27-Jul-2024

ବୋଡ଼େନ (ରାମନାଥ ପଣ୍ଡା )
 ନୂଆପଡ଼ା ଜିଲ୍ଲା ବୋଡ଼େନ ବ୍ଲକରେ ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନମାନ ପରିବେଶର ସୁରକ୍ଷା ନିମିତ୍ତ ପୂର୍ବ ବର୍ଷ ତୁଳନାରେ ଚଳିତ ବର୍ଷରେ ବହୁ ସଂଖ୍ୟାରେ ଆମ୍ବ,ନିମ୍ବ,କାଜୁ(ଲଙ୍କା ଭେଲୁଆ),ପଣସ ପରି ବୃକ୍ଷର ଚାରା ରୋପଣ କରିଛନ୍ତି ।ସବୁଠି ବନ ବିଭାଗ ସହଯୋଗ କରିଆସିଛି ।ଖଇରା ପଞ୍ଚାୟତରେ ସମାଜର ହିତା କାଂକ୍ଷୀ ମାନେ ସମାଜ ଉପଯୋଗୀ ଅନେକ କାର୍ଯ୍ୟ କରିବା ଉଦାହରଣ ପାଲଟିଛି । ଆଜି ଖଇରା କେନ୍ଦ୍ର ଦଳ ସମାଜ ପକ୍ଷରୁ ନୃସିଂହପୀଠ ଠାରେ ବିଭିନ୍ନ ପ୍ରକାରର ଫଳ ଓ ଔଷଧୀୟ
ବୃକ୍ଷ ଚାରା ରୋପଣ କରାଯାଇଥିଲା। ଏହି ମହତ କାର୍ଯ୍ୟକ୍ରମରେ ଖଇରା ଗ୍ରାମପଞ୍ଚାୟତ ସରପଞ୍ଚ ଶ୍ରୀ କୈଳାଶଚନ୍ଦ୍ରଦଳ ଯୋଗଦେଇ କାର୍ଯ୍ୟକ୍ରମରେ ସହଯୋଗ କରିଥିଲେ। ସମାଜର ବୁଦ୍ଧିଜିବୀ ମାନେ ପ୍ରକାଶକରନ୍ତି ଯେ ବୃକ୍ଷ ରୋପଣ  ପରିବେଶ ସୁରକ୍ଷା ଓ ପୃଥିବୀର ଆୟୁଷ ବଢ଼ାଇବା ସହିତ ସମାଜକୁ ମୁକ୍ତଅମ୍ଳଜାନ ପ୍ରଦାନ କରିବାରେ ସହାୟକ ହେବ ବୋଲି ଦୃଢ଼ ଆଶା କରନ୍ତି। ଦଳ ସମାଜର ଏହି ଭଳି ପଦକ୍ଷେପ ଆଗାମୀ ପିଢ଼ିକୁ ପ୍ରେରଣା ଯୋଗାଇବ।