23-Jun-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ପାଟଣାଗଡ଼ ଉପଖଣ୍ଡ ବେଲପଡା ବ୍ଳକରେ ଦୁର୍ନୀତି ସୀମା ଟପିଯାଉଛି । ବାରମ୍ବାର ଜନସାଧାରଣଙ୍କ ଅଭିଯୋଗ ପରେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ହେଉନଥିବା ଶୁଣିବାକୁ ମିଳୁଛି। ବ୍ଳକରେ ଯଦି ଜନଶୁଣାଣୀ ଶିବିର ଅନୁଷ୍ଠିତ ହେବ ତାହେଲେ ତାର ପ୍ରଚାର୍ ପ୍ରସାର କରାଯାଏନାହିଁ କାରଣ ନିଜ ଦୁର୍ନୀତି ପ୍ରସଙ୍ଗ ପଦାକୁ ଆସିଯିବ ବୋଲି ଯଦିଓ ସେଥିରେ ଅଭିଯୋଗ ପତ୍ର ଦାଖଲ ହୁଏ ତାହେଲେ ସମସ୍ତେ ମିଳିମିଶି ଘଟଣାକୁ ଚାପି ଦେଇଥାନ୍ତି। ସୂଚନା ଅନୁସାରେ ଗତ ତା.୨୧.୬.୨୪  ଶୁକ୍ରବାର ଦିନ ବେଲପଡା ବ୍ଳକ କାର୍ଯ୍ୟାଳୟ ଠାରେ ବ୍ଳକସ୍ତରୀୟ ଜନଶୁଣାଣୀ ଶିବିର ଅନୁଷ୍ଠିତ ହୋଇଥିଲା। ଏଥିରେ ଡେପୁଟି କଲେକ୍ଟର ନିରୂପମା ଟେଟେ, ବ୍ଳକ ଅଧ୍ୟକ୍ଷା କୁମାରୀ ଟିନା କୁମ୍ଭାର, ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର, ବିଡ଼ିଓ ରାଜେଶ କୁମାର ମେହେର, ଏବିଡିଓ ସାରଥି ସାହୁ,ଜି ପି ଇ ଓ ଦେବେନ୍ଦ୍ର ସାହୁ,ଏଇଇ ଭୁବନ ସିଂମାଝୀ,ଏପିଓ ସୁପ୍ରଭା ପୁଝାରୀ ପ୍ରମୁଖ ମଞ୍ଚାସୀନ ଥିବାବେଳେ ପ୍ରତ୍ୟୋକ ବ୍ଳକ କର୍ମଚାରୀ ଉପସ୍ଥିତ ଥିଲେ କିନ୍ତୁ ସାଧାରଣ ଜନତା ମାତ୍ର ୧୦ ରୁ ୧୫ ଜଣ ଉପସ୍ଥିତ ଥିଲେ। ମନରେଗା ଯୋଜନା କାର୍ଯ୍ୟ ଉପରେ ଲୋକଙ୍କୁ ବୁଝାଯାଇଥିବା ବେଳେ ମନରେଗା ଯୋଜନାରେ ହେରାଫେରି ବିଷୟରେ ମଧ୍ୟ ଆଲୋଚନା ହୋଇଥିଲା। ବେହେରାମୁଣ୍ଡାର ଶ୍ରମିକ ମାନେ ୧୪ମାସ ହେଲା କାମ କରି ପାଉଣା ନପାରିବାରୁ ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାରଙ୍କୁ ଅଭିଯୋଗ କରିଥିଲେ। ଏ ବିଷୟରେ ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର ଜି.ଆର.ଏସ୍ ସଞ୍ଜୟ ସାହୁଙ୍କୁ ତାଗିଦ୍ କରିଥିଲେ। ଉକ୍ତ ବିଷୟରେ ସୂଚନା ପାଇବା ପାଇଁ ଗଣମାଧ୍ୟମ ପ୍ରତିନିଧି ଶଶୀ ଶେଖର ରାଓ ଭିଡିଓ କରିବାକୁ ଚେଷ୍ଟା କରୁଥିବା ବେଳେ ସର୍ବସମ୍ମୁଖରେ ବିଡ଼ିଓ ରାଜେଶ କୁମାର ମେହେର ତାଙ୍କୁ ଦୁର୍ବ୍ୟବହାର ପ୍ରଦର୍ଶନ କଲେ। ଉକ୍ତ ଘଟଣାରେ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ କରାଯାଇଛି।ପରେ ବ୍ଳକରେ ହୋଇଥିବା ଦୁଇ ତିନି ଟି ଦୁର୍ନୀତି ବିଷୟରେ ଖବର ପ୍ରକାଶ କରାଯାଇଥିଲା। ସେଥିରେ ଉତକ୍ଷୀପ୍ତ ହୋଇ ବିଡିଓ ରାଜେଶ କୁମାର 

ମେହେର ଶନିବାର ଦିନ ରାତି ୧୦.୫୦ ରେ ଗଣମାଧ୍ୟମ ପ୍ରତିନିଧି ପୁର୍ଣ୍ଣ ଶଶୀ ଶେଖର ରାଓଙ୍କୁ ହ୍ବାଟସପ ଜରିଆରେ ମେସେଜ କରି ତମେ ମୋତେ ଟଙ୍କା ମାଗୁଛ ବୋଲି ମିଛ କାହାଣୀ କରି ଆଜି ଥାନାରେ ଏତଲା ଦେଇଛନ୍ତି ବୋଲି ଥାନା ଅଧିକାରୀ ଶୁଶାନ୍ତ କୁମାର ଦାଶ ଗଣମାଧ୍ୟମ ପ୍ରତିନିଧି ପୁର୍ଣ୍ଣ ଶଶୀ ଶେଖର ରାଓଙ୍କୁ ଫୋନ କରି ଜଣାଇଛନ୍ତି।ଏମିତିକି ଥାନା ବିରୋଧରେ ଗଣମାଧ୍ୟମ ପ୍ରତିନିଧି ପୁର୍ଣ୍ଣ ଶଶୀ ଶେଖର ରାଓ ଅନେକ ଗୁଡ଼ିଏ ଖବର ପ୍ରକାଶ କରିଥିବା ବେଳେ ଥାନା ଅଧିକାରୀ ମଧ୍ୟ ବିଡ଼ିଓ ଙ୍କ ସହିତ ମିଶି ମିଛ କେଶ୍ ରେ ଫସାଇବାକୁ ଚାହୁଁଛନ୍ତି। ଏଥିପ୍ରତି ବଲାଙ୍ଗିର ଜିଲ୍ଲା ପ୍ରଶାସନ ଧ୍ୟାନ ଗଣମାଧ୍ୟମ ପ୍ରତିନିଧି ପୁର୍ଣ୍ଣ ଶଶୀ ଶେଖର ରାଓ ଙ୍କୁ ଉଚିତ ନ୍ୟାୟ ପ୍ରଦାନ କରନ୍ତୁ ବୋଲି ଜନସାଧାରଣରେ ମତ ପ୍ରକାଶ ପାଉଛି।