06-Aug-2024

ସୋନପୁର (ମନୋରଞ୍ଜନ ତ୍ରିପାଠୀ): ସୋନପୁର ସିଜିଏମ କୋର୍ଟ ର ସିନିୟର୍ ଟାଇପିଷ୍ଟ ଜୟପ୍ରକାଶ ମିଶ୍ରଙ୍କ ଆଜି ରାତି ୨.୩୦ ମି ରେ ୫୨ ବର୍ଷ ବୟସରେ ଦେହାନ୍ତ ଘଟିଛି l ଏ ଖବର ପ୍ରସାରିତ ହେବା ପରେ ସକାଳେ ସୋନପୁର ସହରରେ ଶୋକର ଛାୟା ଖେଳି ଯାଇଥିବା ବେଳେ ଜିଲ୍ଲାପାଳ ବାସଭବନ ନିକଟ ଚାରିଛକରେ ଥିବା ଶ୍ରୀ ମିଶ୍ରଙ୍କ ବାସଭବନ ଆଗରେ ଶେଷ ଦର୍ଶନ ପାଇଁ ଆଜି ସକାଳେ ବର୍ଷା ସତ୍ତ୍ୱେ ଜୁଡ଼ିସିଆଲ କର୍ମଚାରୀ, ଓକିଲ, ସ୍ୱେଚ୍ଛାସେବୀ, ସମ୍ପର୍କୀୟ ଓ ଶୁଭେଛୁଙ୍କ ଭିଡ଼ ଲାଗି ରହିଥିଲା l ମୃତ୍ୟୁଶଯ୍ୟା ନିକଟରେ ଶ୍ରୀ ମିଶ୍ରଙ୍କ ବଡବାପାଙ୍କ ପରିବାର, ବାପା ଅନନ୍ତରାମ୍ ମିଶ୍ର, କାକା ଚିତ୍ତରଞ୍ଜନ, ମାଆ, ଖୁଡି, ସହଧର୍ମିଣି ଆନନ୍ଦିନୀ, ଭାଈ ଦୀପ୍ତି ରଞ୍ଜନ, ଦୁଇ ସାନ ବୋହୁ, ମାମୁଁ ଅଟଳ ମହାପାତ୍ର, ଝିଅ ସୁନନ୍ଦା, ସମୃଦ୍ଧି ଓ ପୁତୁରା ବୈଭବଙ୍କ ସମେତ ଅନେକ ସଂପର୍କୀୟ ଉପସ୍ଥିତ ଥିଲେ l ଶ୍ରୀ ରାମେଶ୍ଵର ଶ୍ମଶାନଘାଟରେ ଶ୍ରୀ ମିଶ୍ରଙ୍କ ଅନ୍ତିମ ସଂସ୍କାର କରଯାଇଥିବା ବେଳେ ବଡ ଝିଅ ସୁନନ୍ଦା ଓ ପୁତୁରା ବୈଭବ ଉଭୟେ ମୁଖାଗ୍ନି ଦେଇଥିଲେ l  ଜୁଡ଼ିସିଆଲ କର୍ମଚାରୀ, ଓକିଲ, ସ୍ବଚ୍ଛ ଭାରତ କର୍ମକର୍ତ୍ତା, ଲାଲ୍ ମନି କ୍ରିକେଟ କ୍ଳବ୍ ର ଅନେକ ସଦସ୍ୟଙ୍କ ସମେତ ସହରର ବହୁ ବୁଦ୍ଧିଜୀବୀ ମାନ୍ୟଗଣ୍ୟ ବ୍ୟକ୍ତି ଶ୍ମଶାନଘାଟରେ ଶବ ସଂସ୍କାର କାର୍ଯ୍ଯରେ ଉପସ୍ଥିତ ଥିଲେ l