06-Aug-2024

ବଲାଙ୍ଗୀର, (ପ୍ରେରଣା ଖବର )
-ସବୁବର୍ଷ ଭଳି ଚଳିତବର୍ଷ ମଧ୍ୟ ଭାଦ୍ରବ ଶୁକ୍ଲ ପଞ୍ଚମୀ ତିଥିରେ ପଶ୍ଚିମ ଓଡିଶାରେ ନୂଆଖାଇ ପାଇଁ ଲଗ୍ନଧାର୍ଯ୍ୟ କରାଯାଇଛି । ଆଜି ଏନେଇ ବଲାଙ୍ଗୀର ଶୈଳଶ୍ରୀ ପ୍ୟାଲେସର ପାଟଣାମହାରାଜାଙ୍କ ହାଉସହୋଲ୍ଡ ଅଫିସରୁ ଏହା ଘୋଷଣା କରାଯାଇଛି । ଚିରାଚରିତ ପ୍ରଥାନୁଯାୟୀ ସମଗ୍ର ବଲାଙ୍ଗୀର ଜିଲ୍ଲାର ଜ୍ୟୋତିଷ ପଣ୍ଡିତମହାସଭାର ନବାହ୍ନ ଲଗ୍ନ ନିର୍ଣ୍ଣାୟକକମିଟିର ସିଦ୍ଧାନ୍ତକ୍ରମେ ପୂର୍ବତନ ପାଟଣାମହାରାଜାଙ୍କ ଇଷ୍ଟଦେବୀ ଶ୍ରୀ ଶ୍ରୀ ପାଟଣେଶ୍ୱରୀ ଓ ସମଲେଶ୍ୱରୀଙ୍କ ରାଶିନକ୍ଷତ୍ର ଏବଂ ପୂର୍ବ ପରମ୍ପରା ଅନୁଯାୟୀ ଚଳିତବର୍ଷ ଭାଦ୍ରବ ଶୁକ୍ଲପକ୍ଷ ପଞ୍ଚମୀତିଥି ସେପଟେମ୍ବର ୮ ତାରିଖରେ ରବିବାର ବିଶୁଦ୍ଧ ତୁଳାଲଗ୍ନରେ ନୂଆଖାଇ ପର୍ବକୁ ପାଳନ କରାଯିବ ବୋଲି ଘୋଷଣା କରାଯାଇଛି । ସେହିଦିନ ସକାଳ ଘ.୯.୩୫ ମି.ରୁ  ଘ.୧୦.୭ମି ମଧ୍ୟେ ଏହି ଲଗ୍ନ ରହିଛି । ପ୍ରକାଶ ଯେ,ମହାରାଜାଙ୍କ ଏହି କାର୍ଯ୍ୟାଳୟରୁ ନୂଆଖାଈ ଲଗ୍ନଧାର୍ଯ୍ୟ କରାଗଲା ପରେ ଲୋକମାନେ ନୂଆଖାଈ ପର୍ବ ପାଇଁ ପ୍ରସ୍ତୁତ ହୋଇଥାନ୍ତି । ଘରଗୁଡିକୁ ଲିପାପୋଚ୍ଛା ସହ ସଫାସୁତୁରା କରି ମହିଳାମାନେ ପ୍ରସ୍ତୁତି ଆରମ୍ଭ କରିଥାନ୍ତି ।