18-Jun-2024

ଟିଟିଲାଗଡ: ଟିଟିଲାଗଡ ସବ ଡିଭିଜନ ଅନ୍ତର୍ଗତ ତେନ୍ତୁଳୀଖୁଣ୍ଟି ଓ ମାଲିସିରା ଗ୍ରାମ ପଞ୍ଚାୟତ ଅଞ୍ଚଳ ରେ ଟାଟା ପାୱାର କମ୍ପାନୀ ଦ୍ଵାରା ବିଦ୍ୟୁତ ବିଭାଗ କାର୍ଯ୍ୟକାରୀ ହେବା ଦିନ ଠାରୁ ଦିନ,ଦିନ ଧରି ବିଜୁଳି ନ ରହିବା ମନଇଚ୍ଛା ବିଦ୍ୟୁତ କାଟ ହେବା ସତ୍ତ୍ଵେ ନୂତନ ମିଟର ଚାଲୁ ରହି ଅଧିକ ବିଲ ଆସିବା ନେଇ ବାରମ୍ବାର ଅଞ୍ଚଳ ବାସି ଆବେଦନ, ନିବେଦନ କରି କରି ନିରାଶ ହୋଇ ବିଦ୍ୟୁତ୍ ବିଭାଗ କାର୍ଯ୍ୟାଳୟ ଦୀର୍ଘ ସମୟ ଧରି ଘେରାଉ କରି ଥିଲେ । ବହୁ ସଂଖ୍ୟା ରେ ଗ୍ରାମବାସୀ ଆସି ବିଭାଗୀୟ ଏସ ଡି ଓ ଙ୍କ କାର୍ଯ୍ୟାଳୟ ଘେରାଉ କରି ରଖି ଏକ ଲିଖିତ ଅଭିଯୋଗ ପତ୍ର ପ୍ରଦାନ କରିଥିଲେ । ସେହିପରି ବିଭିନ୍ନ ଉଚ୍ଚ ଅଧିକାରୀ ଙ୍କ ନିକଟକୁ ଡାକ ଯୋଗେ ଦାବି ପତ୍ର ପ୍ରେରଣ ସହ ଆଗାମୀ ଦିନରେ ଆନ୍ଦୋଳନ ର ଚେତାବନୀ ଦେଇଛନ୍ତି । ବାରମ୍ବାର ବିଦ୍ୟୁତ କାଟ ଯୋଗୁଁ ସାଧାରଣ ତଥା ଚାଷୀ, ତଥା ସରକାରୀ ସ୍ବାସ୍ଥ୍ୟ ଉପ କେନ୍ଦ୍ର,କାର୍ଯ୍ୟାଳୟ ଗୁଡ଼ିକ ରେ ସାଧାରଣ ନାହିଁ ନ ଥିବା ଅସୁବିଧାର ସମ୍ମୁଖୀନ ହେବା ଅଭିଯୋଗ କରିଛନ୍ତି । ସରପଞ୍ଚ ଶ୍ରୀ ଦେବରାଜ ପାତ୍ର ଓ ପୂର୍ବତନ ଜିଲ୍ଲା ପରିଷଦ ସଭ୍ୟ ଶ୍ରୀ କୈବଲ୍ୟ ବେହେରା, ସୁଜିତ ବେହେରା, ଲଳିତ ମହାନ୍ତି, ଆଲୋକ ବେହେରା ତଥା ବହୁ ସଂଖ୍ୟାରେ ଗ୍ରାମବାସୀ ଉପସ୍ଥିତ ଥିଲେ ।

(ରିପୋର୍ଟ, ସନ୍ତୋଷ କୁମାର ନାୟକ)