10-Aug-2024

କଣ୍ଟାବାଞ୍ଜି: ବିଶ୍ୱ ଆଦିବାସୀ ଦିବସ ଏହାକୁ ଅତି ସୁନ୍ଦର ଓ ନିରାଡ଼ମ୍ବର ଭାବରେ ପାଳନ କରିଛନ୍ତି ତୁରେକେଲା ବ୍ଲକସ୍ତରୀୟ ଆଦିବାସୀ ସଂଘର ସମସ୍ତ କର୍ମକର୍ତ୍ତା l

ଜିଲ୍ଲା ଆଦିବାସୀ ସଂଘର ତତ୍ୱବଧାନରେ ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ସହରରେ ମହାସମାରୋହରେ ପାଳିତ ହେଲା ବିଶ୍ଵ ଆଦିବାସୀ ଦିବସ l ଏହାର ଉପଲକ୍ଷେ ଆଦିବାସୀ ମାନଙ୍କ ଏକ ବିରାଟ ସଭାର ଆୟୋଜନ କରାଯାଇଥିଲା l ଆଦିବାସୀ ମାନେ କିଭଳି ଭାବରେ ଅତ୍ୟାଚାର ଓ ଶୋଷଣର ଶିକାର ହେଉଛନ୍ତି, ସରକାର କିଭଳି ଭାବରେ ଆଦିବାସୀମାରଣ ନୀତି ଅବଲମ୍ବନ କରୁଛନ୍ତି, ନକଲି ଆଦିବାସୀଙ୍କୁ ବାହାର କର ଓ ସମସ୍ତଙ୍କୁ ପଟ୍ଟା ପ୍ରଦାନ, ଆଦିବାସୀ ମାନଙ୍କ ସୁରକ୍ଷା, ବିଶ୍ୱ ଆଦିବାସୀ ଦିବସ ଦିନକୁ ଛୁଟି ଘୋଷଣା କରାଯାଉ ବୋଲି ଦାବି କରିଥିଲେ l ଏହି ଅବସରରେ ସମସ୍ତ ଆଦିବାସୀ ଏକ ହୋଇ କେମିତି ଆଦିବାସୀ ଭାଇଭଉଣୀ ମାନଙ୍କୁ ସଚେତନ କରିବା ଏହା ସହ ଆଦିବାସୀ ମାନଙ୍କ ଅଧିକାର ସବୁ କେମିତି ରକ୍ଷା କରାଯିବ ସେନେଇ ଆଦିବାସୀ ସଂଘର କର୍ମକର୍ତ୍ତା ମାନେ କହିଛନ୍ତି l ରାଜ୍ଯ ସରକାର ଓ କେନ୍ଦ୍ର ସରକାର ଆଦିବାସୀ ସଂଗ୍ରାମୀ ମାନଙ୍କ ଇତିହାସକୁ ଲୋକଲୋଚନ ଆଣିବାକୁ ସଂଘ ଦାବୀ କରିଛି।ଏହି କାର୍ଯ୍ୟକ୍ରମରେ ଆଦିବାସୀ ସଂଘର ଜିଲ୍ଲା ସଭାପତି ସତ୍ୟନାରାୟଣ ଭୋଇ, ଜିଲ୍ଲା ସାଧାରଣ ସମ୍ପାଦକ ପୁରୁଷୋତ୍ତମ ଧରୁଆ, ତୁରେକେଲା ବ୍ଲକ ଗୋଣ୍ଡ ସଭାପତି ଗିରିରାଜ ସିଂ ମାଝୀ, ନାରୀ ନେତ୍ରୀ ନିରୁପମା ମାଝୀ, କଣ୍ଟାବାଞ୍ଜି ନଗର ସଭାପତି ଗୋବିନ୍ଦ ବର୍ଗେ, ତୁରେକେଲା ବ୍ଲକ ସମ୍ପାଦକ ଦୈତାରି ଭୋଇ, ଚଟୁଅନକା ସମିତି ସଭ୍ଯ ପୂୂୂର୍ଣ୍ଣଚନ୍ଦ୍ର ମାଝୀ, ଧୃବ ଗୋଡଁ ସମାଜ ସଭାପତି ଅଲେଖ ଧରୁଆ, ଦଳ ସମାଜ ସଭାପତି ସଞ୍ଜୀବ ମଳିକ, ନରୋତ୍ତମ ମାଝୀ,ଯୁଗେଶ୍ବର ମାଝୀ,  ବଣ୍ଟି ଧବଳ, ପ୍ରମୁଖ ମଞ୍ଚାସିନ ଥିବା ବେଳେ ଶହ ଶହ ଆଦିବାସୀ ପୁରୁଷ ଓ ମହିଳା ମାନେ ଉପସ୍ଥିତ ଥିଲେ l

《ମୋହନ ସୁନା ଙ୍କ ରିପୋର୍ଟ 》