17-Jul-2024

ନୂଆପଡ଼ା  (ରାମନାଥ ପଣ୍ଡା )
ନୂଆପଡା ଜିଲ୍ଲା କୋମନା ବ୍ଲକ ପଞ୍ଚାୟତ ସମିତି ବୈଠକରେ ଯୋଗ ଦେଲେ କଳାହାଣ୍ଡି ସାଂସଦ ମାଳବିକା ସିଂ ଦେଓ l ଦିନ ୧୧ ଘଣ୍ଟା  ସମୟରେ ପ୍ରଥମେ କଳାହାଣ୍ଡି ସାଂସଦ କୋମନା ପଞ୍ଚାୟତ ଅଫିସରେ ପହଞ୍ଚିବାପରେ କୋମନା ବିଡ଼ିଓ ହିତାଂଶୁ ଶେଖର ସାମଲ ଏବଂ ସମସ୍ତ ବ୍ଲକ ଅଧିକାରୀ  ଫୁଲତୋଡ଼ା ଦେଇ ସ୍ୱାଗତ କରି ସଭାଗୃହକୁ ପାଛୋଟି ନେଇଥିଲେ l ଏହି ବୈଠକରେ ନୂଆପଡା ବିଧାୟକ ରାଜେନ୍ଦ୍ର ଢୋଲକିଆ, ବ୍ଲକ ଅଧକ୍ଷା ଅନୁସୟା କୁମ୍ଭାର, ଉପାଧ୍ୟକ୍ଷ ଜୟଦେବ ପ୍ରଧାନ ସମେତ କୋମନା ବ୍ଲକର ଶିକ୍ଷା ବିଭାଗ, ସ୍ୱାସ୍ଥ୍ୟ ବିଭାଗ, କୃଷି ବିଭାଗ,ଜଳ ଓ ପରିମଳ ବିଭାଗ ତଥା ଅନ୍ୟ ବିଭାଗର ଅଧିକାରୀ ମାନଙ୍କ ସହିତ ସମସ୍ତ ଗ୍ରାମପଞ୍ଚାୟତର ସରପଞ୍ଚ, ସମିତି ସଭ୍ୟ, ସଭ୍ୟା ଉପସ୍ଥିତ ରହିଥିଲେ l  ସମସ୍ତ ବିଭାଗୀୟ ଅଧିକାରୀମାନେ ସାଂସଦଙ୍କ ପାଖରେ ନିଜ ନିଜ ବିଭାଗର ପ୍ରତ୍ୟେକ ତଥ୍ୟ  ଉପସ୍ଥାପନ  କରିବା ଦୃଷ୍ଟିକୁ ଆସିଥିଲା ।ପଞ୍ଚାୟତ ସ୍ତରର ପ୍ରତ୍ୟେକ କାର୍ଯ୍ୟକୁ ସରପଂଚ ଦେଖା ରେଖା କରି ତଦାରଖ କଲେ କାମ ଗୁଡ଼ିକର ସଫଳ ରୂପାୟନ ହୋଇପାରିବ ବୋଲି  ସରପଂଚ ସଂଘ ସଭାପତି ମୃତ୍ୟୁଞ୍ଜୟ ପାଣିଗ୍ରାହୀ ଉପସ୍ଥାପନ କରିବା ସହିତ କିଛି ଅଭିଯୋଗ ଆଣିଥିଲେ ,  ଏହାକୁ ସମ୍ପୂର୍ଣ ଭୁଲ ବୋଲି ଖଣ୍ଡନ କରିଛନ୍ତି ବିଧାୟକ ଏବଂ ବିଡ଼ିଓ l ଏହି ବୈଠକରେ ପାନୀୟ ଜଳ, ସ୍ୱାସ୍ଥ୍ୟ, ଶିକ୍ଷା ଉପରେ ଜୋରଦାର ଗୁରୁତ୍ୱ ଦେଇ କାମ କରିବି ବୋଲି ସାଂସଦ ମତବ୍ୟକ୍ତ କରିଛନ୍ତି l