17-Jul-2024

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ର ଭର୍ ସୂଜା ଗ୍ରାମରେ ଆନନ୍ଦ ଉଲ୍ଲାସର ସହିତ ବାହୁଡା଼ ଯାତ୍ରା ସମ୍ପନ୍ନ ହୋଇ ଯାଇଛି । ଦୀର୍ଘ ନଅ ଦିନ ଧରି ମହାପ୍ରଭୁ ଶ୍ରୀ ଜଗନ୍ନାଥ ମାଉସୀ ମାଙ୍କ ଘରେ ଥିଲେ।ମାଉସୀ ଓ ମଉସା ଭାବେ ଗ୍ରାମର ସମାଜ ସେବୀ ତଥା ଏଗରୋ ଏରିଆ ମେନେଜର ଶ୍ରୀ ରାଜୀବ ଲୋଚନ ଭୋଇ ଓ ସହଧର୍ମିଣୀ କମଳିନୀ ଭୋଇ ଙ୍କ ଘରେ ପ୍ରଭୁ ଜଗନ୍ନାଥ ,ବଳଭଦ୍ର , ସୁଭଦ୍ରା ପୂଜା ପାଉଥିଲେ।ଦଶମୀ ଦିନ ସ୍ନାନ କରାଯାଇ ମଙ୍ଗଳ ଆରତୀ ଦେଇ ପୂଜା ରୀତି ନୀତି ଅନୁଯାୟୀ ସମସ୍ତ କାର୍ଯ ସମ୍ପନ୍ନ କରା ଯାଇଥିଲା।  ପୁରୀ ରୁ 56 ଭୋଗ ଅଣାଯାଇ ମହାପ୍ରଭୁ ଙ୍କୁ ଅର୍ପଣ କରାଯାଇ ଥିଲା । ସନ୍ଧ୍ୟା ରେ ମାଉସୀ ଘରୁ ପଣ୍ଡିତ ମାନଙ୍କ ରୀତି ନୀତି ଅନୁଯାୟୀ ସମସ୍ତ ନିତିକାନ୍ତି ଅନୁଷ୍ଠିତ ହୋଇଥିଲା। ଏ ସମସ୍ତ କାମରେ ଗ୍ରାମବାସୀ , ଛେଲିଆପାଟ ସଂଗଠନ ଓ ଭକ୍ତବୃନ୍ଦ ଙ୍କ ସହଯୋଗ ରେ ବନ୍ଧପଡା ରୁ ବସଷ୍ଟାଣ୍ଡ ଦେଇ ଗ୍ରାମ ପରିକ୍ରମା କରା ଯାଇ ଥିଲା ।ଏଥିରେ ଶଙ୍ଖୁଆ ଓ ପିପିଲି ପାଲି ଗ୍ରାମ ର କୀର୍ତ୍ତନ ଦଳ ଅଂଶ ଗ୍ରହଣ କରିଥିଲେ ।ଏହାପରେ ଗ୍ରାମ ମଧ୍ୟ ଭାଗରେ ଥିବା ଜଗନ୍ନାଥ ମନ୍ଦିର କୁ ରଥ ଟାଣି ନିଆଯାଇ ଥିଲା ।ଏହି ଅବସର ରେ କୁନି କୁନି ଛୋଟ ଶିଶୁ ଙ୍କୁ ରଥ ଛୁଆ ହୋଇ ଥିଲା ।ଗ୍ରାମ ର ଅଗସ୍ତି ପାତ୍ର, ମଦନା ପାତ୍ର , ଶାନ୍ତନୁ ପାତ୍ର , ରିନା ସାହୁ , ସୁଶ୍ରୀ ପାତ୍ର , ଓମ୍ ପାତ୍ର , ଗୌରବ ଭୋଇ ଙ୍କ ସହଯୋଗ ଥିବା ବେଳେ ଆଖ ପାଖ ଗ୍ରାମ ର ଭକ୍ତ,ଶ୍ରଦ୍ଧାଳୁ ଙ୍କ ଭିଡ଼ ଦେଖିବାକୁ ମିଳିଥିଲା। ପ୍ରବଳ ବର୍ଷା ସତ୍ବେ ଭକ୍ତମାନେ ପାଣି ରେ ଭିଜି ଭିଜି ରଥ ଟାନୁ ଥିବାର ଦେଖିବାକୁ ମିଳିଥିଲା। ମା ଛେଳିଆ ପାଟ ସଂଗଠନ ଓ ଜଗନ୍ନାଥ ମନ୍ଦିର କମିଟି ପକ୍ଷରୁ ଅନ୍ନ ପ୍ରାସାଦ ବଣ୍ଟନ ରେ ସହଯୋଗ କରିଥିଲେ ।ଗ୍ରାମ ର ପୂଜକ ମାନେ ପୂଜା ଅର୍ଚ୍ଚନା କରି ଥିଲେ ଓ ବାହୁଡା଼ ଯାତ୍ରା ରେ ସହଯୋଗ କରିଥିଲେ । ହରିବୋଲ, ଘଣ୍ଟ ଘଣ୍ଟା ଶବ୍ଦ ରେ ଗଗନ ପବନ ପ୍ରକମ୍ପିତ ହୋଇ ଉଠୁଥିଲା l