19-Jun-2024

ଭୁବନେଶ୍ବର(ପ୍ରେରଣା ଖବର): ଆଜି "ଷ୍ଟେଟ ୟୁନିଅନ ଅଫ୍ ଜର୍ନାଲିଷ୍ଟସ (ଏସୟୁଜେ) ଓଡ଼ିଶା" ର କର୍ମକର୍ତ୍ତା ଓ ବରିଷ୍ଠ ସଭ୍ୟ ମାନଙ୍କ ବୈଠକ ଭୁବନେଶ୍ୱର ସ୍ଥିତ ଗୋଦାବରୀଶ ସାହିତ୍ୟ ସଂସଦ ସଭାଗୃହରେ ରାଜ୍ୟ ସଭାପତି କୈଳାଶ ଚନ୍ଦ୍ର ନାୟକଙ୍କ ଅଧ୍ୟକ୍ଷତା କ୍ରମେ ଅନୁଷ୍ଠିତ ହୋଇଯାଇଛି।ସାଧାରଣ ସମ୍ପାଦକ ପ୍ରଶାନ୍ତ କୁମାର ପାଢୀ ସ୍ଵାଗତ ସୂଚନା ପ୍ରଦାନ ଓ ପୂର୍ବ ବୈଠକର ବିବରଣୀ ପାଠ କରିଥିଲେ। କଲ୍ୟାଣ ପାଣ୍ଠି ଅଧ୍ୟକ୍ଷ ଗଗନ ବିହାରୀ ସାହୁ, ବରିଷ୍ଠ ସଭ୍ୟ ସନ୍ତୋଷ କୁମାର ମିଶ୍ର, ରାଜ୍ୟ ଉପସଭାପତି ବାସୁଦେବ ତ୍ରିପାଠୀ, ରାଧାଶ୍ୟାମ ପ୍ରଧାନ, କୀର୍ତ୍ତିଚନ୍ଦ୍ର ସାହୁ, ସମରେଶ ମିଶ୍ର, ଯୋଗାଯୋଗ କାର୍ଯ୍ୟନିର୍ବାହୀ ଶଶୀଭୂଷଣ ଷଡଙ୍ଗୀ, ଜାତୀୟ 

ସମ୍ପାଦକ ବବୁଲ ସିଂ, କାର୍ଯ୍ୟକାରିଣୀ ସଭ୍ୟ ପ୍ରୟାଗରାଜ କର, ଦୀଲ୍ଲିପ କୁମାର ମିଶ୍ର, ସ୍ଵତନ୍ତ୍ର ନିମନ୍ତ୍ରିତ ସଭ୍ୟ ଚିନ୍ତାମଣି ପାଢ଼ୀ, ରାଜ୍ୟ ସମ୍ପାଦକ ମହେନ୍ଦ୍ର କୁମାର ଦର୍ଜୀ, ହେମାଙ୍କ ପ୍ରସାଦ ରାଉଳ, ଶିବାଶିଷ ମହାନ୍ତି, ସଂଗଠନ ସମ୍ପାଦକ ସନ୍ତୋଷ କୁମାର ସ୍ୱାଇଁ, ସହ ସଂଗଠନ ସମ୍ପାଦକ ଟୁନା ଜେନା, ବରିଷ୍ଠ ସଭ୍ୟ ରମେଶ ପ୍ରଧାନ, ଉମାକାନ୍ତ ସାମନ୍ତରାୟ, ସୁବାଷ ପ୍ରଧାନ, ରଘୁନନ୍ଦନ ସିଂ, ସରୋଜ ଓଝା, ନିବେଦିତା ସିଂ ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ। ଏହି ଅବସରରେ ଗତ ବାର୍ଷିକ ଉତ୍ସବ ଏବଂ ଅନ୍ୟାନ୍ୟ ଆୟବ୍ୟୟର ହିସାବ ପ୍ରଦାନ କରାଯାଇଥିଲା। ଆଗାମୀ ରାଜ୍ୟ କାର୍ଯ୍ୟକାରିଣୀ ବୈଠକ ଏବଂ ପ୍ରାନ୍ତୀୟ ବୈଠକ ଝାରସୁଗୁଡ଼ା ଠାରେ ଅନୁଷ୍ଠିତ ହେବ ବୋଲି ନିଷ୍ପତି ହୋଇଛି।
   ଅନ୍ୟପକ୍ଷରେ ଝାରସୁଗୁଡା ଜିଲ୍ଲାର ବରିଷ୍ଠ ସଭ୍ୟ ସନ୍ତୋଷ କୁମାର ମିଶ୍ରଙ୍କୁ ସର୍ବସମ୍ମତି କ୍ରମେ ସ୍ୱତନ୍ତ୍ର ଟ୍ରିବ୍ୟୁନାଲ ଅଧ୍ୟକ୍ଷ ଭାବେ ମନୋନୀତ କରାଯାଇଥିଲା। ଶେଷରେ ସମ୍ପାଦକ ମହେନ୍ଦ୍ର କୁମାର ଦର୍ଜୀ ଧନ୍ୟବାଦ ଅର୍ପଣ କରିଥିଲେ।