08-May-2024

ବଲାଙ୍ଗିର(ଚିତ୍ରସେନ ବେହେରା ): ବଲାଙ୍ଗୀର ସହର ଓ ଏହାର ଆଖପାଖ ଅଞ୍ଚଳ ଧୀରେଧିରେ ଯୁବକ ଶୂନ୍ୟ ହେଇଯାଉଛି, ଅନେକ ପିଲା ଶିକ୍ଷା ପାଇଁ ବାହାର ରାଜ୍ୟକୁ ଯାଉଛନ୍ତି l ଏସବୁ ମୂଳରେ ଭୁଶୁଡି ଯାଇ ଥିବା ସରକାରୀ ଶିକ୍ଷା ବ୍ୟବସ୍ଥା ଓ ଆମ ଜିଲ୍ଲାରେ ସରକାରଙ୍କ ଶିଳ୍ପ ପ୍ରତିଷ୍ଠାରେ ଉଦାସୀନତା ଦାୟୀ l ଆହୁରି ମଧ୍ୟ ଚିକିତ୍ସା କ୍ଷେତ୍ରରେ ଡାକ୍ତର ତଥା ଅନ୍ୟାନ୍ୟ ଅସୁବିଧା ଯୋଗୁଁ ଲୋକେ ଘରୋଇ ଡାକ୍ତରଖାନାରେ ଚିକିତ୍ସା ଖର୍ଚ୍ଚ ତୁଲେଇ ନପାରି ଘୋର ଅସୁବିଧା ଭୋଗୁଛନ୍ତି ତେଣୁ ଏସବୁ ସଙ୍କଟରୁ ଆମ ଲୋକଙ୍କୁ ଉଦ୍ଧାର କରିବା ପାଇଁ ଆଗାମୀ ଦିନରେ ଲୋକେ ଯେପରି ଉତ୍ତମ ଶିକ୍ଷା, ଚିକିତ୍ସା କ୍ଷେତ୍ରରେ ଓ ଯୁବକଙ୍କୁ ରୋଜଗାର ପ୍ରଦାନ କରିବା କାର୍ଯ୍ୟ ଆମ ପ୍ରାଥମିକତାରେ ରହିବ ବୋଲି ଆଜି ଦେଓଗାଁ ବ୍ଲକ ଉଡାର, ଜରlସିଂହା ଓ ସାଲେପାଲି ପଂଚାୟତରେ ଅନୁଷ୍ଠିତ ଜନ ଆଶୀର୍ବାଦ ସଭା କଂଗ୍ରେସ ଦଳର ବିଧାୟକ ପ୍ରାର୍ଥୀ ସମରେନ୍ଦ୍ର ମିଶ୍ର ନିଜ ବକ୍ତବ୍ୟରେ କହିଛନ୍ତି l କଂଗ୍ରେସ ନେତା. କlନ୍ତେସ୍ୱର ପଧାନଙ୍କ ସଭାପତିତ୍ୱରେ ଅନୁଷ୍ଠିତ ଏହି ନିର୍ବାଚନୀ ସଭାରେ ସମରେନ୍ଦ୍ର ଏହା ମଧ୍ୟ କହିଛନ୍ତି ଯେ ଏଠାକାର ରାଜପରିବାର ଦୀର୍ଘ ବର୍ଷ ପର୍ଯ୍ୟନ୍ତ ବିଧାୟକ, ସାଂସଦ ସହ ଗୁରୁତ୍ୱପୂର୍ଣ୍ଣ ବିଭାଗର ମନ୍ତ୍ରୀ ଥିଲେ କିନ୍ତୁ ବଲାଙ୍ଗୀର ପାଈଁ. କୌଣସି ବୃହତ ପ୍ରକଳ୍ପ ନ ଆଣି ସେମାନେ କେବଳ ବିଧାୟକ ଓ ସାଂସଦ ପାଣ୍ଠିରେ ବଲାଙ୍ଗୀରର ବିକାଶକୁ ସିମିତ ରଖିଦେବା ବହୁତ ହାସ୍ୟାସ୍ପଦ ଅଟେ l ଏଣୁ ଆଜିର ଏଇ ଜନଆଶିର୍ବାଦ ସଭାରେ ଜନସାଧାରଣଙ୍କୁ ମୁଁ ଅନୁରୋଧ କରିବା ପାଇଁ ଚାହିଁବି ଏପରି ନେତାଙ୍କୁ ଆପଣମାନେ ଆଗାମୀ ନିର୍ବାଚନରେ ବରଖାସ୍ତ କରନ୍ତୁ କାରଣ ଏମାନଙ୍କ ହାତରେ ଅଂଚଳର ବିକାଶ କେବେ ବି ସମ୍ଭବ ନୁହେଁ  ବୋଲିି ସମରେନ୍ଦ୍ର କହିଛନ୍ତି l 

