23-Jun-2024

ବାଲାଙ୍ଗୀର(ପ୍ରେରଣା ଖବର ):ବଲାଙ୍ଗୀର ଜିଲ୍ଲା ଲୋୟର ସୁକତେଲ ପ୍ରକଲ୍ପରେ ବିସ୍ଥାପିତ ହୋଇଥିବା ଜଣେ ମହିଳା ତାଙ୍କ ନିଜର ଜଣେ ସମ୍ପର୍କିୟଙ୍କ ଦ୍ୱାରା ଠକେଇର ଶୀକାର ହୋଇଥିବା ଜଣାପଡିଛି । ମହିଲା ଜଣକ ନିରକ୍ଷର ହୋଇ ଥିବାରୁ ଏହାର ଫାଇଦା ନେଇ ତାଙ୍କର ଜଣେ ସମ୍ପର୍କିୟ ମହିଳାଙ୍କ ଅଜାଣତରେ ମହିଳାଙ୍କ ବ୍ୟାଙ୍କ ଆକାଉଣ୍ଟରୁ ୫ଲକ୍ଷ ଉଠାଇନେଇଥିବା ଅଭିଯୋଗ ଥିଲା । ବଲାଙ୍ଗୀର ସାଇବର ପୋଲିସ ଏହାର ତଦନ୍ତ କରି ଉକ୍ତ ଠକକୁ ଧରିବାରେ ସଫଳ ହୋଇଛି । ଠିକେଇର ଶୀକାର ହୋଇଥିବା ମହିଳା ଜଣକ ବଡତେଲେନପାଲି ଗାଁର ସ୍ୱର୍ଗତ ବୀରତିଆ ଧରୁଆଙ୍କ ପତ୍ନୀ ପୂର୍ଣ୍ଣା ଧରୁଆ । ଲୋୟର ସୁକତେଲ ବିସ୍ଥାପନ ଓ ଥଇଥାନ ଟଙ୍କା ପାଇବାକୁ ଚୁଡାପାଲି  ଷ୍ଟେଟବ୍ୟାଙ୍କ ଶାଖାରେ ଏକ ଆକାଉଣ୍ଟ ଖୋଲିଥିଲେ । ସେହି ଆକାଉଣ୍ଟରେ କିନ୍ତୁ ତାଙ୍କର ଜଣେ ସମ୍ପର୍କିୟ ଚିତ୍ତରଂଜନ ଧରୁଆଙ୍କ ମୋବାଇଲ ନମ୍ବର ଏଟେଚ ହୋଇଥିଲା । ଏହାର ସୁଯୋଗ ନେଇ ଚିତ୍ତରଂଜନ କୌଶଳ କରି ସେହି ଆକଉଣ୍ଟରୁ ଅନ୍ୟ ଜଣେ ମହିଳାଙ୍କ ଟିପଚିହ୍ନ ନେଇ ୫ଲକ୍ଷ ଟଙ୍କା ଉଠାଇ ନେଇଥିଲେ । ପରେ ପୂର୍ଣ୍ଣା ଚୁଡାପାଲି ବ୍ୟାଙ୍କରୁ ତାଙ୍କ ଅଜାଣତରେ ଟଙ୍କା ଉଠାଇ ନେଇଯାଇଥିବା ଜାଣିଲା ପରେ ଥାନାରେ ଏକ ଏତଲା ଦେଇଥିଲେ । ବଲାଙ୍ଗୀର ଏସପି ଋଷିକେଶ ଖିଲାରୀଙ୍କ ନିର୍ଦ୍ଦେଶରେ ସାଇବର ଥାନାର ଅବିନାଶ ନାଏକ ଓ ତାଙ୍କ ଟିମ ତଦନ୍ତ କରି ଅଭିଯୁକ୍ତ ଚିତ୍ତରଂଜନ ଟଙ୍କା ଉଠାଇଥିବା ଜାଣିବାକୁ ପାଇଥିଲେ ଓ ତାକୁ ଧରିବାରେ ସଫଳ ହୋଇଥିଲେ । ଅଭିଯୁକ୍ତ ଚିତ୍ତରଂଜନ ବାନ୍ଧେନବାଡି ଗାଁର ଓ ସେ ବଲାଙ୍ଗୀର ସୁଦପଡାରେ ରହୁଛି । ତାଙ୍କଠାରୁ ଗୋଟିଏ ୟାମାହା ଗାଡି, ଦୁଇଟି ମୋବାଇଲ,ଦୁଇଟି ସିମକାର୍ଡ,ସାଜଦ ଖାନ ନାମରେ ଏକ ଜାଲ ଆଧାରକାର୍ଡ ଜବତ କରାଯାଇ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ବୋଲି ଏସଡିପିଓ ପ୍ରଦୀପ ସାହୁ କହିଛନ୍ତି ।