31-May-2024

ସିନ୍ଧେକେଲା(ଦୀନେଶ ଜୈନ):  ସିନ୍ଧେକେଲା ନିକଟବର୍ତ୍ତୀ ଦିଗସିରା ପଞ୍ଚାୟତ ନିମୁର୍ଲା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଉକ୍ତ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରେମରାଜ ଛତ୍ରୀଆଙ୍କ ଅବସରକାଳୀନ ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଉକ୍ତ ସଭାରେ ମୁଖ୍ୟ ଅତିଥି ଭାବରେ ଅବସର ପ୍ରାପ୍ତ ପ୍ରଧାନ ଶିକ୍ଷକ ପବିତ୍ର ବେହେରା ଯୋଗଦାନ କରି ଦ୍ୱୀପ ପ୍ରଜ୍ବଳନ କରି କାର୍ଯ୍ୟକ୍ରମର ଶୁଭ ଉଦଘାଟନ କରିଥିଲେ । ଶିକ୍ଷକ ଦୁଷ୍ମନ୍ତ ଶବର ଅତିଥି ପରିଚୟ ପ୍ରଦାନ କରିଥିବାବେଳେ

ସିଆରସିସି ଆଲୋକ କୁମାର ମେକାପ ଶିକ୍ଷକଙ୍କ ଅବଦାନ ବିଷୟରେ ମତବ୍ୟକ୍ତ କରିଥିଲେ । ଶିକ୍ଷକ ବିହାରୀ ଲାଲ ଭୋଇ ମାନପତ୍ର ପଠନ କରିଥିବାବେଳେ ଶିକ୍ଷକ ପରମେଶ୍ବର ପଣ୍ଡା ଛତ୍ରିଆ ଆଜ୍ଞାଙ୍କ ଜୀବନୀ ଉପରେ ବର୍ଣ୍ଣନା କରିଥିଲେ । ସଭାରେ ଶିକ୍ଷକ ଭାଗ ଶବର, ବ୍ରଜ ବେହେରା , ଶ୍ରୀପତି ବେହେରା, ଶରତ ଚନ୍ଦ୍ର ଚନ୍ଦନ, ଲମ୍ବୋଦର ଛୁରା , ବିଦ୍ୟାଳୟ

ପରିଚାଳନା କମିଟିର ସମସ୍ତ ସଦସ୍ୟ , ଅଙ୍ଗନବାଡି କର୍ମୀ , ଆଶାକର୍ମୀମାନେ  ଉପସ୍ଥିତ ରହି ମତବ୍ୟକ୍ତ କରିଥିଲେ ।  ସଂଯୁକ୍ତା ଓ ସାଥୀମାନେ ସ୍ୱାଗତ ନୃତ୍ୟ ପରିବେଷଣ କରିଥିବାବେଳେ ମାନସୀ ଓ ବିସ୍ମିତା ଗୁରୁ ଭକ୍ତି ଗୀତ ତଥା ହେମାଙ୍ଗିନୀ ଓ ସସ୍ମିତା ବିଦାୟ ସଙ୍ଗୀତ ଗାନ କରିଥିଲେ । ତରୁଣ କୁମାର ସାହୁ ମଞ୍ଚ ପରିଚାଳନା କରିଥିବାବେଳେ ଅନ୍ତର୍ଯ୍ୟାମୀ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।