01-Jun-2024

 ତରଭା(କପିଳାସ ସେଠ ): ତରଭା ବ୍ଲକ ମରାଡୁଗୁଛା କ୍ଲଷ୍ଟର ଅନ୍ତର୍ଗତ ବନ୍ଧକେଡ଼ା ପ୍ରାଥମିକ ବିଦ୍ୟାଳୟ ପରିସରରେ ଶିକ୍ଷକ ଗାନ୍ଧୀ ପାଢ଼ୀ ଙ୍କ ଅଧ୍ୟକ୍ଷତା ରେଅବସର କାଳୀନ ସମ୍ୱର୍ଦ୍ଧନା ସଭା ଅନୁଷ୍ଠିତ ହୋଇ ଯାଇଛି I ବନ୍ଧକେଡ଼ା ସ୍କୁଲର ବରିଷ୍ଠ ତଥା ପ୍ରଧାନ ଶିକ୍ଷକ କୃଷ୍ଣ ଚନ୍ଦ୍ର ସାହୁ ଶୁକ୍ରବାର   ଚାକିରୀରୁ ଅବସର ଗ୍ରହଣ କରିଥିବାରୁ ଏକ ବିଦାୟ କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଥିଲା  l ସମ୍ବର୍ଦ୍ଧନା ଉତ୍ସବ ରେ  ମୁଖ୍ୟ ଅତିଥି ଭାବେ ଗୋଷ୍ଟୀ ଶିକ୍ଷା ଅଧିକାରୀ ନାରାୟଣ ମିଶ୍ର, ସମ୍ମାନିତ ଅତିଥି ଭାବେ ଏବିଇଓ ସତ୍ୟନାରାୟଣ ମହାପାତ୍ର ଓ ସ୍କୁଲ ପରିଚାଳନା କମିଟି ସଭାପତି ଶିବ ପ୍ରସାଦ ମାଝୀ ଯୋଗ ଦେଇଥିଲେ l ମୁଖ୍ୟ ଅତିଥି ଅବସର ପ୍ରାପ୍ତ ଶିକ୍ଷକ ଶ୍ରୀ ସାହୁ ଙ୍କ ଆଦର୍ଶ ଶିକ୍ଷକତା, ସୁ ପରିଚାଳନା  ଅନ୍ୟ ମାନଙ୍କ ପାଇଁ ଉଦାହରଣ ବୋଲି ମତ ଦେଇଥିଲେ ଅନ୍ୟ ଅତିଥି ମାନଙ୍କ    ଶି କ୍ଷକ ସଂଜୀବ ସେଠୀ, ନୀଳକଣ୍ଠ ବଗର୍ତି, ଚାକିରୀ ଜୀବନର ସ୍ମୃତି ଚାରଣ କରିଥିଲେ l କ୍ଲଷ୍ଟର ତରଫରୁ ଅବସର ପ୍ରାପ୍ତ ଶିକ୍ଷକ ଶ୍ରୀ ସାହୁ ଙ୍କୁ ପୁଷ୍ପ ଗୁଚ୍ଛ,ଉତ୍ତରୀୟ,ଓ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା l ଏହି ଅବସରରେ ସ୍କୁଲ ର ଛାତ୍ର ଛାତ୍ରୀ, ପରିଚାଳନା କମିଟି ର ସଭ୍ୟ ସଭ୍ୟା ଓ ଗ୍ରାମବାସୀ ଶ୍ରୀ ସାହୁ ଙ୍କୁ ସମ୍ବର୍ଦ୍ଧିତ କରିଥିଲେ l କାର୍ଯ୍ୟକ୍ରମ କୁ ଆଞ୍ଚଳିକ ସାଧନ କର୍ମୀ ରମେଶ ବାଘ ପରିଚାଳନା କରିଥିବା ବେଳେ ଶିକ୍ଷକ ରବିନାରାୟଣ ସାହୁ ଧନ୍ୟବାଦ ଅର୍ପଣ କରିଥିଲେ l ପ୍ରଦ୍ୟୁମ୍ନ ମହାନ୍ତିଙ୍କ ସହ କ୍ଲଷ୍ଟରର ସମସ୍ତ ଶିକ୍ଷକ, ବିଦ୍ୟାଳୟ ପରିଚାଳନା କମିଟି ସଭ୍ୟ ସଭ୍ୟା ଉପସ୍ଥିତ ରହି ଥିଲେ l