04-Aug-2024

ବରଗଡ଼(ନିରଞ୍ଜନ ତ୍ରିପାଠୀ)- ଗାଁ ମାଟିରୁ ବାହାରେ ରହି ସାହିତ୍ୟ ସଂସ୍କୃତି ଦିଗରେ କାମ କରୁଥିବା ସଂସ୍କୃତିପ୍ରେମୀ ମାନେ ଏକତ୍ରିତ ହୋଇ ପରବାସୀ କୁଟୁମ ପକ୍ଷରୁ ଆସନ୍ତା ସେପ୍ଟେମ୍ବର ୯ ତାରିଖ ଦିନ  ପରବାସୀ କୁଟୁମ ଓ ପଡ଼ା ଗ୍ରାମବାସୀଙ୍କ ମିଳିତ ଉଦ୍ୟମରେ ପଡ଼ା ଗ୍ରାମରେ ମହାସମାରୋହରେ ନୁଆଁଖାଇ ଭେଟ ପାଳିତ ହେବାର କାର୍ଯ୍ୟକ୍ରମ ରହିଛି l ଏଥିରେ ପଶ୍ଚିମ ଓଡ଼ିଶାର ବିଭିନ୍ନ ଜିଲ୍ଲରୁ ଶତାଧିକ ସାହିତ୍ୟ ଓ ସଂସ୍କୃତି ପ୍ରେମୀ ଯୋଗ ଦେବାର କାର୍ଯ୍ୟକ୍ରମ ରହିଛି l ଏହି ସମାରୋହରେ  ପରବାସୀ କୁଟୁମ ପକ୍ଷରୁ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ପରବାସୀ ସାହିତ୍ୟ ସମ୍ମାନରେ ବରଗଡ଼ର ପୂର୍ଣ୍ଣଚନ୍ଦ୍ର ସାହୁ, ନୂଆପଡାର ରଜତ କୁମାର ପାଣିଗ୍ରାହୀ ପ୍ରରବାସୀ ଯୁବ ପ୍ରତିଭା ସମ୍ମାନ ଓ ପରବାସୀ ସଂସ୍କୃତି ସମ୍ମାନରେ ନିସାର ଅହମ୍ମଦ ନିସାର, ବଲାଙ୍ଗୀରଙ୍କୁ ସମ୍ମାନୀତ କରିବାର କାର୍ଯ୍ୟକ୍ରମ ରହିଛି l ଏହି ଅବସରରେ ହେବାକୁ ଥିବା ଆଲୋଚନାଚକ୍ରରେ ଆଲୋଚକ ଭାବରେ ଯୋଗଦେବେ କବି ଓ ଲେଖକ ଆନନ୍ଦ ଚନ୍ଦ୍ର ସାହୁ ଏବଂ ଆଇ ଆଇ ଏମ ର ପ୍ରଫେସର ସୁଜିତ କୁମାର ପୃଷେଠ୍ l କାର୍ଯ୍ୟକ୍ରମର ସଫଳତା ପାଇଁ ବ୍ୟାପକ ପ୍ରସ୍ତୁତି ଚାଲିଛି ଏବଂ ଏହି କାର୍ଯ୍ୟକ୍ରମରେ ସାହିତ୍ୟ ସଂସ୍କୃତିପ୍ରେମୀ ମାନେ ଯୋଗଦାନ କରିବାକୁ ଅନୁଷ୍ଠାନର ସଭାପତି କପିଳେଶ୍ୱର ଖମାରୀ, ଉପସଭାପତି ସଂଗୀତା ପଣ୍ଡା ଷଡ଼ଙ୍ଗୀ, ସମ୍ପାଦକ ସଚ୍ଚିଦାନନ୍ଦ ପଧାନ, ସହ ସମ୍ପାଦକ ମାନିନୀ ମେହେର, ସଂଯୋଜକ ଉମାକାନ୍ତ ଭୋଇ, ବରିଷ୍ଠ ସଦସ୍ୟ ସୁଶାନ୍ତ କୁମାର ମିଶ୍ର, ମୋହନ ସିଂ କହ୍ନେଇ, ମହେନ୍ଦ୍ର ପଟେଲ, ରଞ୍ଜିତ ପଧାନ, ବୃନ୍ଦାବନ ସାହୁ, ଓଜସ୍ୱିନୀ ମାହାର, ଆରତୀ ସାହୁ, ଦେବାଶିଷ ମେହେର, ଶେଷଦେବ ମେହେର,ସୁରଜ ସାହୁ,ଆଶୁତୋଷ ମେହେର, ମନୀଷ କୁମାର ରଥ,ଆଶୁତୋଷ ମହାପାତ୍ର,ତୁଳସୀରାମ ମେହେର, ଯୁବରାଜ କୁଦେଇ ଓ ସମସ୍ତ ସଦସ୍ୟ ଅନୁରୋଧ କରିଛନ୍ତି l