  ପ୍ୟାରେଡ଼ରେ ଶ୍ରେଷ୍ଠ ପ୍ରଦର୍ଶନକାରି ଦଳକୁ ଟ୍ରଫି ପ୍ରଦାନ କରାଯାଇଛି  l  ଏହିଅବସରରେ ସ୍କୁଲ ପିଲାମାନଙ୍କ ଦ୍ୱାରା ଦେଶଭକ୍ତି ସଂଗୀତର ଧୁନ ସହ ନୃତ୍ୟ ପରିବେଷଣ କରି ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲେ  l  ଅନ୍ୟମାନଙ୍କ ମଧ୍ୟରେ କଣ୍ଟାମାଳ ପଞ୍ଚାୟତ ସମିତି ଅଧ୍ୟକ୍ଷା ସସ୍ମିତା ସେନାପତି, ବିଡ଼ିଓ ସାମି ଜୟଶ୍ରୀ ରେଡ୍ଡୀ, ତହସିଲଦାର ଶ୍ୱେତପଦ୍ମ ଯୋଶୀ, ଜିଲ୍ଲାପରିଷଦ ସଭ୍ୟା ପଦ୍ମାଳୟା ପ୍ରଧାନ, ସୁମିତ୍ରା ସାହୁ, କଣ୍ଟାମାଳ ଥାନାଧିକାରୀ ଭାବାନନ୍ଦ ପ୍ରଧାନ ପ୍ରମୁଖ ଉପସ୍ଥିତ

ଥିଲେ l  ସେହିପରି ବ୍ଲକ କାର୍ଯ୍ୟାଳୟ ରେ ବ୍ଲକ ଅଧ୍ୟକ୍ଷା ସସ୍ମିତା ସେନାପତି, ତହସିଲ ରେ ତହସିଲଦାର ଶ୍ୱେତପଦ୍ମ ଯୋଶୀ, ଥାନାରେ ଥାନାଧିକାରୀ ଭାବାନନ୍ଦ ପ୍ରଧାନ,କୋର୍ଟ, ପୂର୍ତ୍ତ ବିଭାଗ, ଗ୍ରାମ୍ୟ ଉନ୍ନୟନ, ଜଙ୍ଗଲ, କେନ୍ଦୁଲିଫ, ଆଇସିଡ଼ିଏସ, ବ୍ୟାଙ୍କ, ଡାକଘର,ଉଦ୍ୟାନ କୃଷି, ଅବକାରୀ, ଜଳ ଓ ପରିମଳ ଆଦି ବିଭିନ୍ନ କାର୍ଯ୍ୟାଳୟ, ସ୍କୁଲ କଲେଜ,ବଣିକ ସଂଘ, ଏବଂ ଆମେ ସାଂସ୍କୃତିକ ପରିଷଦ, କଣ୍ଟାମାଳ ବ୍ଲକ ସାମ୍ବାଦିକ ସଂଘ ସମେତ ସମସ୍ତ ଗ୍ରାମ ପଞ୍ଚାୟତ କାର୍ଯ୍ୟାଳୟ ଓ ବେସରକାରୀ ଅନୁଷ୍ଠାନ ଗୁଡିକରେ ପତାକା ଉତ୍ତୋଳନ ହୋଇଛି  l