08-Aug-2024

ବିନିକା(ହିମାଂଶୁ ଶେଖର ପୁଟେଲ) ବିନିକା ବ୍ଲକ ଅନ୍ତର୍ଗତ ମହାଦେବପାଲି ରଘୁନାଥ ଯୁବକ ସଂଘ ଆନୁକୂଲ୍ୟରେ ପାଳିତ ହୋଇ ଆସୁଥିବା ମାଁ ଜଗତ ଜନନୀ ଦେବୀ ଦୁର୍ଗାଙ୍କ ୫୨ତମ ଶାରଦିୟ ପୂଜା ମହୋତ୍ସବର ସାଂସ୍କୃତିକ କାର୍ଯ୍ୟକ୍ରମ ରାବଣରାଜ ଏକ ପ୍ରସ୍ତୁତି ପର୍ବ ଅନୁଷ୍ଟିତ ହୋଇଥିଲା ।ଏଥିରେ ଚଲିତ ବର୍ଷ କେଉଁ ଅଭିନେତା ରାବଣ ଭୂମିକା ନିର୍ବାହ କରିବେ ସେନେଇ ଆଲୋଚନା ପର୍ଯ୍ଯାଲୋଚନା ପରେ  ଦୁର୍ଗାପୂଜା କୋର କମିଟିର ପ୍ରସ୍ତାବିତ ଅଭିନେତା ପ୍ରଥମ ପସନ୍ଦ ଥିଲେ ବିଶ୍ବ ପ୍ରସିଦ୍ଧ ବରଗଡ ଧନୁଯାତ୍ରାର ଅଦ୍ବିତୀୟ କଳାକାର ହୃଷିକେଶ ଭୋଇ ଏବଂ ତଦନୁସାରେ ଅଭିନେତାଙ୍କ ସହ କୋର କମିଟିର ଯୋଗାଯୋଗ ପରେ ହୃଷିକେଶ ଭୋଇ ମହାଦେବପାଲିରେ ପହଞ୍ଚିଥିଲେ। ରଘୁନାଥଯୁବକ ସଂଘ ସଭାପତି ପବିତ୍ର ମୋହନ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ କୋର କମିଟି ସଭାପତି ଅଶ୍ବିନି କୁମାର ନାୟକ,ସଂପାଦକ ବିଜୟ କୁମାର ନାୟକ,ସଂଗ୍ରାମ କେଶରୀ ନାୟକ,ବ୍ରହ୍ମାନନ୍ଦ ପୂଜାହାରୀ,ଶ୍ରୀକାନ୍ତ ନାୟକ, ଭଗିରଥି ବଗର୍ତ୍ତୀ,ଅଟଳ ପଟ୍ଟନାୟକ,ସୁଶାନ୍ତ ନାୟକ, ସୁଶାନ୍ତ କାଣ୍ଡ ପ୍ରମୁଖଙ୍କ ଉପସ୍ଥିତିରେ ଚଳିତ ବର୍ଷ ଦୁର୍ଗାପୂଜା ଅବସରରେ ଅନୁଷ୍ଟିତ ରାବଣରାଜ ମହୋତ୍ସବରେ ଅଭିନୟ ନେଇ ଶ୍ରୀ ଭୋଇ ଓ ତାଙ୍କ ଦଳ ସ୍ବୀକୃତି ପ୍ରଦାନ କରିଥିଲେ । ଶେଷରେ ସଂଗ୍ରାମ କେଶରୀ ନାୟକ ଧନ୍ଯବାଦ୍ ଅର୍ପଣ କରିଥିଲେ । ଦ୍ଵିତୀୟ  ପର୍ଯ୍ୟାୟରେ  ମାଁ ଦୁର୍ଗାଙ୍କ ପୂଜା ମହୋତ୍ସବରେ ଶ୍ରୀ ଭୋଇ ଯୋଗଦେଇ ଦିବ୍ୟ ଆଳତି ଦର୍ଶନ କରିଥିଲେ ।ପରେ  କୋର କମିଟି ସଦସ୍ୟ ମାନଙ୍କ ଦ୍ଵାରା ଶ୍ରୀ ଭୋଇ ତଥା ସାଥି ଅଭିନେତା ମାନଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। ପୂଜା କାର୍ଯ୍ଯରେ ଶ୍ରୀନିବାସ ପୂଜାହାରୀ ପୂଜା କାର୍ଯ୍ଯ ସଂପାଦନ କରିଥିଲେ ।