07-Aug-2024

ବରଗଡ଼/ପାଇକମାଲ(ନିରଞ୍ଜନ ତ୍ରିପାଠୀ) ବରଗଡ଼ ଜିଲ୍ଲା ପାଇକମାଲ ବ୍ଲକ ଅନ୍ତର୍ଗତ ମିଠାପାଲି ଅଙ୍ଗନବାଡି କେନ୍ଦ୍ର ଠାରେ ଯକ୍ଷ୍ମା ନିରାକରଣ ଓ ଟିବି ହାରିବ ଓ ଦେଶ ଜିତିବ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ସିଏଚଓ ପ୍ରେମ ଚାନ୍ଦ ନାୟକଙ୍କ ନେତୃତ୍ବରେ ଏକ ସଭାର ଆୟୋଜନ କରାଯାଇଥିଲା। ଏହି ସଭାରେ କିପରି ଯକ୍ଷ୍ମା ନିରାକରଣ ଓ ଟିବି ହାରିବ ଦେଶ ଜିତିବ ଉପରେ ସଚେତନା କରିଥିଲେ ।  ଏହାର ନିରାକରଣ ଓ ସଚେତନା ଓ ନିୟମିତ ଔଷଧ ସେବନରେ ହିଁ ସମ୍ଭବ ବୋଲି ଉପସ୍ଥିତ ଜନସାଧାରଣଙ୍କୁ ବିଷଦ ଭାବେ ବୁଝାଇଥିଲେ ଓ ମିଠାପାଲି ଗ୍ରାମ ପରିକ୍ରମା କରି ଘରକୁ ଘର ଯାଇ ମାଁ ଭଉଣୀ ତଥା ଘରର ମୁରବୀ ମାନଙ୍କୁ ବୁଝାଇଥିଲେ । ଏହାଦ୍ୱାରା ମିଠାପାଲି ଗ୍ରାମପଞ୍ଚାୟତରେ ଯାଉଥିବା ଡୁଙ୍ଗୁରିପାଲି, କଟଙ୍ଗପାଲି ବୁଟୁରାଖମା,ବିକ୍ରମନଗର, ଲଉଡମାଲ,ମାନଭଙ୍ଗ,ଆଦି ଗ୍ରାମରେ ସଚେତନାର ବାର୍ତ୍ତା ପ୍ରଦାନ କରିଥିଲେ। ଏହି କାର୍ଯ୍ୟକ୍ରମରେ ମିଠାପାଲି ସ୍ୱାସ୍ଥ୍ୟ ଉପକେନ୍ଦ୍ରର ମହିଳା ସ୍ୱାସ୍ଥ୍ୟ କର୍ମୀ ଜାମିନୀ ବେହେରା ତଥା ଆଶାକର୍ମୀ ଋକ୍ମଣୀ ଚାନ୍ଦ, ଅଙ୍ଗନବାଡି କର୍ମୀ ନିମାଦ୍ରୀ ଚାନ୍ଦ ସହଯୋଗ କରିଥିଲେ।