08-May-2024

ସୁବର୍ଣ୍ଣପୁର  (ମନୋରଞ୍ଜନ ତ୍ରିପାଠୀ )
ସାଧାରଣ ନିର୍ବାଚନ କୁ ସୁ ବ୍ୟବସ୍ଥିତ ପରିଚାଳନା ନିମନ୍ତେ ଭାରତ ନିର୍ବାଚନ ଆୟୁକ୍ତ ଙ୍କ ଦ୍ୱାରା ସାଧାରଣ ପର୍ଯ୍ୟବେକ୍ଷକ ଶ୍ରୀ ରାଜନ ଭିଶାଲ, ଆଇ. ଏ. ଏସ ଜିଲ୍ଲା ଅନ୍ତର୍ଗତ ୧୦ -ବଲାଙ୍ଗୀର ସଂସଦୀୟ କ୍ଷେତ୍ର ସହ ୬୪ ବୀରମହାରାଜପୁର ଓ ୬୫ ସୋନପୁର ବିଧାନସଭା ନିର୍ବାଚନ ମଣ୍ଡଳୀ ନିମନ୍ତେ ନିଯୁକ୍ତ ହୋଇଛନ୍ତି l ସେ ଜିଲ୍ଲାରେ ପହଞ୍ଚି ଜିଲ୍ଲା ନିର୍ବାଚନ ସମ୍ୱନ୍ଧୀୟ ଵିଧି ବ୍ୟବସ୍ଥା ସହ ଦାୟିତ୍ୱ ଓ କର୍ତ୍ତବ୍ୟ ଉପରେ ନିର୍ବାଚନରେ ସମ୍ପୃକ୍ତ ବିଭିନ୍ନ ନୋଡାଲ ଅଧିକାରୀ, ରାଜନୈତିକ ପ୍ରତିନିଧି, ନିର୍ବାଚନରେ ନାମାଙ୍କନ ଭରିଥିବା ପ୍ରାର୍ଥୀ ପ୍ରାର୍ଥୀନୀ, ପ୍ରତିନିଧି ଙ୍କ ସହ ସ୍ୱତନ୍ତ୍ର ବୈଠକ ମାଧ୍ୟମରେ ଅବଗତ କରାଇଛନ୍ତି l ସେ ଉଭୟ ନିର୍ବାଚନ ମଣ୍ଡଳୀ ର ଇଭି ଏମ ଷ୍ଟ୍ରଙ୍ଗ ରୁମ ସହ କାଉଁଟିଙ୍ଗ ସେଣ୍ଟର ର ପରିଦର୍ଶନ ଓ ନିରୀକ୍ଷଣ କରିବା ସହ ଜିଲ୍ଲାର ବ୍ୟବସ୍ଥିତ ଓ ଶୃଙ୍ଖଳିତ ମତଦାନ ଉପରେ ଗୁରୁତ୍ୱାରୋପ କରିଛନ୍ତି l ସେ ଜିଲ୍ଲାର ମତଦାନ ହାରକୁ ବୃଦ୍ଧି କରିବା ଉପରେ ଗୁରୁତ୍ୱାରୋପ ପୂର୍ବକ ଜିଲ୍ଲାର ବିଭିନ୍ନ ମତଦାନ କେନ୍ଦ୍ରରେ ପହଞ୍ଚି ସ୍ଥିତି ଓ ବ୍ୟବସ୍ଥାର ନିରୀକ୍ଷଣ କରିଥିବା ବେଳେ ସବୁ ବର୍ଗର ମତଦାତା ଙ୍କ ନିମନ୍ତେ ଆବଶ୍ୟକ ମୌଳିକ ସୁବିଧା କୁ  ସୁନିଶ୍ଚିତ କରିବା ନିମନ୍ତେ ସେ ଉଭୟ ନିର୍ବାଚନ ମଣ୍ଡଳୀ ର ରିଟର୍ଣ୍ଣିଙ୍ଗ ଅଧିକାରୀ ଙ୍କୁ ନିର୍ଦେଶ ଦେଇଛନ୍ତି l

ସାଧାରଣ ପର୍ଯ୍ୟବେକ୍ଷକ ଶ୍ରୀ ଭିଶାଲ ଏହି ପରିପ୍ରେକ୍ଷୀରେ ସୋନପୁର ବିଧାନସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ଘାଟକଇଁତରା ୟୁପିଏସ ବୁଥ୍ ନଂ ୨୫୨, ନୂଆପଡା ପ୍ରାଥମିକ ବିଦ୍ୟାଳୟ ବୁଥ୍ ନଂ ୨୫୫, ରଥପଡା ବାଳିକା ପ୍ରାଥମିକ ବିଦ୍ୟାଳୟ ୨୫୯ ବୁଲିଦେଖିଥିବା ବେଳେ ବୀରମହାରାଜପୁର ନିର୍ବାଚନମଣ୍ଡଳୀ ଅନ୍ତର୍ଗତ ବିଶିପଡା ବୁଥ୍ ନଂ ୧୩୮, ନାଏକପଡା ବୁଥ୍ ନଂ ୧୩୭, ଏବଂ ଚଡେଇପଙ୍କ ବୁଥ୍ ନଂ ୯୯ ର ପରିଦର୍ଶନ କରିଥିଲେ l ସାଧାରଣ ପର୍ଯ୍ୟବେକ୍ଷକ ଙ୍କ ବୁଥ୍ ପରିଦର୍ଶନ ସମୟରେ ରିଟର୍ଣ୍ଣିଙ୍ଗ ଅଧିକାରୀ ତଥା ଉପଜିଲ୍ଲାପାଳ ବୀରମହାରାଜପୁର ଶ୍ରୀ ଲଲାଟେନ୍ଦୁ ସି,ରିଟର୍ଣ୍ଣିଙ୍ଗ ଅଧିକାରୀ ତଥା ଉପଜିଲ୍ଲାପାଳ ସୋନପୁର ଶ୍ରୀ ସୁରଜ କୁମାର ପଟ୍ଟନାୟକ, ଲିଆସନ ଅଧିକାରୀ ତଥା ସି ଏସ ଓ ସୁରେଶ ପାଣିଗ୍ରାହୀ ସମେତ ଅନ୍ୟାନ୍ୟ ନିର୍ବାଚନ ସମ୍ପୃକ୍ତ କ୍ଷେତ୍ର ଅଧିକାରୀ ଉପସ୍ଥିତ ଥିଲେ l