02-Jul-2024

ଡୁଙ୍ଗୁରିପାଲି, ତା ୨/୨୦୨୪: (ପ୍ରେରଣା ଖବର) ସ୍ଥାନୀୟ ବାଲୁଙ୍କେଶ୍ଵର ଆଦିବାସୀ ଉଚ୍ଚ ବିଦ୍ୟାଳୟ ସର୍ଗୁଲ ର ବରିଷ୍ଠ ଶିକ୍ଷକ ଶ୍ରୀଯୁକ୍ତ ଚୈତନ୍ଯ ମଲ୍ଲିକ ଚାକିରି ରୁ ଅବସର ନେଇଥିବା ରୁ ବିଦ୍ୟାଳୟର ପୁରାତନ ଛାତ୍ର ଛାତ୍ରୀ ତଥା ବିଦ୍ୟାଳୟ ତରଫରୁ ତାଙ୍କୁ ସମ୍ବର୍ଦ୍ଧିତ କରାଯାଇଛି।ପ୍ରଧାନଶିକ୍ଷକ କୃଷ୍ଣ ପ୍ରିୟା ସାହାଣୀ ଙ୍କ ସଭାପତିତ୍ବ ରେ ବିଦାୟ ସମ୍ବର୍ଦ୍ଧନା ସଭା ର ସମ୍ମାନିତ ଅତିଥି ଭାବେ ଯୋଗ ଦେଇ ଥିଲେ ସମିତି ସଭ୍ଯ  ପୁରନ୍ଦର ସାହୁ।ବିଦ୍ୟାଳୟ ପରିଚାଳନା କମିଟିର ସଭାପତି ସତ୍ଯନାରାୟଣ ସାହୁ,ଗଧାପାଲି ହାଇସ୍କୁଲ ର ପ୍ରଧାନ ଶିକ୍ଷକ ସଦାନନ୍ଦ ପଧାନ ମୁଖ୍ୟ ଅତିଥି ପ୍ରତିନିଧି ପ୍ରଶାନ୍ତ ପାଣ୍ଡେ ଯୋଗଦେଇ ବିଦ୍ୟାଳୟ ରେ ନିଃସ୍ବାର୍ଥ ଭାବେ  ସମର୍ପିତ ଦୀର୍ଘ 35 ବର୍ଷ କାଳ ଶିକ୍ଷାଦାନ କରି କେତେ ଭବିଷ୍ୟତ ଗଢିତୋଳିଛନ୍ତି  ତାହା ସୃତିଚାରଣ କରିଥିଲେ। ବିଭିନ୍ନ ବିଦ୍ଯାଳୟ ରୁ ଆସିଥିବା ଶିକ୍ଷକ ମାନେ ଶ୍ରୀଯୁକ୍ତ ଚୈତନ୍ଯ ମଲ୍ଲିକ ଙ୍କ ସେବା ମନୋଭାବ, ଆଦର୍ଶ ବିଷୟରେ ଆଲୋକପାତ କରିଥିଲେ।ସଭାରେ ଶତାଧିକ ପୁରାତନ ଛାତ୍ର ଛାତ୍ରୀ ଯୋଗ ଦେଇ  ସାର୍ ଙ୍କ ସୃତି ଚାରଣ କରିଥିଲେ। କାର୍ଯ୍ୟକ୍ରମ  କୁ ବିଦ୍ୟାଳୟର ସଂସ୍କୃତ ଶିକ୍ଷକ ନିମାଇଁ ଚରଣ ମଲ୍ଲିକ ଓ ପୁରାତନ ଛାତ୍ର ଚନ୍ଦ୍ର ମଣି ବାଘ ପରିଚାଳନା କରିଥିବା ବେଳେ ଛାତ୍ର  ଗଣ୍ଡାରାମ ମେହେର  ଧନ୍ଯବାଦ ଅର୍ପଣ କରିଥିଲେ।

ବିଦ୍ୟାଳୟର ଶିକ୍ଷକ ସୋମନାଥ ହାତୀ,ସୁନିଲ କୁମାର ସାହୁ,ପ୍ରଫୁଲ୍ଲ କୁମାର ସାହୁ,ଗୋପାଲ କୃଷ୍ଣ  ସାହୁ,ସନ୍ତୋଷ ମେହେର, ବଳଦେବ ସ୍ବାଇଁ,ଧନପତି ସାହୁ,ଯାଦବ ବେହେରା ପ୍ରମୁଖ ଉପସ୍ଥିତ ଥିଲେ ।ପୁରାତନ ଛାତ୍ର  ପ୍ରଫୁଲ୍ଲ ବାରିକ, କଳାକାହ୍ନୁ ରଣା,ଭୋଜରାଜ ରଣା,ଯୋଗେଶ ସାହୁ,ରଶ୍ମୀ ସାହୁ,ପ୍ରକାଶ ସାହୁ,ସହଯୋଗ କରିଥିଲେ। ଶେଷ ରେ ମଲ୍ଲିକ ସାର ଙ୍କୁ ଶୋଭାଯାତ୍ରାରେ ଗ୍ରାମ ପରିକ୍ରମା କରାଯାଇଥିଲା ।ଛାତ୍ର ଛାତ୍ରୀ ମାନେ ଉତ୍ସାହ ର ସହ ନୃତ୍ଯ ପରିବେଷଣ କରିଥିଲେ ।