-+91-9937148622 |
prerana_bgr@rediffmail.com |
Thursday 14th May 2026 |
R.N.I. Regd No. ODIODI/2010/46693
Breaking News
07-Aug-2024
ବରଗଡ଼(ନିରଞ୍ଜନ ତ୍ରିପାଠୀ)-ଅଗଷ୍ଟ ସାତ ତାରିଖକୁ ଜାତୀୟ ହସ୍ତତନ୍ତ ଦିବସ ଭାବରେ ପାଳନ କରାଯାଏ । ଏହି ଅବସରରେ କୁନୀ କୁନୀ ଛାତ୍ର ଛାତ୍ରୀଙ୍କୁ ହସ୍ତତନ୍ତ ବିଷୟରେ ଧାରଣା ଦେବା ପାଇଁ ହସ୍ତତନ୍ତ ପରିବାରକୁ ପରିଦର୍ଶନ କାର୍ଯ୍ୟକ୍ରମ କରା ଯାଇଥିଲା । ସୋହେଲା ବ୍ଲକ ଅନ୍ତର୍ଗତ କନଗାଁ କ୍ଲଷ୍ଟରର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ବେହେରାପାଲିର କୁନୀ କୁନୀ ଛାତ୍ର ଛାତ୍ରୀଙ୍କୁ ନିକଟସ୍ଥ ଏକ ବୁଣାକାର ପରିବାରକୁ ନିଆ ଯାଇଥିଲା । ସେଠାରେ ଛାତ୍ର ଛାତ୍ରୀ ମାନେ ସୁତା ରୁ କିପରି ବସ୍ତ୍ର ତିଆରି ହେଉଛି ତାହାର ପ୍ରତ୍ଯକ୍ଷ ପର୍ଯ୍ଯବେକ୍ଷଣ କରିଥିଲେ । ବୁଣାକାର ଧନେଶ୍ଵର ମେହେର ଏବଂ ତାଙ୍କ ସ୍ତ୍ରୀ ଛାତ୍ର ଛାତ୍ରୀଙ୍କୁ କପଡ଼ା ବୁଣାର ବିଭିନ୍ନ ଧାରଣା ଦେଇଥିଲେ । ପ୍ରଧାନ ଶିକ୍ଷୟିତ୍ରୀ ବିଜୟା ମଗ୍ରୀ,ଶିକ୍ଷକ ପ୍ରଦୀପ କୁମାର ସାହୁ , ଦେବକୀ ତାଣ୍ଡି, ବୃନ୍ଦାବତୀ ମେହେର, ଜତୀନ୍ଦ୍ର ସାହୁ ପ୍ରମୁଖ ଉପସ୍ଥିତ ଥିଲେ । କନଗାଁ ସି ଆର ସି ସି କେଦାରନାଥ ସାହୁ ଜାତୀୟ ହସ୍ତତନ୍ତ ଦିବସ ବିଷୟରେ ଛାତ୍ର ଛାତ୍ରୀଙ୍କୁ ମାର୍ଗଦର୍ଶନ କରିଥିଲେ ।