02-Jun-2024

କଣ୍ଟାମାଳ (ଜୟ କୁମାର ମହାରଣାଙ୍କ ରିପୋର୍ଟ):  ଆସନ୍ତା  ୪ତାରିଖ ଦିନ ଭୋଟ ଗଣତି ଥିବାବେଳେ ବୌଦ୍ଧ ଜିଲ୍ଲା ପ୍ରଶାସନ ପକ୍ଷରୁ ତତ୍ପରତା ଦେଖାଦେଇଛି  l   ଭୋଟ ଗଣତିକୁ ସୁରୁଖୁରୁରେ ପରିଚାଳନା ପାଇଁ ଆଜି ବୌଦ୍ଧ ଜିଲ୍ଲା ପ୍ରଶାସନ ପକ୍ଷରୁ ଏକ ସାମ୍ବାଦିକ ସମ୍ମିଳନୀ ର ଆୟୋଜନ କରାଯାଇଛି  l  କନ୍ଧମାଳ ସଂସଦୀୟ କ୍ଷେତ୍ର ଅନ୍ତର୍ଗତ ବୌଦ୍ଧ ନିର୍ବାଚନ ମଣ୍ଡଳୀ (୮୬) ଓ ଅନ୍ୟଟି କଣ୍ଟାମାଳ ନିର୍ବାଚନ ମଣ୍ଡଳୀ(୮୫) ଏହି ଦୁଇଟି ବିଧାନସଭା କ୍ଷେତ୍ରର ଭୋଟ ଗଣତି ବୌଦ୍ଧ ପଂଚାୟତ ମହାବିଦ୍ୟାଳୟରେ କରାଯିବା ନେଇ ଜିଲ୍ଲା ପ୍ରଶାସନ ସ୍ଥିର କରିଛି   l  କଣ୍ଟାମାଳ ନିର୍ବାଚନ ମଣ୍ଡଳୀ ପାଇଁ ୧୪ଟି ଟେବୁଲ ଥିବାବେଳେ ପୋଷ୍ଟାଲ ବାଲଟ ପାଇଁ ୩ଟି ଟେବୁଲର ବ୍ୟବସ୍ଥା କରାଯାଇଛି ଓ ବୌଦ୍ଧ ନିର୍ବାଚନ ମଣ୍ଡଳୀ ପାଇଁ ୧୨ଟି ଟେବୁଲ ଥିବାବେଳେ ପୋଷ୍ଟାଲ ବାଲଟ ପାଇଁ ୩ଟି ଟେବୁଲ ବ୍ୟବସ୍ଥା କରାଯାଇଥିବା ଉପଜିଲ୍ଲାପାଳ ଓ ଅତିରିକ୍ତ ଜିଲ୍ଲାପାଳ ଗଣମାଧ୍ୟମକୁ ସୂଚନା ଦେଇ ଭୋଟ ଗଣତିରେ ସହଯୋଗ ପାଇଁ ଅନୁରୋଧ କରିଥିଲେ । ସାମ୍ବାଦିକ ସମ୍ମିଳନୀରେ ସୂଚନା ଓ ଲୋକସମ୍ପର୍କ ଅଧିକାରୀ ରିତାକାନ୍ତି ବଳିୟାର ସିଂ ଙ୍କ ସମେତ ବିଭିନ୍ନ ଗଣମାଧ୍ୟମ ପ୍ରତିନିଧିମାନେ ଉପସ୍ଥିତ ଥିଲେ ।