05-Jun-2024

ବଲାଙ୍ଗିର(ପ୍ରେରଣା ଖବର): ଓଡ଼ିଶା ଆଦର୍ଶ ବିଦ୍ୟାଳୟ ପଥରଚେପା, ବଲାଙ୍ଗିରର ଛାତ୍ରଛାତ୍ରୀମାନେ ଏ ବର୍ଷର ନିଟ୍ (NEET) ପରୀକ୍ଷାରେ ବହୁତ ବଡ଼ ସଫଳତା ହାସଲ କରି ଅଞ୍ଚଳକୁ ଗୌରବ ଆଣିଛନ୍ତି। ଏହି ସଫଳତା ତାଙ୍କର  ଦୃଢ଼ ସଂକଳ୍ପ  ଓ କଠୋର ପରିଶ୍ରମ, ଅଧ୍ୟକ୍ଷ ଏବଂ ଶିକ୍ଷକମାନଙ୍କର ସହାୟତା ଓ ପ୍ରେରଣାର ଫଳ। ଏହି ପରୀକ୍ଷାରେ ବିଦ୍ୟାଳୟର ଅନେକ ଛାତ୍ରଛାତ୍ରୀମାନେ ଉତ୍କୃଷ୍ଟ ମାର୍କ ହାସଲ କରିଛନ୍ତି, ନିଶାରାଣୀ ସା(OBC)୬୭୨, ପ୍ରିତିମୟୀ ସାହୁ(OBC) ୬୬୨, ବାସନ୍ତି ମେହେର(OBC) ୬୪୭, ରାହୁଲ କୁମାର ସାହୁ (OBC)୬୧୫, ଅନୁକୂଳ ଓମ ଜଗନ୍କଳ୍ପ ଯୋଶୀ (GENERAL) ୬୧୪, ପ୍ରିତି ପରିଣିତା ପଟେଲ(OBC) ୬୧୨, ଜଲି କୁମ୍ଭାର(SC)୫୮୮, ଆରେଶ୍ମା ସାହୁ (OBC)୫୫୪, ମିଲି ମେହେର (ST) ୫୫୩, ତପସ୍ୱିନୀ ବାଗ (SC)୫୫୨, ସୁଭନକର ନନ୍ଦ (GENERAL) ୫୨୮, ଜ୍ୟୋତିର୍ମୟୀ ନେଗି (OBC) ୫୨୭, ସୌମ୍ୟ ରଞ୍ଜନ ଭୋଇ (OBC) ୫୨୩,ଆୟେଶା ନନ୍ଦ(SC)୫୧୧ ,ଆଲୋକ ଖମାରୀ(OBC)୫୧୧ । ଏହି ସଫଳତା ପରେ ବିଦ୍ୟାଳୟର ଅଧ୍ୟକ୍ଷ କ୍ଷମାନିଧି ଝାଙ୍କର କହିଛନ୍ତି , "ଏହି ସଫଳତା ଆମପାଇଁ ବିଶେଷ ଗର୍ବର ବିଷୟ ଏବଂଛାତ୍ରଛାତ୍ରୀ ମାନଙ୍କର  ଉଜ୍ଜ୍ବଳ ଭବିଷ୍ୟତ କରିବାରେ ଆମେ ନିରନ୍ତର ପ୍ରତିବଦ୍ଧ। ଛାତ୍ରଛାତ୍ରୀ ମାନଙ୍କ ପରିଶ୍ରମ ଓ ନିବିଡ଼ ଅଧ୍ୟୟନର ଫଳରେ ଏହି ସଫଳତା ସମ୍ଭବ ହୋଇଛି।ଏହା ବିଦ୍ୟାଳୟ ପାଇଁ ଗର୍ବର ବିଷୟ ଏବଂ ସବୁ ଛାତ୍ରଛାତ୍ରୀ ଓ ଅଭିଭାବକମାନଙ୍କ ପାଇଁ ପ୍ରେରଣା ସ୍ୱରୂପ।  ଅଭିନନ୍ଦନ ସହିତ,  ଭବିଷ୍ୟତରେ ଆଉ ବିଶେଷ ସଫଳତା ଆଶା କରାଯାଉଛି, ଯାହା ଆମ ଶିକ୍ଷା ବ୍ୟବସ୍ଥାର ସ୍ତରକୁ ଉନ୍ନତ କରିବ।