06-Oct-2020

 ସମ୍ବଲପୁର ତା.୬/୧୦(Sanjib Panigrahi)- ବିଗତ ଏକ ବର୍ଷ ପୂର୍ବରୁ ଭାରତୀୟ ଜନତା ପାର୍ଟି ସମ୍ବଲପୁର ସାଙ୍ଗଠାନିକ ଜିଲ୍ଲା ର ୨୭ ଗୋଟି ମଣ୍ଡଳ ରୁ ୨୦ଟି ମଣ୍ଡଳ ସଭାପତି ଙ୍କ ନାମ ବିଧିବଦ୍ଧ ଭାବେ ଘୋଷଣା ହୋଇ ସାରିଥିଲା । ନିର୍ବାଚିତ ମଣ୍ଡଳ ସଭାପତି ମନେ ନିଜ ନିଜ ମଣ୍ଡଳରେ ବିଗତ ଏକ ବର୍ଷ ହେଲା ସୁରୁଖୁରୁ ରେ ବିଭିନ୍ନ ରାଜନୈତିକ ସାମାଜିକ କାର୍ଯ୍ୟମାନ ସମ୍ପାଦନ କରି ଆସୁଛନ୍ତି । ଜିଲ୍ଲାର ସମୁଦାୟ ୨୭ ଟି ମଣ୍ଡଳ ରୁ ୭ ଟି ମଣ୍ଡଳରେ ବିଭିନ୍ନ କାରଣରୁ ସଭାପତି ଚୟନ କାର୍ଯ୍ୟ ଅଟକି ରହିଥିଲା । ଶେଷରେ ଆଜି ସେଇ ୭ ଟି ମଣ୍ଡଳ ର ସଭାପତି ଙ୍କ ନାମ ଘୋଷଣା କରାଯାଇ ସେଇ ଅପେକ୍ଷା ର ଅନ୍ତ ଘଟାଇଛି ସମ୍ବଲପୁର ବିଜେପି । 
        ସମ୍ବଲପୁର ବିଜେପି ଜିଲ୍ଲା ସଭାପତି ଶ୍ରୀଯୁକ୍ତ ଗିରିଶ ପଟେଲ ଓ ସମ୍ବଲପୁର ଜିଲ୍ଲା ପ୍ରଭାରୀ ତଥା ରାଜ୍ୟ ସମ୍ପାଦକ ଶ୍ରୀଯୁକ୍ତ ଟଙ୍କଧର ତ୍ରିପାଠୀ ଙ୍କ ଅନୁଗ୍ରହ କ୍ରମେ ଓଡିଶା ପ୍ରଦେଶ ବିଜେପି ର ରାଜ୍ୟ ସଭାପତି ଶ୍ରୀଯୁକ୍ତ ସମୀର ମହାନ୍ତି ଙ୍କ ଅନୁମୋଦନ ଲାଭ କରିଛି ୭ ଟି ମଣ୍ଡଳ ସଭାପତି ଙ୍କ ନାମ ର ସୂଚୀ ।
       ବିଜେପି କ୍ଷେତ୍ରିୟ ପ୍ରବକ୍ତା ତଥା ଗଣମାଧ୍ୟମ ସଂଯୋଜକ ଶ୍ରୀଯୁକ୍ତ ମାନସ ରଞ୍ଜନ ବକ୍ସି ଙ୍କ ଦ୍ଵାରା ଜାରି କରାଯାଇଥିବା ପ୍ରେସ ବିଜ୍ଞତ୍ତି ଅନୁସାରେ....
ସମ୍ବଲପୁର ବିଧାନସଭା ନିର୍ବାଚନ ମଣ୍ଡଳୀ ର ହୀରାକୁଦ ମଣ୍ଡଳ ର ସଭାପତି ଭାବରେ ଶ୍ରୀଯୁକ୍ତ ମନୋଜ କୁମାର ସ୍ୱାଇ ରେଙ୍ଗାଲି ବିଧାନସଭା ନିର୍ବାଚନ ମଣ୍ଡଳୀ ର ଲଇଡା ମଣ୍ଡଳ ର ସଭାପତି ଭାବରେ ଶ୍ରୀଯୁକ୍ତ ପ୍ରକାଶ ପୃଷ୍ଟି ରେଢ଼ାଖୋଲ ନିର୍ବାଚନ ମଣ୍ଡଳୀ ର  ରେଢ଼ାଖୋଲ ଏନ.ଏ.ସି ମଣ୍ଡଳ ର ସଭାପତି ଭାବରେ ଶ୍ରୀଯୁକ୍ତ ରାମନୁଜ ମହାପାତ୍ର ସେହିପରି ସନ୍ଥ କବି ଭୀମ ଭୋଇ ମଣ୍ଡଳ ର ସଭାପତି ଭାବରେ ଶ୍ରୀଯୁକ୍ତ ସରୋଜ କୁମାର ପ୍ରଧାନ ତଥା ଚାରମାଲ ମଣ୍ଡଳ ର ସଭାପତି ଭାବରେ ଶ୍ରୀଯୁକ୍ତ ଭାବଗ୍ରାହୀ ବାଗ ଏହା ସହିତ ପଡ଼ିଆବାହାଲ ମଣ୍ଡଳ ର ସଭାପତି ଭାବରେ ଶ୍ରୀଯୁକ୍ତ ବିନୋଦ ମେହେର ଓ ଶେଷରେ ଯୁଜୁମୁରା ମଣ୍ଡଳ ର ସଭାପତି ଭାବରେ ଶ୍ରୀଯୁକ୍ତ ପ୍ରକାଶ ବିଶ୍ୱାଳ ଙ୍କୁ ନିଯୁକ୍ତି ମିଳିଛି । 
          ସମ୍ବଲପୁର ସାଂସଦ ଶ୍ରୀଯୁକ୍ତ ନିତେଶ ଗଙ୍ଗଦେବ ପୂର୍ବତନ ମନ୍ତ୍ରୀ ତଥା ସମ୍ବଲପୁର ବିଧାୟକ ଶ୍ରୀଯୁକ୍ତ ଜୟ ନାରାୟଣ ମିଶ୍ର ଓ ରେଙ୍ଗାଲି ବିଧାୟକ ଶ୍ରୀଯୁକ୍ତ ନାଉରି ନାଏକ ନବ ନିଯୁକ୍ତ ମଣ୍ଡଳ ସଭାପତି ମାନଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣେଇବା ସଙ୍ଗେ ସଙ୍ଗେ ଏହି ସଭାପତି ମାନଙ୍କ ସାଙ୍ଗଠାନିକ ଦକ୍ଷତା, କାର୍ଯ୍ୟଶୈଳୀ ଓ ପରିଶ୍ରମ ଯୋଗୁଁ ଆଗାମୀ ଦିନରେ ଉକ୍ତ ମଣ୍ଡଳ ଗୁଡିକରେ ଓ ଜିଲ୍ଲାରେ ଦଳ ଆହୁରି ମଜଭୁତ ଓ ଚଳଚଞ୍ଚଳ ହେବ ବୋଲି କହିଛନ୍ତି ।