28-Jul-2024

ହରଭଙ୍ଗା(ଦେବବ୍ରତ ଦାଶ ଙ୍କ ରିପୋର୍ଟ):- ବୌଦ୍ଧର ମହାନଦୀ ଆଳତି ଘାଟକୁ ପ୍ରତ୍ୟେକ ଦିନ ଶହଶହ ପର୍ଯ୍ୟଟକ ଓ ଭକ୍ତ ପରିଦର୍ଶନରେ ଆସୁଥିବା ବେଳେ ସେମାନଙ୍କୁ ଆକୃଷ୍ଟ କରିବା ପାଇଁ କୌଣସି ଯୋଜନା କାର୍ଯ୍ୟକାରୀ ହାତକୁ ନିଆଯାଇ ନାହିଁ । ଶିଳ୍ପ ବିହୀନ ବୌଦ୍ଧଜିଲ୍ଲାର ମହାନଦୀ ଆଳତି ଘାଟକୁ ପର୍ଯ୍ୟଟନ ମାନ୍ୟତା ପ୍ରଦାନ କରିବା ପାଇଁ ଦାବୀ ହୋଇଛି । ରାଜ୍ୟ ଅତିଥି ଭବନରେ ସରକାରଙ୍କ ମୁଖ୍ୟ ସଚେତକ ତଥା ବୌଦ୍ଧ ବିଧାୟକ ସରୋଜ କୁମାର ପ୍ରଧାନଙ୍କୁ ଆଳତି ଘାଟର ଏକ ପ୍ରତିନିଧି ମଣ୍ଡଳ ସାକ୍ଷାତ କରିଛନ୍ତି । ଆଳତି ଘାଟର ଉନ୍ନତି ପାଇଁ ଜଳ ସମ୍ପଦ, ପର୍ଯ୍ୟଟନ, ନଗର ଉନ୍ନୟନ ଓ ପୂର୍ତ୍ତ ବିଭାଗ ମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବୀପତ୍ର ପ୍ରଦାନ କରିଥିଲେ । ଆଳତି ଘାଟପାଇଁ ଏକ ଡି.ପି.ଆର. ତିଆରି କରିବା ସହିତ ବୃହତ୍ ମାଷ୍ଟର ପ୍ଲାନ୍ ପ୍ରସ୍ତୁତ କରିବା ପାଇଁ ପୂର୍ବତନ ଜିଲ୍ଲାପାଳ ତଥା ମହାନଦୀ ଆଳତି ଘାଟର ପୃଷ୍ଠପୋଷକ ସଦସ୍ୟ ସତ୍ୟ ରଞ୍ଜନ ସାହୁ ଆଲୋଚନାରେ ଅଂଶଗ୍ରହଣ କରି ପ୍ରସ୍ତାବ ଦେଇଥିଲେ । ମହାନଦୀ କୂଳରେ ଅସ୍ଥାୟୀ ବସବାସ କରୁଥିବା ପରିବାରଙ୍କୁ ଜାଗାମିଶନ ରେ ସମସ୍ତ ସୁବିଧା ଯୋଗାଇ ଦେବାକୁ ଦାବୀ କରାଯାଇଛି । ପ୍ରଥମ ସପ୍ତାହରେ ସବୁ ବିଭାଗ ସହିତ ସମୀକ୍ଷା ବୈଠକ ଡାକି କାର୍ଯ୍ୟକୁ ଅଗ୍ରଗତି ଦେବାପାଇଁ ବିଧାୟକ ପ୍ରକାଶ କରିଥିବା କମିଟି ପକ୍ଷରୁ ସୂଚନା ଦିଆଯାଇଛି । ପ୍ରତିନିଧି ମଣ୍ଡଳୀରେ ଟୁନୁରାମ ଅଗ୍ରୱାଲା, ଦେବାଶିଷ ପୁରୋହିତ, ମିନୁପ୍ରସାଦ ମିଶ୍ର, ସୂର୍ଜ୍ୟେନ୍ଦ୍ର  ଶତପଥି ପ୍ରମୁଖ ଯୋଗଦାନ ଥିଲେ ।