କାଲି ସଦର ବ୍ଲକ ଅନ୍ତର୍ଗତ ବଡପଦର ଗାଁ , ଖୁଜେନପାଲି ଓ ମାଧିଆପାଲି ପଂଚାୟତରେ ଅନୁଷ୍ଠିତ ନିର୍ବାଚନୀ ସଭାରେ କଂଗ୍ରେସ ଦଳର ବିଧାୟକ ପ୍ରାର୍ଥୀ ସମରେନ୍ଦ୍ର ମିଶ୍ର ନିଜ ବକ୍ତବ୍ୟରେ କହିଛନ୍ତ l ଜନ ଆଶିର୍ବାଦ ସଭାରେ ମାନ୍ୟବର ବଲାଙ୍ଗିର ବିଧାୟକ ନରସିଂହ ମିଶ୍ର କଂଗ୍ରେସ ଦଳର ସାଂସଦ ଓ ବିଧାୟକ ପ୍ରାର୍ଥୀଙ୍କୁ ୨ଟି ଭୋଟ ହାତ ଚିହ୍ନରେ ଦେବାକୁ ନିବେଦନ କରିଥିଲେ । ତା ସହ ଏହା ମଧ୍ୟ କହିଥିଲେ

ନିର୍ବାଚନରେ ଠିକ୍ ଲୋକ ନିର୍ବାଚିତ ହେଲେ ଅଂଚଳର ବିକାଶ ପ୍ରକ୍ରିୟା ନିରନ୍ତର ଜାରି ରହିବ। ଭୁଲ ଲୋକଙ୍କ ହାତରେ କ୍ଷମତା ରହିଲେ ବଲାଙ୍ଗିର ପୁଣି ୨୪ ବର୍ଷ ତଳକୁ ଫେରିଯିବ ବୋଲି କହିବା ସହ କଂଗ୍ରେସ ସରକାରକୁ ଆସିଲେ ଧାନ କ୍ୱିଣ୍ଟାଲ ୩ ହଜାର ଟଙ୍କା, ମାସିକ ୨୦୦ ୟୁନିଟ ବିଜୁଳି ମାଗଣା, ଏସ୍‌ଏଚ୍‌ଜି ଗୋଷ୍ଠୀଙ୍କ ବ୍ୟାଙ୍କ ଋଣ ଛାଡ, ମହିଳାଙ୍କୁ ମାସିକ ଭତ୍ତା ୨ହଜାର ଟଙ୍କା, ଦଳିତ ମହିଳାଙ୍କୁ ୩ହଜାର ଟଙ୍କା, ଗ୍ୟାସ ସିଲିଣ୍ଡର ଦାମ ୫୦୦ ଟଙ୍କା, ସାମାଜିକ ସୁରକ୍ଷା ଅନ୍ତର୍ଗତ ମାସିକ ଭତ୍ତା ୨ହଜାର ଟଙ୍କାକୁ ବୃଦ୍ଧି, ବେକାରୀ ଭତ୍ତା ୩ହଜାର ଟଙ୍କା, ୫ଲକ୍ଷ ଯୁବକ ଯୁବତୀଙ୍କ ପାଇଁ ନିଯୁକ୍ତି ବ୍ୟବସ୍ଥା କରାଯିବ ବୋଲି ବିଧାୟକ ଶ୍ରୀ ମିଶ୍ର କଂଗ୍ରେସ ଦଳ ତରଫରୁ ଗ୍ୟାରେଣ୍ଟି ଦେଇଥିଲେ । ଆଜିର ଏହି ନିର୍ବାଚନି ସଭାମାନଙ୍କ ରେ ଅନ୍ୟ ମାନଙ୍କ ମଧ୍ୟ ରେ କଂଗ୍ରେସ ନେତା ଜନ୍ମେଜୟ ସାହୁ, କାଙ୍ଗାଳି ସାହୁ, ଅଚୁତ ପଧାନ ପ୍ରମୁଖ ମଞ୍ଚାସୀନ ଥିଲେ ।