27-Jul-2024

ତରଭା(କପିଳାସ ସେଠ) ତରଭା ସରକାରୀ ବାଳକ ହାଇସ୍କୁଲ ଖେଳ ପଡିଆ ରେ ପଡିଥିବା ଆବର୍ଜନା ସଫାକରା ଯାଉ ନଥିବାରୁ ଖେଳାଳି ଓ ସାଧାରଣ ରେ ଅସନ୍ତୋଷ ବୃଦ୍ଧି ପାଉଛି   I  ତରଭା ରଥଯାତ୍ରା ଓ ବାହୁଡ଼ାଯାତ୍ରାକୁ ଆକର୍ଷଣ କରିବା ଓ  ଜନସାଧାରଣ ଙ୍କ ମନୋରଞ୍ଜନ ସକାଶେ ଏକ ମିନା ବଜାର ତରଭା ସରକାରୀ ବାଳକ ହାଇସ୍କୁଲ ଖେଳ ପଡିଆ ଠାରେ ଲାଗିଥିଲା  । ପ୍ରତ୍ଯହ ହଜାର ହଜାର ଲୋକ ଯାତ୍ରା ଦେଖିବା  ସହିତ ମିନା ବଜାର ର ମଜା ନେଇଥିଲେ। ଏହି ମିନା ବଜାର ରେ ଅନେକ ଷ୍ଟଲ ଗୁଡିକ ରେ ବିଭିନ୍ନ ଖେଳନା ସାମଗ୍ରୀ, ବିଭିନ୍ନ ସୌଖିନ ଜିନିଷର ଦୋକାନ,ଫାଷ୍ଟ ଫୁଡ ସେଣ୍ଟର ଖୋଲିଥିବା ସହିତ ଅନେକ  ଜଳଖିଆ ଦୋକାନ ଖୋଲିଥିଲା । ଲୋକମାନେ ଜଳଖିଆ ଖାଇବା ପରେ ଦନା ଓଥରମୋକଳ  ପେପର ପ୍ଲେଟ ଗୁଡିକ କେତେକ ଲୋକ ଦୋକାନି ର ଡଷ୍ଟବିନ ରେ ପକାଇଥିବା ସହିତ ଆଉ କେତେକ ଲୋକ ଇତସ୍ତତଃ ଫୋପାଡି ଦେଇଥିଲେ। ଯାତ୍ରା ସରି ଅନେକ ଦିନ ହୋଇ ଗଲାଣି,ହେଲେ ଏନ୍ ଏ ସି କତୃପକ୍ଷ ପକ୍ଷରୁ  ପଡ଼ିଆରୁ ଅଳିଆ ସଫାଆଜି ପ୍ରୟନ୍ତ  କରିବାର ନାମ ଧରୁନାହାନ୍ତି । ଫଳରେ ଉକ୍ତ ଆବର୍ଜନା ଉପରେ ବର୍ଷାପାଣି ପଡି ଦୁର୍ଗନ୍ଧ ବାହାରି ପରିବେଶ ନଷ୍ଟ ହେବା ସହିତ ବାୟୁ ପ୍ରଦୂଷଣ ହେଉଛି।ପ୍ରତ୍ୟେକ ଦିନ ଏହି ଖେଳ ପଡିଆ ରେ ଖେଳାଳି ମାନେ ସକାଳ ସମୟରେ ଫୁଟବଲ ଖେଳୁ ଥିଲେ l ସାଧାରଣ ବ୍ୟକ୍ତି ସକାଳ ରେ ବୁଲାବୁଲି କରିଥାନ୍ତିI I    ମିନବଜାର ବସିବା ଦିନ ଠାରୁ ଫୁଟବଳ ଖେଳ ବନ୍ଦ ହୋଇଯାଇଛି l  ଯଥାଶୀଘ୍ର  ପଡ଼ିଆରୁ ସମସ୍ତ ଆବର୍ଜନା ସଫା କରାଯିବା ପାଇଁ  ଦାବୀ ହେଉଛି । ଏନ୍ ଏ ସି ପ୍ରଶାସନ ଏଥିପ୍ରତି ତୁରନ୍ତ ଦୃଷ୍ଟି ଦେଇ ପଡ଼ିଆ ସଫାକରିବା ପାଇଁ ବିଭିନ୍ନ ମହଲରୁ ଦାବୀ ହେଉଛି I